കൊടുമൺ റൈസ് മില്ലിൽ ട്രയൽറൺ ഉടൻ

കൊ​ടു​മ​ൺ: ത്രി​ത​ല പ​ഞ്ചാ​യ​ത്തു​ക​ളു​ടെ ഉ​ട​മ​സ്ഥ​ത​യി​ൽ നി​ർ​മി​ക്കു​ന്ന സം​സ്ഥാ​ന​ത്തെ ആ​ദ്യ റൈ​സ് മി​ൽ ട്ര​യ​ൽ റ​ണ്ണി​ന്‍റെ വ​ക്കി​ലേ​ക്ക്.

കൊ​ടു​മ​ണ്ണി​ൽ തു​ട​ങ്ങു​ന്ന റൈ​സ് മി​ല്ലി​ന്റെ കെ​ട്ടി​ട നി​ർ​മാ​ണം പൂ​ർ​ത്തി​യാ​യി. യ​ന്ത്രോ​പ​ക​ര​ണ​ങ്ങ​ളും സ്ഥാ​പി​ച്ചു. പ്ര​തി​ദി​നം ര​ണ്ട് ട​ൺ നെ​ല്ല് സം​സ്ക​രി​ച്ച് അ​രി​യാ​ക്കി മാ​റ്റാ​ൻ ശേ​ഷി​യു​ള്ള മി​ല്ലാ​ണ് സ്ഥാ​പി​ക്കു​ന്ന​ത്. യ​ന്ത്ര​ങ്ങ​ളു​ടെ ട്ര​യ​ൽ​റ​ൺ ഉ​ട​ൻ തു​ട​ങ്ങും. ഒ​രു​കോ​ടി രൂ​പ​യാ​ണ് മൊ​ത്തം ചെ​ല​വ്.

ജി​ല്ല പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ൽ വ​രു​ന്ന മി​ല്ലി​ന്​ പ​റ​ക്കോ​ട് ബ്ലോ​ക്ക് പ​ഞ്ചാ​യ​ത്തും കൊ​ടു​മ​ൺ പ​ഞ്ചാ​യ​ത്തും സാ​മ്പ​ത്തി​ക സ​ഹാ​യം​ന​ല്‍കും. കൊ​ടു​മ​ൺ പ​ഞ്ചാ​യ​ത്തി​ന്റ ഉ​ട​മ​സ്ഥ​ത​യി​ൽ ഒ​റ്റ​ത്തേ​ക്കി​ലെ സ്ഥ​ല​ത്താ​ണ്​ മില്ല്​. ക​ർ​ഷ​ക​ർ ഉ​ൽ​പാ​ദി​പ്പി​ക്കു​ന്ന നെ​ല്ല് കു​ത്തി അ​രി​യും മ​റ്റ് മൂ​ല്യ​വ​ർ​ധി​ത ഉ​ൽ​പ​ന്ന​ങ്ങ​ളും ഇ​വി​ടെ നി​ർ​മി​ക്കും. മ​ധ്യ​തി​രു​വി​താം​കൂ​റി​ൽ ഏ​റ്റ​വും കൂ​ടു​ത​ൽ നെ​ൽ​കൃ​ഷി​യു​ള്ള പ്ര​ദേ​ശ​ങ്ങ​ളാ​ണ് കൊ​ടു​മ​ൺ, വ​ള്ളി​ക്കോ​ട് പ​ഞ്ചാ​യ​ത്തു​ക​ൾ. ഇ​വി​ടെ ഉ​ൽ​പാ​ദി​പ്പി​ക്കു​ന്ന നെ​ല്ല്‌ ക​ർ​ഷ​ക​രു​ടെ നേ​തൃ​ത്വ​ത്തി​ൽ സം​സ്‌​ക​രി​ച്ച്‌ പു​തി​യ സം​രം​ഭം തു​ട​ങ്ങു​ന്ന​തി​ലൂ​ടെ നി​ര​വ​ധി തൊ​ഴി​ല​വ​സ​ര​ങ്ങ​ളും സൃ​ഷ്ടി​ക്കാ​ൻ ക​ഴി​യും.

