തീപിടിച്ച് നശിച്ച വീട്
കോന്നി: കോന്നി വി. കോട്ടയം ഇളപ്പുപാറയിൽ കൊമ്പൻപാറ മലനട മഹാഗണപതി ക്ഷേത്രത്തിന് സമീപം വീടിന് തീ പിടിച്ച് ലക്ഷങ്ങളുടെ നാശനഷ്ടം.ഇളപ്പുപാറ രാജൻ വിലാസം രാജന്റെ വീടിനാണ് തീ പടർന്ന് പിടിച്ചത്. വൈകീട്ട് മൂന്നരക്ക് ശേഷമാണ് സംഭവം നടന്നത്.
രാജൻ കോന്നിയിലേക്ക് പോകാൻ ഇറങ്ങുന്നതിനിടെ വീടിനുള്ളിൽനിന്ന് പുക ഉയരുന്നതുകണ്ട് അയൽക്കാർ വിളിച്ച് അറിയിക്കുമ്പോഴാണ് രാജൻ വിവരം അറിയുന്നത്. തുടർന്ന് കോന്നി അഗ്നിരക്ഷാസേനയുടെ രണ്ട് യൂനിറ്റ് എത്തി നാട്ടുകാരും ചേർന്ന് തീ അണക്കുകയായിരുന്നു.
കോന്നി പൊലീസും സ്ഥലത്ത് എത്തിയിരുന്നു. ഹാളിലാണ് പ്രധാനമായും അഗ്നിബാധ ഉണ്ടായത്.വയറിങ്, ഫർണിച്ചറുകൾ ഇലക്ട്രോണിക് ഉകരണങ്ങളുൾപ്പെടെ കത്തിനശിച്ചു. രണ്ടുലക്ഷം രൂപയുടെ നാശനഷ്ടം ഉണ്ടായതായാണ് കണക്കാക്കുന്നത്. അടുക്കളയുടെ ഭാഗത്തേക്ക് തീ പടരാതിരുന്നതുമൂലം വൻ ദുരന്തം ഒഴിവായി. രാജൻ ഒറ്റക്കാണ് വീട്ടിൽ താമസം. കുറച്ച് ദിവസമായി ഡൽഹിയിലായിരുന്ന ഇയാൾ കഴിഞ്ഞ ദിവസമാണ് തിരിച്ചെത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.