കുന്നംകുളം: കുന്നംകുളം ജങ്ഷനില്‍ സിറ്റി ഗ്യാസ് പദ്ധതിക്ക് കുഴിച്ച കുഴിയില്‍ വീണ് ബൈക്ക് യാത്രികന് പരിക്കേറ്റു. സ്വകാര്യബാങ്ക് ജീവനക്കാരൻ പുതുശ്ശേരി അയിപ്പാറ വീട്ടില്‍ നിഖിലിനാണ് (24) പരിക്കേറ്റത്. ഇയാളെ കുന്നംകുളം ഗവ. ആശുപത്രിയില്‍ പ്രവേശിപ്പിച്ചു. ശനിയാഴ്ച രാത്രിയായിരുന്നു അപകടം. ജോലി കഴിഞ്ഞ് വീട്ടിലേക്ക് മടങ്ങുന്നതിനിടെ ഗുരുവായൂര്‍ റോഡില്‍നിന്ന് ജങ്ഷനിലെത്തി തൃശൂര്‍ ഭാഗത്തേക്ക് തിരിയുന്നതിനിടെയായിരുന്നു സംഭവം. ജങ്ഷനിലെ എം.ജി ഷോപ്പിങ് കോംപ്ലക്‌സിന് സമീപത്താണ് മാസങ്ങളായി കുഴിച്ച കുഴിമൂടാതെ കിടക്കുന്നത്. നിരവധി വാഹനങ്ങള്‍ കടന്നുപോകുന്ന റോഡരികിലെ ഈ കുഴിയില്‍ ഇതിനുമുമ്പും യാത്രക്കാര്‍ വീണിരുന്നു. നഗരഹൃദയ ഭാഗത്തെ കുഴി മൂടണമെന്ന് നിരവധി തവണ നഗരസഭ അധികൃതരും കച്ചവടക്കാരും ആവശ്യപ്പെട്ടിരുന്നെങ്കിലും ഗ്യാസ് പദ്ധതി അധികൃതര്‍ തയാറായില്ല. മഴ ശക്തമായതോടെ രാത്രിയില്‍ ഗുരുവായൂര്‍-പട്ടാമ്പി റോഡിലെ ജങ്ഷനിലൂടെ വരുന്ന വാഹനങ്ങളടക്കമുള്ള യാത്രക്കാർക്ക് അപകടക്കെണിയായി ഈ കുഴി മാറിയിരിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.