കൊ​ടു​മ​ണ്‍ ഫാ​ര്‍മേ​ഴ്സ് സൊ​സൈ​റ്റി സ​ഹ​ക​ര​ണ സം​ഘം വ​ഴി​യാ​ണ് നെ​ല്ല് സം​ഭ​ര​ണം ന​ട​ക്കു​ന്ന​ത്. നി​ല​വി​ൽ കു​മ​ര​ക​ത്തെ മി​ല്ലി​ൽ​നി​ന്നാ​ണ് അ​രി​യാ​ക്കു​ന്ന​ത്. കൊ​ടു​മ​ണ്ണി​ൽ സ്വ​ന്തം മി​ല്ല് വ​രു​ന്ന​തോ​ടെ കൂ​ടു​ത​ൽ നെ​ല്ല് എ​ടു​ക്കാ​ൻ ക​ഴി​യും. മ​റ്റു സ്ഥ​ല​ങ്ങ​ളി​ലു​ള്ള​വ​ർ​ക്കും ഇ​വി​ടെ​യെ​ത്തി നെ​ല്ല് കു​ത്തി അ​രി​യാ​ക്കാ​വു​ന്ന​തു​മാ​ണ്.

400 ഏ​ക്ക​റി​ൽ നെ​ൽ​കൃ​ഷി

ഗു​ണ​മേ​ന്മ​യു​ള്ള അ​രി ല​ഭ്യ​മാ​ക്കു​ന്ന​തി​നാ​യി കൃ​ഷി​വ​കു​പ്പി​ന്റെ നേ​തൃ​ത്വ​ത്തി​ല്‍ തു​ട​ങ്ങി​യ​താ​ണ്​​ കൊ​ടു​മ​ണ്‍ റൈ​സ് എ​ന്ന ബ്രാ​ന്‍ഡ്. ത​വി​ടോ​ടു​കൂ​ടി​യ അ​രി മ​ല​യാ​ളി​ക​ള്‍ക്ക് ല​ഭി​ക്കാ​നാ​യി​ കൊ​ടു​മ​ണ്ണി​​ലെ വി​വി​ധ പാ​ട​ശേ​ഖ​ര​ങ്ങ​ളി​ൽ കൃ​ഷി​യി​റ​ക്കി​യി​ട്ടു​ണ്ട്. 400 ഏ​ക്ക​റി​ലാ​ണ് ഇ​പ്പോ​ള്‍ നെ​ൽ​കൃ​ഷി ചെ​യ്യു​ന്ന​ത്.

കൊ​ടു​മ​ണ്‍ ഫാ​ര്‍മേ​ഴ്‌​സ് സൊ​സൈ​റ്റി​യും ത്രി​ത​ല പ​ഞ്ചാ​യ​ത്തും കൃ​ഷി​ഭ​വ​നും ഒ​ത്തൊ​രു​മി​ച്ചു​ള്ള പ്ര​വ​ര്‍ത്ത​ന​വി​ജ​യ​ത്തി​ന്‍റെ മാ​തൃ​ക​യാ​ണ് കൊ​ടു​മ​ണ്ണി​ല്‍ കാ​ണു​ന്ന​ത്. ത​വി​ടോ​ടു​കൂ​ടി​യ കൊ​ടു​മ​ണ്‍ റൈ​സ് വി​പ​ണി​യി​ല്‍ പ്രി​യ​പ്പെ​ട്ട​താ​യി ഇ​തി​നോ​ട​കം മാ​റി​യി​ട്ടു​ണ്ട്. കൂ​ടു​ത​ല്‍ ആ​ള്‍ക്കാ​രെ നെ​ല്‍കൃ​ഷി​യി​ലേ​ക്ക് ആ​ക​ര്‍ഷി​ക്കാ​നും കൂ​ടൂ​ത​ല്‍ ത​രി​ശു​നി​ല​ങ്ങ​ള്‍ കൃ​ഷി​യോ​ഗ്യ​മാ​ക്കാ​നും ക​ര്‍ഷ​ക​ര്‍ക്ക് കൂ​ടു​ത​ല്‍ വ​രു​മാ​നം ല​ഭ്യ​മാ​ക്കാ​നും കൂടിയാണ്​ കൊ​ടു​മ​ണ്‍ റൈ​സ് എ​ന്ന സം​രം​ഭ​ത്തി​ലേ​ക്ക് ന​യി​ച്ച​ത്.

