ന​ഗ​ര​സ​ഭ എ​ൻ​ജി​നീ​യ​റെ പ​രാ​തി​ക്കാ​ര​ൻ ആ​ക്ര​മി​ക്കാ​ൻ ശ്ര​മി​ച്ചെന്ന് ആരോപണം

ചാ​ല​ക്കു​ടി: അ​ഴി​മ​തി​ക്ക് കൂ​ട്ടു​നി​ൽ​ക്കു​ന്നെ​ന്ന് ആ​രോ​പി​ച്ച് ന​ഗ​ര​സ​ഭ എ​ൻ​ജി​നീ​യ​റെ പ​രാ​തി​ക്കാ​ര​ൻ ക​ഴു​ത്തി​ൽ ക​യ​റി​പ്പി​ടി​ച്ചതാ​യി ആ​രോ​പ​ണം. ന​ഗ​ര​സ​ഭ അ​സി. എ​ക്സി​ക്യൂ​ട്ടി​വ് എ​ൻ​ജി​നീ​യ​ർ സു​ഭാ​ഷി​നെ​യാ​ണ് ആ​ക്ര​മി​ച്ച​ത്. ഇ​തി​നെ തു​ട​ർ​ന്ന് എ​ൻ​ജി​നീ​യ​ർ ആ​ശു​പ​ത്രി​യി​ൽ ചി​കി​ത്സ തേ​ടി.

എ​ന്നാ​ൽ, സം​ഭ​വ​ത്തി​ൽ പൊ​ലീ​സ് ന​ട​പ​ടി​യൊ​ന്നും എ​ടു​ക്കാ​ത്ത​തി​ൽ ന​ഗ​ര​സ​ഭ ചെ​യ​ർ​മാ​ൻ എ​ബി ജോ​ർ​ജും അം​ഗ​ങ്ങ​ളും സ്ഥ​ല​ത്തെ​ത്തി പ്ര​തി​ഷേ​ധം ഉ​യ​ർ​ത്തി.

21ാം വാ​ർ​ഡി​ലെ അ​പ്പാ​ർ​ട്ട്മെ​ന്‍റി​ന്‍റെ സെ​പ്റ്റി​ക് ടാ​ങ്ക് നി​ർ​മാ​ണ​വു​മാ​യി ബ​ന്ധ​പ്പെ​ട്ടാ​ണ് പ്ര​ശ്നം. ഇ​തി​ന്‍റെ സെ​പ്റ്റി​ക് ടാ​ങ്ക് നി​ർ​മി​ച്ചി​ട്ടു​ള്ള​ത് പു​റ​മ്പോ​ക്കി​ലാ​ണെ​ന്നും ന​ട​പ​ടി​യെ​ടു​ക്ക​ണ​മെ​ന്നും ആ​വ​ശ്യ​പ്പെ​ട്ട് വി​വ​രാ​വ​കാ​ശ പ്ര​വ​ർ​ത്ത​ക​ൻ ഓം​ബു​ഡ്സ്മാ​നി​ൽ പ​രാ​തി ന​ൽ​കി​യി​രു​ന്നു.

തു​ട​ർ​ന്ന് സം​ഭ​വം അ​ന്വേ​ഷി​ക്കാ​ൻ ഓം​ബു​ഡു​സ്മാ​ൻ ഉ​ത്ത​ര​വി​ട്ടു. ഇ​തു​പ്ര​കാ​രം അ​ന്വേ​ഷി​ക്കാ​ൻ ഓ​വ​ർ​സി​യ​ർ​മാ​രാ​യ ര​തി​ദേ​വി, സി​ന്ധു എ​ന്നി​വ​ർ​ക്കൊ​പ്പം അ​സി. എ​ക്സി​ക്യൂ​ട്ടി​വ് എ​ൻ​ജി​നീ​യ​ർ സു​ഭാ​ഷ് അ​പ്പാ​ർ​ട്ട്മെ​ന്‍റി​ലെ​ത്തി സ്ഥ​ലം അ​ള​ന്നു. ജോ​ലി​ക്കാ​രെ ഏ​ർ​പ്പാ​ടാ​ക്കി ടൈ​ൽ​സ് പൊ​ളി​ച്ചു​നീ​ക്കി സെ​പ്റ്റി​ക് ടാ​ങ്ക് നി​ർ​മി​ച്ച​ത് പു​റ​മ്പോ​ക്കി​ല​ല്ലെ​ന്നും അ​വ​രു​ടെ സ്ഥ​ല​ത്താ​ണെ​ന്നും നി​ർ​മാ​ണം ന​ട​ക്ക​ട്ടെ​യെ​ന്നും അ​റി​യി​ച്ചു.

പൊ​ലീ​സി​ന്‍റെ സാ​ന്നി​ധ്യ​ത്തി​ൽ വേ​ണം കാ​ര്യ​ങ്ങ​ൾ നി​ർ​ണ​യി​ക്കാ​നെ​ന്ന് പ​രാ​തി​ക്കാ​ര​ൻ ആ​വ​ശ്യ​പ്പെ​ട്ടെ​ങ്കി​ലും എ​ൻ​ജി​നീ​യ​ർ ആ​വ​ശ്യം അ​വ​ഗ​ണി​ച്ചു. ഇ​തോ​ടെ പ​രാ​തി​ക്കാ​ര​ൻ ത​ർ​ക്കം ഉ​ന്ന​യി​ക്കു​ക​യും രോ​ഷാ​കു​ല​നാ​യി എ​ൻ​ജി​നീ​യ​റു​ടെ ക​ഴു​ത്തി​ൽ കൈ​ത്ത​ണ്ട കൊ​ണ്ട് അ​മ​ർ​ത്തു​ക​യു​മാ​യി​രു​ന്നെ​ന്നാ​ണ് പ​രാ​തി. ന​ഗ​ര​സ​ഭ സെ​ക്ര​ട്ട​റി​യു​ടെ നി​ർ​ദേ​ശ​പ്ര​കാ​ര​മാ​ണ് അ​പ്പാ​ർ​ട്ട്മെ​ന്‍റ് നി​ർ​മാ​ണ സ്ഥ​ല​ത്ത് പോ​യ​തെ​ന്നും ത​ർ​ക്ക​ത്തെ തു​ട​ർ​ന്ന് പ​രാ​തി​ക്കാ​ര​ൻ വ​ധി​ക്കാ​ൻ ശ്ര​മി​ക്കു​ക​യു​മാ​യി​രു​ന്നെ​ന്ന് എ​ൻ​ജി​നീ​യ​ർ വ്യ​ക്ത​മാ​ക്കി.

വി​വ​ര​മ​റി​ഞ്ഞ് ചാ​ല​ക്കു​ടി എ​സ്.​ഐ ഷാ​ജു എ​ട​ത്താ​ട​ന്‍റെ നേ​തൃ​ത്വ​ത്തി​ൽ പൊ​ലീ​സ് സ്ഥ​ല​ത്തെ​ത്തി. പ​രാ​തി കി​ട്ടി​യാ​ൽ മാ​ത്ര​മേ കേ​സെ​ടു​ക്കാ​നാ​വൂ​വെ​ന്ന് പൊ​ലീ​സ് വ്യ​ക്ത​മാ​ക്കി. തു​ട​ർ​ന്ന് ന​ഗ​ര​സ​ഭ സെ​ക്ര​ട്ട​റി കെ.​ബി. വി​ശ്വ​നാ​ഥ​ൻ പൊ​ലീ​സി​ൽ പ​രാ​തി ന​ൽ​കി.