മ​ണ്ണെ​ടു​പ്പ്​: റോ​ഡ് ത​ക​ർ​ന്നു

പ​ത്ത​നം​തി​ട്ട: മ​ണ്ണെ​ടു​പ്പി​നെ തു​ട​ർ​ന്ന്​ വാ​ര്യാ​പു​രം- മു​ക്കൂ​ട്-​ഇ​ട​പ്പ​രി​യാ​രം റോ​ഡ് ത​ക​ർ​ന്നു. കാ​ൽ​ന​ട​യാ​ത്ര​ക്കാ​ർ​ക്കും ഇ​രു​ച​​ക്ര​വാ​ഹ​ന യാ​ത്ര​ക്കാ​ർ​ക്കും സ​ഞ്ച​രി​ക്കാ​ൻ പ​റ്റാ​ത്ത അ​വ​സ്ഥ​യി​ലാ​ണ് റോ​ഡ്. ഏ​ക​ദേ​ശം ര​ണ്ടു മാ​സ​ത്തി​ലേ​റെ​യാ​യി വാ​ര്യാ​പു​രം മു​ക്കൂ​ട്​ സ്​​ഥ​ല​ത്ത്​ കു​ന്നി​ടി​ച്ച്​ മ​ണ്ണെ​ടു​പ്പ് തു​ട​രു​ക​യാ​ണ്. ഇ​വി​ട​ത്തെ ഭ​വ​ൻ​സ്​ സ്കൂ​ളി​ന്റെ തു​ട​ർ​പ്ര​വ​ർ​ത്ത​ന​ത്തി​നാ​യാ​ണ് മ​ണ്ണെ​ടു​ത്ത്​ മാ​റ്റു​ന്ന​തെ​ന്ന്​ നാ​ട്ടു​കാ​ർ പ​റ​ഞ്ഞു. യാ​തൊ​രു ക്ര​മീ​ക​ര​ണ​ങ്ങ​ളും ഇ​ല്ലാ​തെ​യാ​ണ് മ​ണ്ണെ​ടു​ക്കു​ന്ന​ത്. വ​ലി​യ വാ​ഹ​ന​ങ്ങ​ൾ മ​ണ്ണു​മാ​യി ക​ട​ന്നു​​പോ​യ​തി​നെ തു​ട​ർ​ന്ന്​ റോ​ഡി​ലെ ക​ലു​ങ്കും​ ത​ക​ർ​ന്നു. മ​ഴ​ക്കാ​ല​ത്ത്​ ഇ​തു​വ​ഴി സ​ഞ്ച​രി​ക്കാ​ൻ പ​റ്റി​ല്ല. ചെ​ളി നി​റ​ഞ്ഞ റോ​ഡി​റോഡിലൂടെ സഞ്ചരിച്ചാൽ തെ​ന്നി വീ​ഴു​ന്ന അ​വ​സ്​​ഥ​യാ​ണ്. മ​ഴ​സ​മ​യ​ത്ത്​ ചെ​ളി വെ​ള്ളം വീ​ടു​ക​ളി​ലേ​ക്ക്​ ഒ​ലി​ച്ചി​റ​ങ്ങു​ക​യാ​ണെ​ന്ന്​ പ്ര​ദേ​ശ​വാ​സി​ക​ൾ പ​റ​ഞ്ഞു.

വാ​ർ​ഡ് മെ​മ്പ​ർ​മാ​രാ​യ സ​ജി തെ​ക്കും​ക​ര, അ​ഡ്വ. സി​നി എ​ന്നി​വ​ർ സ്കൂ​ളി​ൽ ചെ​ന്ന് മ​ണ്ണെ​ടു​പ്പ് നി​ർ​ത്ത​ണ​മെ​ന്നാ​വ​ശ്യ​പ്പെ​ട്ടി​രു​ന്നു. തു​ട​ർ​ന്ന്​ പ​ഞ്ചാ​യ​ത്ത് ക​മ്മി​റ്റി ചേ​ർ​ന്ന്​ മ​ണ്ണെ​ടു​പ്പി​ന് സ്റ്റോ​പ്പ് മെ​മ്മോ ന​ൽ​കി. എ​ന്നാ​ൽ സ്കൂ​ളു​കാ​ർ കോ​ട​തി​യെ സ​മീ​പി​ച്ച് മ​ണ്ണെ​ടു​പ്പി​ന് അ​നു​വാ​ദം വാ​ങ്ങി​യെ​ടു​ത്തു. റോ​ഡി​ന്‍റെ ശോ​ച്യാ​വ​സ്​​ഥ പ​രി​ഹ​രി​ക്കാ​ൻ സ്​​കൂ​ൾ അ​ധി​കൃ​ത​രു​മാ​യി ച​ർ​ച്ച ചെ​യ്തി​ട്ടും ഫ​ല​മു​ണ്ടാ​യി​ല്ല. റോ​ഡ്​ ന​ന്നാ​ക്കാ​ൻ 45 ല​ക്ഷം രൂ​പ​യോ​ളം വേ​ണ്ടി​വ​രു​മെ​ന്ന്​ പ​ഞ്ചാ​യ​ത്ത്​ അം​ഗ​ങ്ങ​ൾ പ​റ​ഞ്ഞു. ഈ ​വി​വ​രം സ്കൂ​ളി​നെ അ​റി​യി​ച്ചി​ട്ടും മ​റു​പ​ടി ല​ഭി​ച്ചി​ട്ടി​ല്ല.

ഇ​തേ​തു​ട​ർ​ന്ന്​ ജ​ന​കീ​യ സ​മ​ര​ത്തി​ന്​ തു​ട​ക്ക​മി​ട്ടി​രി​ക്കു​യാ​ണ്. വെ​ള്ളി​യാ​ഴ്ച പ​ഞ്ചാ​യ​ത്ത്​ അം​ഗ​ങ്ങ​ളാ​യ സ​ജി തെ​ക്കും​ക​ര, അ​ഡ്വ. സി​നി, പി.​എം. ജോ​ൺ​സ​ൺ എ​ന്നി​വ​രു​ടെ നേ​തൃ​ത്വ​ത്തി​ൽ റോ​ഡ്​ ഉ​പ​രോ​ധ സ​മ​ര​വും ന​ട​ന്നു. വ​രും ദി​വ​സ​ങ്ങ​ളി​ൽ സ​മ​രം ശ​ക്​​ത​മാ​ക്കു​മെ​ന്ന്​ അം​ഗ​ങ്ങ​ൾ പ​റ​ഞ്ഞു. ഇ​ല​ന്തൂ​ർ പ​ഞ്ചാ​യ​ത്തി​ന്റെ വി​വി​ധ മേ​ഖ​ല​ക​ളി​ൽ ഇ​തു​പോ​ലെ മ​ണ്ണെ​ടു​പ്പ് ന​ട​ക്കു​ന്നു​ണ്ട്. ഭ​ര​ണ​സ്വാ​ധീ​നം ഉ​പ​യോ​ഗി​ച്ച് ഒ​രു ക്ര​മീ​ക​ര​ണ​വും ഇ​ല്ലാ​തെ​യാ​ണ്​ മ​ണ്ണ് ലോ​ബി ഇ​വി​ടെ പ്ര​വ​ർ​ത്തി​ക്കു​ന്ന​ത്.