നിണമണിഞ്ഞ് എം.സി റോഡ്; അപകടങ്ങൾക്ക് അറുതിയില്ല

പ​ന്ത​ളം: എം.​സി റോ​ഡി​ൽ അ​പ​ക​ട​ങ്ങ​ൾ പ​തി​വാ​യി​രി​ക്കു​ക​യാ​ണ്. ക​ഴി​ഞ്ഞ ദി​വ​സം കു​ള​ന​ട ജ​ങ്​​ഷ​ന് സ​മീ​പം സീ​രി​യ​ൽ ന​ടി അ​മി​ത വേ​ഗ​ത്തി​ൽ ഓ​ടി​ച്ച കാ​ർ ര​ണ്ടു വാ​ഹ​ന​ങ്ങ​ളി​ൽ ഇ​ടി​ച്ചു​ക​യ​റു​ക​യാ​യി​രു​ന്നു. ന​ടി​യും ആ​ൺ സു​ഹൃ​ത്തും മ​ദ്യ​ല​ഹ​രി​യി​ലാ​യി​രു​ന്നു. നി​ർ​ത്തി​യി​ട്ട കാ​റി​ലും മ​റ്റൊ​രു ലോ​റി​യി​ലും ആ​ണ് കാ​ർ ഇ​ടി​ച്ചു ക​യ​റി​യ​ത്. വെ​ള്ളി​യാ​ഴ്ച രാ​വി​ലെ തേ​ങ്ങ​യും ക​യ​റ്റിവ​ന്ന ലോ​റി കാ​റി​ൽ ഇ​ടി​ച്ച് എം.​സി റോ​ഡി​ൽ മ​റി​ഞ്ഞ​താ​ണ് ഒ​ടു​വി​ല​ത്തെ സം​ഭ​വം.

എം.​സി റോ​ഡി​ൽ കു​ര​മ്പാ​ല മു​ത​ൽ കു​ള​ന​ട മാ​ന്തു​ക വ​രെ വാ​ഹ​ന​ങ്ങ​ൾ പ​ര​മാ​വ​ധി വേ​ഗം കൂ​ട്ടു​ന്ന​ത് അ​പ​ക​ടം ക്ഷ​ണി​ച്ചു​വ​രു​ത്തു​ക​യാ​ണ്. വാ​ഹ​ന​ങ്ങ​ളു​ടെ അ​നി​യ​ന്ത്രി​ത പെ​രു​പ്പ​വും റോ​ഡി​ലെ മു​ന്ന​റി​യി​പ്പ് സം​വി​ധാ​ന​ങ്ങ​ളു​ടെ അ​ഭാ​വ​വും നി​ർ​മാ​ണ​ത്തി​ലെ അ​ശാ​സ്ത്രീ​യ​ത​യും അ​പ​ക​ട​ക​ര​മാ​യ ഡ്രൈ​വി​ങ്ങും എം.സി റോ​ഡി​നെ ചോ​ര​ക്ക​ള​മാ​ക്കു​ന്നു.

