പുതുക്കാട് വ്യാജമദ്യ നിർമാണ കേന്ദ്രം;1500 ലിറ്റർ സ്പിരിറ്റും 300 ലിറ്റർ വ്യാജ കള്ളും പിടികൂടി

ചാ​ല​ക്കു​ടി: പു​തു​ക്കാ​ട് വ്യാ​ജ​മ​ദ്യ നി​ർ​മാ​ണ കേ​ന്ദ്ര​ത്തി​ൽ പൊ​ലീ​സ് ന​ട​ത്തി​യ പ​രി​ശോ​ധ​ന​യി​ൽ 1500 ലി​റ്റ​ർ സ്പി​രി​റ്റും 300 ലി​റ്റ​ർ വ്യാജ ക​ള്ളും പൊ​ലീ​സ് പി​ടി​കൂ​ടി. വീ​ട് വാ​ട​ക​ക്കെ​ടു​ത്ത് വ്യാ​ജ​മ​ദ്യ നി​ർ​മാ​ണം കേ​ന്ദ്രം ന​ട​ത്തി​യി​രു​ന്ന ഗു​രു​വാ​യൂ​ർ ചൊ​വ്വ​ല്ലൂ​ർ​പ്പ​ടി തൈ​ക്കാ​ട് സ്വ​ദേ​ശി അ​രീ​ക്ക​ര വീ​ട്ടി​ൽ അ​രു​ണി​നെ (28) ചാ​ല​ക്കു​ടി ഡി​വൈ.​എ​സ്.​പി ടി.​എ​സ്. സി​നോ​ജും സം​ഘ​വും അ​റ​സ്റ്റ് ചെ​യ്തു.

മ​ദ്യം ക​ട​ത്താ​ൻ ഉ​പ​യോ​ഗി​ച്ചി​രു​ന്ന പി​ക്അ​പ് വാ​നും ഓ​ട്ടോ​റി​ക്ഷ​യും പൊ​ലീ​സ് പി​ടി​ച്ചെ​ടു​ത്തു. ക​ള്ളി​ൽ സ്പി​രി​റ്റ് ക​ല​ർ​ത്തി വി​ൽ​പ​ന ന​ട​ത്തു​ക​യാ​ണ് ഇ​വി​ടെ ചെയ്തിരുന്നതെന്ന് പൊ​ലീ​സ് പ​റ​ഞ്ഞു. തൃ​ശൂ​ർ റേ​ഞ്ച് ഡി.​ഐ.​ജി അ​ജി​താ​ബീ​ഗ​ത്തി​ന്റെ നി​ർ​ദേ​ശ​പ്ര​കാ​ര​മു​ള്ള റേ​ഞ്ചു​ത​ല പ്ര​ത്യേ​ക പ​രി​ശോ​ധ​ന​യു​ടെ ഭാ​ഗ​മാ​യി തൃ​ശൂ​ർ റൂ​റ​ൽ ജി​ല്ല പൊ​ലീ​സ് മേ​ധാ​വി ഐ​ശ്വ​ര്യ ഡോ​ങ്റേ​യു​ടെ മേ​ൽ​നോ​ട്ട​ത്തി​ലാ​യി​രു​ന്നു പ​രി​ശോ​ധ​ന.

പു​തു​ക്കാ​ട് രാ​പ്പാ​ൾ-​തൊ​ട്ടി​പ്പാ​ൾ റൂ​ട്ടി​ൽ നെ​ടു​മ്പാ​ൾ പ​ള്ള​ത്ത് റോ​ഡി​ൽ​നി​ന്ന് 200 മീ​റ്റ​റോ​ളം ഉ​ള്ളി​ലേ​ക്ക് മാ​റി ഒ​റ്റ​പ്പെ​ട്ട ഒ​രു വാ​ട​ക വീ​ട്ടി​ലാ​യി​രു​ന്നു മ​ദ്യ നി​ർ​മാ​ണ കേ​ന്ദ്രം പ്ര​വ​ർ​ത്തി​ച്ചി​രു​ന്ന​ത്. ഇ​യാ​ൾ​ക്ക് സ്പി​രി​റ്റ് എ​ത്തി​ച്ചു​ന​ൽ​കു​ന്ന​വ​രെ​ക്കു​റി​ച്ചും വ്യാ​ജ​മ​ദ്യ വി​ൽ​പ​ന​യി​ട​ങ്ങ​ളെ​ക്കു​റി​ച്ചും വി​ശ​ദ അ​ന്വേ​ഷ​ണം ന​ട​ത്താ​ൻ പ്ര​ത്യേ​ക അ​ന്വേ​ഷ​ണ സം​ഘം രൂ​പ​വ​ത്ക​രി​ക്കു​മെ​ന്ന് പൊ​ലീ​സ് പ​റ​ഞ്ഞു. ഉ​പ​യോ​ഗ​ശൂ​ന്യ​മാ​യ കി​ണ​റി​ലെ വെ​ള്ള​മാ​ണ് ഇ​യാ​ൾ സ്പി​രി​റ്റി​ൽ ചേ​ർ​ക്കു​ന്ന​ത്.

