പ​ന്ത​ളം എം.​സി റോ​ഡ് നടപ്പാതയിൽ അപകടക്കെണി

പ​ന്ത​ളം: എം.​സി റോ​ഡി​ലെ സുരക്ഷിത യാ​ത്ര​ക്കായി ല​ക്ഷ്യ​മി​ട്ട നടപ്പാതകളിൽ അ​പ​ക​ടക്കെണി. ക​ഴ​ക്കൂ​ട്ട​ത്തു​നി​ന്ന്​ ആ​രം​ഭി​ച്ച് അ​ടൂ​രി​ൽ അ​വ​സാ​നി​ക്കു​മാ​യി​രു​ന്ന സു​ര​ക്ഷാ ഇ​ട​നാ​ഴി പദ്ധതി അ​ടൂ​രി​ൽ​നി​ന്ന് ചെ​ങ്ങ​ന്നൂ​രി​ലേ​ക്ക് നീ​ട്ടി​യ​തോ​ടെ റോ​ഡ്‌ വി​ക​സ​ന​ത്തി​ന് വ​ഴി​യൊ​രു​ങ്ങി. അ​ടൂ​ർ മു​ത​ൽ ചെ​ങ്ങ​ന്നൂ​ർ​വ​രെ പ​ദ്ധ​തി​ക്ക് സ​ർ​ക്കാ​ർ 96 കോ​ടി അ​നു​വ​ദി​ക്കു​ക​യും ചെ​യ്തു. തു​ട​ർ​ന്ന് പ​റ​ന്ത​ൽ മു​ത​ൽ മാ​ന്തു​ക ക​വ​ല​വ​രെ ഇ​ട​നാ​ഴി​യു​ടെ ഭാ​ഗ​മാ​യി കെ.​എ​സ്.​ടി.​പി​യു​ടെ ചു​മ​ത​ല​യി​ൽ ന​വീ​ക​ര​ണം ന​ട​ത്തി. എ​ന്നാ​ൽ, തു​ട​ർ​ന്നു​ള്ള ജോ​ലി​ക​ൾ ബാ​ക്കി​യാ​യ​തോ​ടെ യാ​ത്ര​ക്കാ​രു​ടെ സു​ര​ക്ഷ ചോ​ദ്യ​ചി​ഹ്ന​മാ​യി.

പ​റ​ന്ത​ൽ, കു​ര​മ്പാ​ല, ശ​ങ്ക​ര​ത്തി​ൽ​പ​ടി, മെ​ഡി​ക്ക​ൽ മി​ഷ​ൻ ജ​ങ്ഷ​ൻ, കോ​ള​ജ് ജ​ങ്ഷ​ൻ, പ​ന്ത​ളം ടൗ​ൺ മു​ത​ൽ കാ​ര​യ്ക്കാ​ട് വ​രെ പോ​രാ​യ്മ​ക​ളു​ടെ കു​ത്തൊ​ഴു​ക്കാ​ണ്. പ​ന്ത​ളം പൊ​ലീ​സ് സ്റ്റേ​ഷ​നു സ​മീ​പം ന​ട​പ്പാ​ത ഇ​രു​മ്പു​പൈ​പ്പു​ക​ൾ​കൊ​ണ്ട് അ​ട​ച്ച നി​ല​യി​ലാ​ണ്. ഓ​ട തു​റ​ന്ന നി​ല​യി​ലു​മാ​ണ്. എം.​സി റോ​ഡി​ലെ തി​ര​ക്കേ​റി​യ പൊ​ലീ​സ് സ്റ്റേ​ഷ​ന് സ​മീ​പ​ത്ത് ജ​ങ്ഷ​നി​ൽ ക​ലു​ങ്കി​ന്റെ ഭാ​ഗ​ത്ത് സ്ലാ​ബു​ക​ൾ തു​റ​ന്ന നി​ല​യി​ലാ​ണ്. ഇ​വി​ടെ ഇ​രു​വ​ശ​ത്തും ഇ​രു​മ്പ്​ പൈ​പ്പു​ക​ൾ നാ​ട്ടി ന​ട​പ്പാ​ത അ​ട​ച്ചി​ട്ടി​രി​ക്കു​ക​യാ​ണ്. ഈ ​ഭാ​ഗ​ത്ത് കാ​ൽ​ന​ട​ക്കാ​ർ റോ​ഡി​ലൂ​ടെ വേ​ണം ന​ട​ക്കാ​ൻ. പ​ന്ത​ളം ജ​ങ്ഷ​നി​ൽ കു​ത്ത​ഴി​ഞ്ഞ ഗ​താ​ഗ​ത​ക്കു​രു​ക്കി​ന് ശ​മ​ന​വു​മി​ല്ല. തി​ര​ക്കേ​റി​യ പ​ന്ത​ളം ജ​ങ്ഷ​ൻ ഉ​ൾ​പ്പെ​ടെ പ​ല​യി​ട​ത്തും ഓ​ട​ക​ൾ​ക്ക് മൂ​ടി​യി​ല്ല. ന​ട​പ്പാ​ത​യി​ലൂ​ടെ എ​ത്തു​ന്ന​വ​ർ അ​പ​ക​ട​ത്തി​ൽ​പെ​ടു​ന്ന​തും പ​തി​വാ​ണ്.

റോ​ഡി​ലെ വെ​ള്ളം ഓ​ട​യി​ലേ​ക്ക് ഒ​ഴു​ക്കാ​നാ​യി ന​ട​പ്പാ​ത വ​ശ​ങ്ങ​ളി​ൽ ഇ​ട്ടി​രി​ക്കു​ന്ന വി​ട​വു​ക​ൾ​ക്കു മു​ക​ളി​ൽ ഗ്രി​ൽ സ്ഥാ​പി​ക്കാ​ത്ത​തും അ​പ​ക​ട​ക്കെ​ണി​യൊ​രു​ക്കു​ന്നു.

എം.​സി റോ​ഡ​രി​കി​ൽ പു​തു​താ​യി ന​ട​പ്പാ​ത നി​ർ​മി​ച്ചു കൈ​വ​രി​ക​ൾ സ്ഥാ​പി​ച്ചി​രു​ന്നു. നി​ല​വാ​രം കു​റ​ഞ്ഞ സ്റ്റീ​ൽ ഉ​പ​യോ​ഗി​ച്ചാ​ണ് കൈ​വ​രി​ക​ൾ നി​ർ​മി​ച്ച​തെ​ന്ന് തു​ട​ക്ക​ത്തി​ൽ ത​ന്നെ ആ​ക്ഷേ​പ​മു​ണ്ടാ​യി​രു​ന്നു. സ്ഥാ​പി​ച്ച് ആ​ഴ്ച​ക​ൾ പി​ന്നി​ട്ട​പ്പോ​ഴേ​ക്കും കൈ​വ​രി തു​രു​മ്പി​ച്ചു തു​ട​ങ്ങി. വാ​ഹ​ന​ങ്ങ​ൾ ഇ​ടി​ച്ച​തോ​ടെ പ​ല​യി​ട​ത്തും കൈ​വ​രി​ക​ൾ ത​ക​ർ​ന്നു​കി​ട​ക്കു​ക​യാ​ണ്. കൈ​വ​രി​യി​ലെ അ​ഴി​ക​ൾ തു​രു​മ്പി​ച്ച് അ​ട​ർ​ന്ന നി​ല​യി​ലു​മാ​ണ്.