എം.​സി റോ​ഡി​ൽ അ​പ​ക​ടം ഇ​ല്ലാ​ത്ത ഒ​രു ദി​വ​സം പോ​ലും ഇ​ല്ല. ഒ​ട്ടേ​റെ അ​പ​ക​ട​ത്തു​രു​ത്തു​ക​ളാ​ണ് റോ​ഡി​ലു​ള്ള​ത്. പ​റ​ന്ത​ൽ, കു​ര​മ്പാ​ല, മെ​ഡി​ക്ക​ൽ മി​ഷ​ൻ, കു​ള​ന​ട, ഇ​വി​ടെ​നി​ന്ന്​ എ​ല്ലാ​ ദി​വ​സ​വും അ​പ​ക​ടം റി​പ്പോ​ർ​ട്ട് ചെ​യ്യു​ന്നു. അ​പ​ക​ട മേ​ഖ​ല​യാ​യ കു​ള​ന​ട പെ​ട്രോ​ൾ പ​മ്പി​ന്​ സ​മീ​പ​ത്ത് എം.​സി റോ​ഡി​ലെ വ​ള​വ് അ​പ​ക​ട​ക്കെ​ണി​യാ​ണ്. കു​ത്ത​നെ​യു​ള്ള വ​ള​വു​ക​ളും വീ​തി ഏ​റി​യും കു​റ​ഞ്ഞു​മു​ള്ള ഭാ​ഗ​ങ്ങ​ളും അ​പ​ക​ട കേ​ന്ദ്ര​ങ്ങ​ളാ​ണ്. റോ​ഡി​ലെ വ​ള​വ് തി​രി​ഞ്ഞ് വ​രു​ന്ന വാ​ഹ​ന​ങ്ങ​ൾ നി​യ​ന്ത്ര​ണം ന​ഷ്ട​മാ​യി എ​തി​ർ​ദി​ശ​യി​ലേ​ക്ക് ക​ട​ന്ന് മ​റ്റ് വാ​ഹ​ന​ങ്ങ​ളെ ഇ​ടി​ക്കും. മാ​ന്തു​ക ര​ണ്ടാം പു​ഞ്ചയി​ലും ഒ​ന്നാം പു​ഞ്ചയി​ലും വ​ള​വു​ക​ളി​ൽ അ​പ​ക​ടം പ​തി​വാ​ണ്.

രാ​ത്രി​കാ​ല​ങ്ങ​ളി​ൽ വ​ഴി​വി​ള​ക്ക്, ബോ​ർ​ഡു​ക​ൾ, സോ​ള​ാർ ലൈ​റ്റു​ക​ളെ​ല്ലാം ത​ന്നെ പൂ​ർ​ണ​മാ​യും പ്ര​വ​ർ​ത്ത​ന​ര​ഹി​ത​മാ​യി. ന​ഗ​ര​സ​ഭ​യു​ടെ പ​രി​ധി​യി​ൽ പെ​ടു​ന്ന ഭാ​ഗ​ങ്ങ​ളി​ൽ മാ​ത്രം വൈ​ദ്യു​തി പോ​സ്റ്റു​ക​ളി​ൽ വെ​ളി​ച്ച​മു​ണ്ട്.

കു​ള​ന​ട പ​ഞ്ചാ​യ​ത്ത് പ്ര​ദേ​ശ​ങ്ങ​ൾ വ​രു​ന്ന ഭാ​ഗ​ങ്ങ​ൾ ഭൂ​രി​ഭാ​ഗ​വും കൂ​രി​രു​ട്ടി​ലാ​ണ്. റി​ഫ്ല​ക്ട​ർ ബോ​ർ​ഡു​ക​ളും മു​ന്ന​റി​യി​പ്പ് ബോ​ർ​ഡു​ക​ളും വാ​ഹ​ന​ങ്ങ​ൾ ഇ​ടി​ച്ച് ത​ക​ർ​ക്കു​ന്ന​തും പ​തി​വാ​ണ്.

കാറും ലോറിയും കൂട്ടിയിടിച്ച് രണ്ടുപേർക്ക് പരിക്ക്; അ​പ​ക​ട​ത്തി​ൽ​പെ​ട്ട​ത് ക്ഷേ​ത്ര​ദ​ർ​ശ​ന​ത്തി​ന് പോ​യ കു​ടും​ബം സ​ഞ്ച​രി​ച്ച കാ​ർ

