ഫാ​ൻ​സി ഡ്ര​സ് ഷോ​റൂ​മി​ൽ തീ​പി​ടി​ത്തം; 10 ല​ക്ഷ​ത്തി​ന്റെ ന​ഷ്ടം

ചാ​ല​ക്കു​ടി: ചാ​ല​ക്കു​ടി​യി​ൽ ഫാ​ൻ​സി ഡ്ര​സ് ഷോ​റൂം ക​ത്തി 10 ല​ക്ഷം രൂ​പ​യു​ടെ ന​ഷ്ടം. ചാ​ല​ക്കു​ടി ന​ഗ​ര​സ​ഭ ബ​സ് സ്റ്റാ​ൻ​ഡ് കെ​ട്ടി​ട​ത്തി​ലെ ര​ണ്ടാം നി​ല​യി​ൽ പ്ര​വ​ർ​ത്തി​ക്കു​ന്ന റോ​സ് ക​ള​ക്ഷ​ൻ​സ് എ​ന്ന ക​ട​യി​ലാ​ണ് തീ​പി​ടി​ത്ത​മു​ണ്ടാ​യ​ത്. ഞാ​യ​റാ​ഴ്ച പു​ല​ർ​ച്ച​യാ​ണ് സം​ഭ​വം. ഈ ​സ​മ​യ​ത്ത് ദേ​ശീ​യ​പാ​ത ​മേ​ൽ​പാ​ല​ത്തി​ന് മു​ക​ളി​ലൂ​ടെ സ​ഞ്ച​രി​ക്കു​ക​യാ​യി​രു​ന്ന ബൈ​ക്ക് യാ​ത്ര​ക്കാ​ര​നാ​ണ് തീ​പി​ടി​ത്തം ആ​ദ്യം ക​ണ്ട​ത്. ഇ​ദ്ദേ​ഹം താ​ഴെ ഓ​ട്ടോ സ്റ്റാ​ൻ​ഡി​ലെ ഡ്രൈ​വ​ർ​മാ​രു​ടെ ശ്ര​ദ്ധ​യി​ൽ​പെ​ടു​ത്തി.

ഇ​വ​ർ വി​ളി​ച്ച​റി​യി​ച്ച​തി​നെ തു​ട​ർ​ന്ന് ചാ​ല​ക്കു​ടി അ​ഗ്നി​ര​ക്ഷ​സേ​ന​യും പൊ​ലീ​സും സ്ഥ​ല​ത്തെ​ത്തി. മു​റി​യു​ടെ ചു​റ്റും ക​ന​ത്ത പു​ക​പ​ട​ലം വ്യാ​പി​ച്ചി​രു​ന്നു. ര​ണ്ട് മു​റി​ക​ളി​ലാ​യി ശേ​ഖ​രി​ച്ചി​രു​ന്ന വ​സ്ത്ര​ങ്ങ​ൾ​ക്കാ​ണ് തീ​പി​ടി​ച്ച​ത്. ക​ലോ​ത്സ​വ​ങ്ങ​ൾ​ക്കും മ​റ്റും വാ​ട​ക​ക്ക് കൊ​ടു​ക്കു​ന്ന വ​സ്ത്ര​ങ്ങ​ളും ആ​ഭ​ര​ണ​ങ്ങ​ളും മ​റ്റു​മാ​ണ് അ​തി​ൽ സൂ​ക്ഷി​ച്ചി​രു​ന്ന​ത്. സീ​സ​ൺ ആ​യ​തി​നാ​ൽ കൂ​ടു​ത​ലാ​യി പ​ട്ടു​വ​സ്ത്ര​ങ്ങ​ൾ ശേ​ഖ​രി​ച്ചി​രു​ന്നു. ജ​നാ​ല​ക​ളു​ടെ ചി​ല്ലു​ക​ൾ പൊ​ളി​ച്ച് വെ​ള്ളം പ​മ്പ് ചെ​യ്ത് തീ ​കെ​ടു​ത്തി. ഇ​തോ​ടെ അ​ടു​ത്ത മു​റി​ക​ളി​ലേ​ക്ക് തീ ​പ​ട​രു​ന്ന​ത് ത​ട​യാ​നാ​യി. എ​ന്നാ​ൽ ക​ട​യി​ലെ ഫ​ർ​ണി​ച്ച​റു​ക​ളും വ​സ്ത്ര​ങ്ങ​ളും ഉ​പ​യോ​ഗ​ശൂ​ന്യ​മാ​യി. മേ​ലൂ​ർ സ്വ​ദേ​ശി​യാ​യ വ​നി​ത​യാ​ണ് സ്ഥാ​പ​ന ഉ​ട​മ. തീ ​പി​ടി​ത്ത​ത്തി​ന്റെ കാ​ര​ണം വ്യ​ക്ത​മ​ല്ല.