കോട്ടയം-പത്തനംതിട്ട ജില്ലകളെ ബന്ധിച്ച് നിർദിഷ്ട പാലം വരുന്ന ചിറക്കൽ പാറയിലെ പ്രദേശം
മല്ലപ്പള്ളി: പത്തനംതിട്ട ജില്ലയിലെ കോട്ടാങ്ങൽ പഞ്ചായത്തിനെയും കോട്ടയം ജില്ലയിലെ വെള്ളാവൂർ പഞ്ചായത്തിനെയും ബന്ധിപ്പിച്ച് മണിമലയാറിന് കുറുകെ ചിറക്കൽപാറയിൽ പുതിയ പാലം നിർമിക്കാൻ ഭരണാനുമതി. 76 മീറ്റർ നീളത്തിലും 11 മീറ്റർ വീതിയിലുമുള്ള പാലത്തിൽ 7.5 മീറ്റർ വീതിയിലാണ് ടാറിങ്. ഇരുവശത്തും 1.5 മീറ്റർ വീതം വീതിയിൽ നടപ്പാതയുമടക്കം 20.22 കോടിയുടെ നിർമാണത്തിനാണ് അനുമതി ലഭിച്ചത്.
2022ലെ സംസ്ഥാന ബജറ്റിൽ പാലം നിർമാണത്തിന് 13 കോടി രൂപ അനുവദിച്ചിരുന്നു. ആറ്റിലും ഇരുകരകളിലുമായി മണ്ണുപരിശോധനയും അതേ ജൂണിൽ പൂർത്തിയായിരുന്നു. ചിറക്കപ്പാറക്കടവിൽ കടത്തുവള്ളം മുടങ്ങിയിട്ട് നാലുവർഷം പിന്നിടുകയാണ്. പൊതുമരാമത്തുവകുപ്പിന്റെ കടത്ത് വള്ളം 2019ൽ നിലച്ചതാണ്. അതിനുശേഷം മേഖലയിലെ ജനങ്ങൾ ഏറെ ദൂരം ചുറ്റിക്കറങ്ങിയാണ് മറുകരകളിലെത്തുന്നത്.
പുതിയപാലം യാഥാർഥ്യമായാൽ മേഖലയിലെ ജനങ്ങളുടെ യാത്രക്ലേശത്തിന് പരിഹാരമാകും. കോട്ടാങ്ങൽ, ചുങ്കപ്പാറ, പൊന്തൻപുഴ പ്രദേശങ്ങളിലെ ജനങ്ങൾക്ക് താഴത്തുവടകര, വെള്ളാവൂർ, പത്തനാട്, കങ്ങഴ എന്നിവിടങ്ങളിലേക്ക് എളുപ്പത്തിൽ ഈ പാലംവഴിയെത്താനാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.