ദേശീയപാതയിൽ പുതുക്കാട് കെ.എസ്.ആർ.ടി.സി സ്റ്റാൻഡിന് മുന്നിൽ അപകടത്തിൽപെട്ട പിക് അപ് വാൻ
ആമ്പല്ലൂർ: ദേശീയപാത പുതുക്കാട് കെ.എസ്.ആർ.ടി.സി സ്റ്റാൻഡിന് മുന്നിൽ നിയന്ത്രണം വിട്ട പിക് അപ് വാൻ സിഗ്നൽ പോസ്റ്റിൽ ഇടിച്ച് മറിഞ്ഞ് ഡ്രൈവർക്ക് പരിക്ക്. തൊടുപുഴ സ്വദേശി ദിലീപിനാണ് പരിക്കേറ്റത്.
ശനിയാഴ്ച രാവിലെ എട്ടിനായിരുന്നു അപകടം. ചാലക്കുടി ഭാഗത്തുനിന്ന് വന്നിരുന്ന സൂപ്പർഫാസ്റ്റ് ബസ് ദേശീയപാതയിൽ നിന്ന് അശ്രദ്ധമായി സ്റ്റാൻഡിലേക്ക് പ്രവേശിച്ചതാണ് അപകടത്തിനിടയാക്കിയത്.
തൃശൂർ ഭാഗത്തുനിന്ന് വന്നിരുന്ന പിക് അപ് വാൻ ബസിൽ ഇടിക്കാതിരിക്കാൻ ശ്രമിക്കുന്നതിനിടെയാണ് അപകടം. നിയന്ത്രണം വിട്ട വാൻ ഇടിച്ച് ഡിവൈഡറിൽ സ്ഥാപിച്ച സിഗ്നൽ പോസ്റ്റ് റോഡിലേക്ക് വീണു. ഇടിയുടെ ആഘാതത്തിൽ മറിഞ്ഞ വാനിൽ നിന്ന് ഡ്രൈവറെ നാട്ടുകാരാണ് രക്ഷപ്പെടുത്തിയത്. പിന്നീട് ക്രെയിൻ എത്തിച്ചാണ് വാഹനം നീക്കിയത്. പുതുക്കാട് പൊലീസ് സ്ഥലത്തെത്തി. സ്റ്റാൻഡിലേക്ക് വരുന്നതും പോകുന്നതുമായ ബസുകൾ ദേശീയപാതയിലേക്ക് അശ്രദ്ധമായി പ്രവേശിക്കുന്നതുമൂലം നിരവധി അപകടങ്ങൾ മുമ്പും ഉണ്ടായിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.