ദൃശ്യവിരുന്നൊരുക്കി പെരിങ്ങോട്ടുകര ഉത്സവം

പെരിങ്ങോട്ടുകര: സോമശേഖര ക്ഷേത്രത്തിലെ 103ാം മഹോത്സവം ആഘോഷിച്ചു. ആശ്രമം സെക്രട്ടറി പരാനന്ദ സ്വാമി, ഉപദേശക സമിതി കൺവീനർ രതീഷ് തൈവളപ്പിൽ, വൈസ് പ്രസിഡന്‍റ്​ ഹണി കണാറ, ഉപദേശക സമിതി അംഗങ്ങളായ പ്രേംകുമാർ പണ്ടൊരിക്കൽ, രാജൻ മേനോത്ത് പറമ്പിൽ, ബോസ് കീഴുമായിൽ, അജയൻ പറവത്ത്, അനൂപ് എൻ. നാണു, വേണുഗോപാൽ കൊല്ലാറ, ക്ഷേത്രം മേൽശാന്തി പ്രജീഷ് മഠത്തിപ്പറമ്പിൽ തുടങ്ങിയവർ ചടങ്ങുകൾക്ക് നേതൃത്വം വഹിച്ചു. രാവിലെ കലശാഭിഷേകവും വിശേഷാൽ പൂജകളും ശീവേലി എഴുന്നള്ളിപ്പും നടന്നു. വൈകീട്ട് എഴുന്നള്ളിപ്പിന് ചെറുശ്ശേരി കുട്ടൻ മാരാരുടെ നേതൃത്വത്തിൽ 100ൽപരം കലാകാരന്മാരുടെ പാണ്ടിമേളവും ഉണ്ടായി. മംഗലാംകുന്ന് അയ്യപ്പൻ തിടമ്പേറ്റി. TCK VTPLY 2 പെരിങ്ങോട്ടുകര സോമശേഖര ക്ഷേത്രത്തിലെ ഉത്സവത്തോടനുബന്ധിച്ച് നടന്ന കൂട്ടിയെഴുന്നള്ളിപ്പ്