ആരോഗ്യവിഭാഗം വിലക്കിയിട്ടും നിയമലംഘനം തുടരുന്നു; തൈക്കാവ് റോഡിലേക്ക് മലിനജലം ഒഴുക്കുന്നു

പ​ത്ത​നം​തി​ട്ട: ആ​രോ​ഗ്യ​വ​കു​പ്പ് ഡെ​ങ്കി ഹോ​ട്ട്സ്പോ​ട്ടാ​യി പ്ര​ഖ്യാ​പി​ച്ച പ​ത്ത​നം​തി​ട്ട ന​ഗ​ര​സ​ഭ പ​ത്താം വാ​ർ​ഡി​ൽ പ്ര​സ്​ക്ല​ബ്‌-തൈ​ക്കാ​വ് റോ​ഡി​ലേ​ക്ക്​ മ​ലി​നജ​ലം ഒ​ഴു​ക്കു​ന്ന​താ​യി വ്യാ​പ​ക പ​രാ​തി. ന​ഗ​ര​സ​ഭ ആ​രോ​ഗ്യ വി​ഭാ​ഗം ത​ട​ഞ്ഞി​ട്ടും മ​ത്സ്യ​വാ​ഹ​ന​വും പ്ലാ​സ്​​റ്റി​ക്​ ക​ണ്ടെ​യ്​​ന​റു​ക​ളും ക​ഴു​കി റോ​ഡി​ലേ​ക്ക്​ ഒ​ഴു​ക്കു​ന്ന​താ​യി നാ​ട്ടു​കാ​ർ പ​രാ​തി ഉ​യ​ർ​ത്തു​ന്നു. ഇ​ത്​ സം​ബ​ന്ധി​ച്ച്​ നാ​ട്ടു​കാ​ർ പ​ത്ത​നം​തി​ട്ട ന​ഗ​ര​സ​ഭ​യി​ൽ പ​രാ​തി ന​ൽ​കി​യി​രു​ന്നു. ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ വി​ല​ക്കി​യി​ട്ടും പ​ര​സ്യ​മാ​യി നി​യ​മ​ലം​ഘ​നം തു​ട​രു​ക​യാ​ണ്.

ഇ​വി​ടു​ത്തെ അ​ള​വു​തൂ​ക്ക ജി​ല്ല ഓ​ഫിസ്​ അ​ധി​കൃ​ത​രും സ​മീ​പ​ത്തെ സ്വ​കാ​ര്യ വി​ദ്യാ​ഭ്യാസ സ്ഥാ​പ​ന​ത്തി​ലെ വി​ദ്യാ​ർ​ഥി​ക​ളും ജീ​വ​ന​ക്കാ​രും നാ​ട്ടു​കാ​രും പ​ക​ർ​ച്ച​വ്യാധി ഭീ​ഷ​ണി​യി​ലാ​ണ്. മ​ലി​ന ജ​ല​ത്തി​ൽ ച​വി​ട്ടിവേ​ണം സ​ഞ്ച​രി​ക്കാ​നെ​ന്ന്​ നാ​ട്ടു​കാ​ർ പ​റ​യു​ന്നു.

അ​സ​ഹ്യ​മാ​യ ദു​ർ​ഗ​ന്ധ​വും പ​ര​ക്കു​ന്നു​ണ്ട്. വി​ഷ​യ​ത്തി​ൽ വാ​ർ​ഡ്​ കൗ​ൺ​സി​ല​റും നി​ശ്ശബ്​​ദ​ത പാ​ലി​ക്കു​ന്ന​താ​യി നാ​ട്ടു​കാ​ർ പ​റ​യു​ന്നു. ആ​രോ​ഗ്യ​വ​കു​പ്പ് ശ​ക്തമാ​യ ന​ട​പ​ടി സ്വീ​ക​രി​ക്ക​ണ​മെ​ന്ന്​ ത​ദ്ദേ​ശ​വാ​സി​ക​ൾ ആ​വ​ശ്യ​പ്പെ​ടു​ന്നു.