തി​രു​വ​ല്ല: തി​രു​വ​ല്ല - മാ​വേ​ലി​ക്ക​ര സം​സ്ഥാ​ന​പാ​ത​യി​ലെ തി​രു​വ​ല്ല താ​ലൂ​ക്ക് ആ​ശു​പ​ത്രി​ക്ക് സ​മീ​പം നാ​ലം​ഗ കു​ടും​ബം സ​ഞ്ച​രിച്ച ഇ​ന്നോ​വ കാ​റും മി​നി ലോ​റി​യും കൂ​ട്ടി​യി​ടി​ച്ച് ഉ​ണ്ടാ​യ അ​പ​ക​ട​ത്തി​ൽ ര​ണ്ടു​പേ​ർ​ക്ക് പ​രി​ക്ക്. കൊ​ല്ലം രാ​മ​ൻ​കു​ള​ങ്ങ​ര സ​മൃ​ദ്ധി വീ​ട്ടി​ൽ കീ​ർ​ത്തി (17), കീ​ർ​ത്തി​യു​ടെ മു​ത്ത​ശ്ശി ആ​ന​ന്ദ​വ​ല്ലി അ​മ്മ (74) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. പ​ന​ച്ചി​ക്കാ​ട് ക്ഷേ​ത്ര​ദ​ർ​ശ​ന​ത്തി​ന് പോ​വു​ക​യാ​യി​രു​ന്ന കു​ടും​ബം സ​ഞ്ച​രി​ച്ചി​രു​ന്ന കാ​റാ​ണ് അ​പ​ക​ട​ത്തി​ൽ​പെട്ട​ത്. വെ​ള്ളി​യാ​ഴ്ച രാ​വി​ലെ എ​ട്ടു​മ​ണി​യോ​ടെ സെ​ന്‍റ്​ ജോ​ൺ​സ് ക​ത്തീ​ഡ്ര​ൽ പ​ള്ളി​ക്ക് മു​ൻ​വ​ശ​ത്താ​യി​രു​ന്നു അ​പ​ക​ടം.

മാ​വേ​ലി​ക്ക​ര ഭാ​ഗ​ത്തു​നി​ന്ന്​ എ​ത്തി​യ ഇ​ന്നോ​വ കാ​ർ നി​യ​ന്ത്ര​ണം വി​ട്ട് എ​തി​ർ​ദി​ശ​യി​ൽ​നി​ന്ന്​ മെ​റ്റൽ ക​യ​റ്റി വ​ന്ന മി​നി ലോ​റി​യു​ടെ പി​ൻ​വ​ശ​ത്തെ ച​ക്ര​ത്തി​ൽ ഇ​ടി​ക്കു​ക​യാ​യി​രു​ന്നു. ഇ​ടി​യു​ടെ ആ​ഘാ​ത​ത്തി​ൽ മി​നി ലോ​റി​യു​ടെ പി​ൻ​വ​ശ​ത്തെ ച​ക്ര​ങ്ങ​ൾ ഊ​രി​ത്തെ​റി​ച്ചു. കാ​റി​ന്‍റെ മു​ൻ​വ​ശം ഭാ​ഗി​ക​മാ​യി ത​ക​ർ​ന്നു. മു​ൻ​വ​ശ​ത്തെ ട​യ​ർ ഇ​ള​കി മാ​റി. അ​പ​ക​ട​ത്തി​ൽ ത​ല​ക്കും മു​ഖ​ത്തും പ​രി​ക്കേ​റ്റ കീ​ർ​ത്തി​യേ​യും ആനന്ദവ​ല്ലി​യ​മ്മ​യെ​യും തി​രു​വ​ല്ല താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​രു​വ​രു​ടെ​യും പ​രി​ക്ക് ഗു​രു​ത​ര​മ​ല്ലെ​ന്ന് ആ​ശു​പ​ത്രി വൃ​ത്ത​ങ്ങ​ൾ പ​റ​ഞ്ഞു. കീ​ർ​ത്തി​യു​ടെ അ​മ്മ​യും സ​ഹോ​ദ​ര​നും ഡ്രൈ​വ​റും പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു.

ഇ​ടി​യു​ടെ ആ​ഘാ​ത​ത്തി​ൽ മി​നി ലോ​റി​യു​ടെ ഡീ​സ​ൽ ടാ​ങ്ക് പൊ​ട്ടി​യ​തി​നെ തു​ട​ർ​ന്ന് റോ​ഡി​ലേ​ക്ക് പ​ര​ന്നൊ​ഴു​കി​യ ഡീ​സ​ൽ അ​ഗ്നി​ര​ക്ഷാ​സേ​ന എ​ത്തി ക​ഴു​കി വൃ​ത്തി​യാ​ക്കി. ഡ്രൈ​വ​ർ ഉ​റ​ങ്ങി​പ്പോ​യ​താ​വാം അ​പ​ക​ട കാ​ര​ണ​മെ​ന്നാ​ണ് പൊ​ലീ​സി​ന്റെ പ്രാ​ഥ​മി​ക നി​ഗ​മ​നം.

