നീർച്ചാലായി ഭാരതപ്പുഴ; വെള്ളത്തിന് നെട്ടോട്ടം

ചെ​റു​തു​രു​ത്തി: ഇ​ട​വ​പ്പാ​തി ക​ഴി​ഞ്ഞി​ട്ടും മ​ഴ​യു​ടെ സൂ​ച​ന പോ​ലു​മി​ല്ലാ​തി​രി​ക്കെ ഭാ​ര​ത​പ്പു​ഴ ക​ടു​ത്ത ജ​ല​ക്ഷാ​മ​ത്തി​ൽ. ഇ​തോ​ടെ കു​ടി​വെ​ള്ള​ത്തി​ന് ആ​ശ്ര​യി​ക്കു​ന്ന​വ​രാ​ണ് വി​ഷ​മ​ത്തി​ലാ​യ​ത്. ഭാ​ര​ത​പ്പു​ഴ നീ​ർ​ച്ചാ​ലാ​യി മാ​റി​യ നി​ല​യാ​ണ്. മു​ൻ​കാ​ല​ങ്ങ​ളി​ൽ തി​മി​ർ​ത്ത് പെ​യ്യു​ന്ന ഇ​ട​വ​പ്പാ​തി​യി​ൽ ഭാ​ര​ത​പ്പു​ഴ​യു​ടെ അ​ക്ക​രെ​യും ഇ​ക്ക​രെ​യും വെ​ള്ളം കൊ​ണ്ട് മു​ട്ടും. ഇ​ക്കു​റി ഇ​ട​വ​പ്പാ​തി ക​ഴി​ഞ്ഞി​ട്ടും മ​ഴ പെ​യ്യു​ന്ന സൂ​ച​ന​യൊ​ന്നു​മി​ല്ല. വ​ള്ള​ത്തോ​ൾ ന​ഗ​ർ പ​ഞ്ചാ​യ​ത്തി​ലെ മി​ക്ക സ്ഥ​ല​ങ്ങ​ളി​ലേ​ക്കും മേ​ച്ചേ​രി​കു​ന്ന് പ​മ്പ് ഹൗ​സി​ൽ നി​ന്നാ​ണ് വെ​ള്ളം എ​ത്തി​ക്കു​ന്ന​ത്.

ഭാ​ര​ത​പ്പു​ഴ​യി​ൽ വെ​ള്ള​മി​ല്ലാ​ത്ത​തി​നെ തു​ട​ർ​ന്ന് പു​ഴ​യി​ൽ കൂ​ടി ചാ​ലു​കീ​റി വെ​ള്ള​മെ​ത്തി​ക്കാ​നു​ള്ള പ​ദ്ധ​തി​യി​ലേ​ക്കാ​ണ് എ​ത്തി​ക്കൊ​ണ്ടി​രി​ക്കു​ന്ന​ത്. ഭാ​ര​ത​പ്പു​ഴ​ക്ക് കു​റു​കേ​യു​ള്ള ചെ​റു​തു​രു​ത്തി ഷൊ​ർ​ണൂ​ർ ത​ട​യ​ണ​യി​ൽ വേ​ണ്ട​ത്ര രീ​തി​യി​ൽ വെ​ള്ളം സം​ര​ക്ഷി​ക്കാ​ൻ പ​റ്റാ​ത്ത​താ​ണ് ക​ടു​ത്ത പ്ര​തി​സ​ന്ധി​യാ​യ​ത്. ഭാ​ര​ത​പു​ഴ സം​ര​ക്ഷ​ണ​ത്തി​ന് നി​ര​വ​ധി പ​ദ്ധ​തി​ക​ളു​ണ്ടെ​ങ്കി​ലും അ​തെ​ല്ലാം ക​ട​ലാ​സി​ലൊ​തു​ങ്ങു​ക​യാ​ണ്.

ഒ​രു കാ​ല​ത്ത് സ​ർ​വ​പ്ര​താ​പി​യാ​യി ഇ​രു​ക​ര​യും തൊ​ട്ട് ഒ​ഴു​കി​യി​രു​ന്ന നി​ള ഇ​ന്ന് കാ​ട്ടു​പൊ​ന്ത​ക​ൾ വ​ള​ർ​ന്ന് പു​ഴ​യു​ടെ വി​സ്തൃ​തി ത​ന്നെ ഇ​ല്ലാ​താ​കു​ന്ന അ​വ​സ്ഥ​യി​ലാ​ണ്. പു​ഴ​യെ ആ​ശ്ര​യി​ച്ച് നി​ല​കൊ​ള്ളു​ന്ന വി​വി​ധ ത​ദ്ദേ​ശ സ്ഥാ​പ​ന​ങ്ങ​ളു​ടെ കു​ടി​വെ​ള്ള പ​ദ്ധ​തി​ക​ളും വ​ൻ പ്ര​തി​സ​ന്ധി​യി​ലാ​ണ്.