12 ട​ൺ അ​രി​യു​മാ​യി തു​ട​ക്കം

2019 ലാ​ണ് 12ട​ണ്‍ അ​രി​യു​മാ​യി കൊ​ടു​മ​ണ്‍ റൈ​സി​ന്‍റെ ആ​ദ്യ വി​പ​ണ​നം ആ​രം​ഭി​ക്കു​ന്ന​ത്. ത്രി​ത​ല പ​ഞ്ചാ​യ​ത്തി​ന്‍റെ സ​ഹാ​യ​ത്തോ​ടെ കൊ​ടു​മ​ണ്‍ റൈ​സി​ന്‍റെ നെ​ല്ല് സം​ഭ​ര​ണ പ്ര​വ​ര്‍ത്ത​ന​ങ്ങ​ള്‍ക്ക് 25 ല​ക്ഷം രൂ​പ ജി​ല്ല സ​ഹ​ക​ര​ണ ബാ​ങ്ക് വാ​യ്പ​യാ​യി അ​നു​വ​ദി​ച്ചു.

ഉ​മ, ജ്യോ​തി എ​ന്നീ ഇ​ന​ങ്ങ​ളാ​ണ് പ്ര​ധാ​ന​മാ​യും വി​പ​ണ​നം ന​ട​ത്തു​ന്ന​വ. വി​ത മു​ത​ൽ കൊ​യ്ത്തു​വ​രെ യ​ന്ത്ര​സ​ഹാ​യ​ത്തോ​ടെ​യാ​ണ് ന​ട​ക്കു​ന്ന​ത്​.

അ​പ്പ​ർ കു​ട്ട​നാ​ട് പി​ന്നി​ട്ടാ​ൽ ജി​ല്ല​യി​ൽ ഏ​റ്റ​വു​മ​ധി​കം നെ​ൽ​കൃ​ഷി​യു​ണ്ടാ​യി​രു​ന്ന സ്ഥ​ല​മാ​യി​രു​ന്നു കൊ​ടു​മ​ൺ. ഭൂ​രി​ഭാ​ഗം വ​യ​ലും കാ​ല​ക്ര​മ​ത്തി​ൽ ത​രി​ശാ​യി മാ​റി.

ക​ഴി​ഞ്ഞ നാ​ലു​വ​ർ​ഷം കൊ​ണ്ടാ​ണ്​ ​പാ​ട​ങ്ങ​ൾ വീ​ണ്ടും ക​തി​ര​ണി​ഞ്ഞ​ത്​. കോ​യി​ക്ക​ൽ പ​ടി, തേ​വ​ന്നൂ​ർ, മു​ണ്ട​യ്ക്ക​ൽ, ചേ​ന്ന​ങ്ക​ര, തൂ​മ്പാ​മു​ഖം, മം​ഗ​ല​ത്ത്, കൊ​ന്ന​ക്കോ​ട്, പെ​രു​ങ്കു​ളം, മു​ണ്ടു​കോ​ണം, വെ​ട്ടി​ക്കു​ളം, ചേ​രു​വ, മ​ണ​ക്കാ​ട് തു​ട​ങ്ങി​യ പാ​ട​ശേ​ഖ​ര​ങ്ങ​ളി​ലെ​ല്ലാം കൃ​ഷി​ചെ​യ്യു​ന്നു.​