കാറും ലോറിയും കൂട്ടിയിടിച്ചു: കാർ യാത്രികന് പരിക്ക്​

പ​ന്ത​ളം: കാ​റും ലോ​റി​യും കൂ​ട്ടി​യി​ടി​ച്ച് നി​യ​ന്ത്ര​ണം​വി​ട്ട ലോ​റി എം.​സി റോ​ഡി​ൽ മ​റി​ഞ്ഞ്​ കാ​ർ ഓ​ടി​ച്ചി​രു​ന്ന വ​യോ​ധി​ക​ന് പ​രി​ക്കേ​റ്റു. കു​ള​ന​ട, ഉ​ള്ള​ന്നൂ​ർ കു​റി​യാ​ന​പ്പ​ള്ളി​ൽ ലാ​ൽ ഭ​വ​നി​ൽ ലാ​ൽ​കു​മാ​റി​നാ​ണ് (63) പ​രി​ക്കേ​റ്റ​ത്. ഇ​ദ്ദേ​ഹ​ത്തെ കോ​ട്ട​യം മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

വെ​ള്ളി​യാ​ഴ്ച രാ​വി​ലെ ആ​റു​മ​ണി​യോ​ടെ എം.​സി റോ​ഡി​ൽ കൈ​പ്പു​ഴ വാ​യ​ന​ശാ​ല​ക്ക്​ സ​മീ​പ​മാ​ണ് അ​പ​ക​ടം. പ​ന്ത​ളം ഭാ​ഗ​ത്തു​നി​ന്ന്​ കു​ള​ന​ട​യി​ലേ​ക്ക് പോ​വു​ക​യാ​യി​രു​ന്ന കാ​റും എ​തി​ർ​ദി​ശ​യി​ൽ തേ​ങ്ങ​യും ക​യ​റ്റി​വ​ന്ന ലോ​റി​യു​മാ​ണ് ഇ​ടി​ച്ച​ത്. കാ​റി​ലി​ടി​ച്ച ലോ​റി നി​യ​ന്ത്ര​ണം​വി​ട്ട് മ​റി​ഞ്ഞു. കാ​ർ പൂ​ർ​ണ​മാ​യും ത​ക​രു​ക​യും ചെ​യ്തു. അ​ര​മ​ണി​ക്കൂ​റോ​ളം കാ​റി​നു​ള്ളി​ൽ കു​ടു​ങ്ങി​പ്പോ​യ ലാ​ൽ​കു​മാ​റി​നെ കാ​റി​ന്റെ ക​ത​ക് വെ​ട്ടി​പ്പൊ​ളി​ച്ചാ​ണ് പു​റ​ത്തെ​ടു​ത്ത​ത്. പൊ​ള്ളാ​ച്ചി​ൽ​നി​ന്ന്​ കൊ​ട്ടാ​ര​ക്ക​ര​ക്ക് തേ​ങ്ങ ക​യ​റ്റി വ​ന്ന ലോ​റി​യാ​ണ് മ​റി​ഞ്ഞ​ത്. പി​ന്നീ​ട് ക്ര​യി​ൻ ഉ​പ​യോ​ഗി​ച്ചാണ്​ ലോ​റി ഉ​യ​ർ​ത്തി​യ​ത്.

അ​ടൂ​രി​ൽ നി​ന്നും അ​ഗ്നി​ര​ക്ഷാ​സേ​ന​യും പ​ന്ത​ളം പോ​ലീ​സും സ്ഥ​ല​ത്തെ​ത്തി​യി​രു​ന്നു. അ​പ​ക​ട​ത്തെ തു​ട​ർ​ന്ന് എം.​സി റോ​ഡി​ൽ അ​ര മ​ണി​ക്കൂ​റോ​ളം ഗ​താ​ഗ​തം ത​ട​സ്സ​പ്പെ​ട്ടു.