കി​ണ​റി​ലെ വെ​ള്ളം കു​ടി​ച്ചാ​ൽ ഉ​ദ​ര​രോ​ഗ​മു​ണ്ടാ​കു​മെ​ന്നും അ​തി​നാ​ൽ മി​ന​റ​ൽ വാ​ട്ട​റാ​ണ് താ​ൻ കു​ടി​ക്കാ​ൻ ഉ​പ​യോ​ഗി​ക്കു​ന്ന​തെ​ന്നു​മു​ള്ള ഞെ​ട്ടി​ക്കു​ന്ന വി​വ​ര​ങ്ങ​ളാ​ണ് പ്ര​തി പൊ​ലീ​സി​നോ​ട് പ​റ​ഞ്ഞ​ത്. അ​റ​സ്റ്റി​ലാ​യ അ​രു​ൺ 2016ൽ ​മു​ൻ വൈ​രാ​ഗ്യ​ത്തി​ന്റെ പേ​രി​ൽ ഗു​രു​വാ​യൂ​ർ സ്വ​ദേ​ശി​യാ​യ യു​വാ​വി​നെ സം​ഘം ചേ​ർ​ന്നാ​ക്ര​മി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ലെ പ്ര​തി​യാ​ണ്. ഈ ​കേ​സി​ൽ ഒ​ളി​വി​ലി​ൽ പോ​യ ഇ​യാ​ളെ​യും സം​ഘ​ത്തേ​യും ബം​ഗ​ളൂ​രു​വി​ൽ​നി​ന്നാ​ണ് അ​ന്ന് പി​ടി​കൂ​ടി​യ​ത്.

ഓ​ണ​ക്കാ​ല​ത്ത് വ്യാ​ജ​മ​ദ്യ നി​ർ​മാ​ണ​വും വി​ത​ര​ണ​വും ന​ട​ക്കാ​നി​ട​യു​ണ്ടെ​ന്ന ര​ഹ​സ്യ​വി​വ​ര​ത്തി​ന്റെ അ​ടി​സ്ഥാ​ന​ത്തി​ൽ ചാ​ല​ക്കു​ടി ഡി​വൈ.​എ​സ്.​പി​യു​ടെ നേ​തൃ​ത്വ​ത്തി​ൽ വ​ന​മേ​ഖ​ല​ക​ൾ കേ​ന്ദ്രീ​ക​രി​ച്ചും പു​ഴ​യോ​ര​ങ്ങ​ൾ​ക്ക​രി​കി​ലും വ്യാ​ജ​വാ​റ്റ് ക​ണ്ടെ​ത്താ​നു​ള്ള പരിശോധനകൾ ന​ട​ന്നു​വ​രു​ക​യാ​ണ്.

പു​തു​ക്കാ​ട് സി.​ഐ യു.​എ​ച്ച്. സു​നി​ൽ​ദാ​സ്, സ​ബ് ഇ​ൻ​സ്പെ​ക്ട​ർ കെ.​എ​സ്. സൂ​ര​ജ്, ക്രൈം ​സ്ക്വാ​ഡ് അം​ഗ​ങ്ങ​ളാ​യ വി.​ജി. സ്റ്റീ​ഫ​ൻ, സി.​എ. ജോ​ബ്, സ​തീ​ശ​ൻ മ​ട​പ്പാ​ട്ടി​ൽ, റോ​യ് പൗ​ലോ​സ്, പി.​എം. മൂ​സ, വി.​യു. സി​ൽ​ജോ, എ.​യു. റെ​ജി, ഷി​ജോ തോ​മ​സ്, പു​തു​ക്കാ​ട് പൊ​ലീ​സ് സ്റ്റേ​ഷ​നി​ലെ എ.​എ​സ്.​ഐ സി.​എ. ഡെ​ന്നീ​സ്, വി​ശ്വ​നാ​ഥ​ൻ, സി.​പി.​ഒ വി.​ജെ. പ്ര​മോ​ദ്, പി.​സി. ജി​ലേ​ഷ്, എ​ൻ.​വി. ശ്രീ​ജി​ത്ത്, എം. ​മി​ഥു​ൻ എ​ന്നി​വ​രും പ്ര​തി​യെ അ​റ​സ്റ്റ് ചെ​യ്ത സം​ഘ​ത്തി​ൽ ഉ​ണ്ടാ​യി​രു​ന്നു.