ഒ​ട്ടേ​റെ ഉ​ൽ​പ​ന്ന​ങ്ങ​ൾ

അ​രി​ക്കൊ​പ്പം അ​പ്പ​പ്പൊ​ടി, പു​ട്ടു​പൊ​ടി, ഇ​ടി​യ​പ്പ​പ്പൊ​ടി എ​ന്നി​ങ്ങ​നെ ഒ​ട്ടേ​റെ അ​രി​യു​ൽ​പ​ന്ന​ങ്ങ​ളും വി​പ​ണി​യി​ലെ​ത്തി​ക്കു​ന്നു​ണ്ട്.​ ഒ​പ്പം പ്രാ​ദേ​ശി​ക​മാ​യി സം​ഭ​രി​ക്കു​ന്ന ക​പ്പ, ച​ക്ക എ​ന്നി​വ സം​സ്ക​രി​ച്ച് വി​വി​ധ ഉ​ൽ​പ​ന്ന​ങ്ങ​ളും വി​പ​ണി​യി​ൽ എ​ത്തി​ക്കു​ന്നു. ര​ക്ത​ശാ​ലി, ന​വ​ര തു​ട​ങ്ങി നാ​ട​ൻ ഔ​ഷ​ധ നെ​ല്ലി​ന​ങ്ങ​ൾ കൃ​ഷി​ചെ​യ്യു​ന്ന​വ​രു​മു​ണ്ട്. ത​വി​ട്, ത​വി​ട് കേ​ക്ക്, ക​ർ​ക്ക​ട​ക ക​ഞ്ഞി​ക്കൂ​ട്ട് എ​ന്നി​ങ്ങ​നെ കൊ​ടു​മ​ൺ ബ്രാ​ൻ​ഡി​ലെ മൂ​ല്യ​വ​ർ​ധി​ത അ​രി​യു​ൽ​പ​ന്ന​ങ്ങ​ളും ല​ഭ്യ​മാ​ണ്. ‘രു​ചീ​സ്’ എ​ന്ന ബ്രാ​ന്‍ഡി​ല്‍ വാ​ഴ​പ്പി​ണ്ടി അ​ച്ചാ​റും ജ്യൂ​സും ച​ക്ക ഉ​ല്‍പ​ന്ന​ങ്ങ​ള്‍, അ​വ​ല്‍, അ​ച്ച​പ്പം തു​ട​ങ്ങി വി​വി​ധ വി​ഭ​വ​ങ്ങ​ളും അ​നു​ബ​ന്ധ​മാ​യി വി​ൽ​ക്കു​ന്നു​ണ്ട്. കൊ​ടു​മ​ണ്ണി​ൽ കൃ​ഷി​വ​കു​പ്പ് നേ​തൃ​ത്വ​ത്തി​ൽ ഇ​ക്കോ ഷോ​പ്പും പ്ര​വ​ർ​ത്തി​ക്കു​ന്നു.

ഒ​രു​കി​ലോ അ​രി​ക്ക്​ 65 രൂ​പ​യാ​ണ്​ വി​ല. ​ 5, 10 കി​ലോ പാ​ക്ക​റ്റു​ക​ളി​ലും ല​ഭ്യ​മാ​ണ്.​ പ​ത്ത​നം​തി​ട്ട മി​നി സി​വി​ൽ സ്​​റ്റേ​ഷ​നി​ൽ ഔ​ട്ട്​​ല​റ്റും പ്ര​വ​ർ​ത്തി​ക്കു​ന്നു​ണ്ട്. ഇ​ത്ത​വ​ണ​യും ഓ​ണ​ത്തി​ന്​ ന​ല്ല വി​ൽ​പ​ന പ്ര​തീ​ക്ഷി​ക്കു​ന്ന​താ​യി കൊ​ടു​മ​ണ്‍ ഫാ​ര്‍മേ​ഴ്‌​സ് സൊ​സൈ​റ്റി ഭാ​രവാ​ഹി​ക​ൾ പ​റ​ഞ്ഞു.