ഭാ​ര്യ​യെ ആ​ക്ര​മി​ച്ച് ഒ​ളി​വി​ൽ പോ​യ ആ​ൾ ആ​റു​വ​ർ​ഷ​ത്തി​നു​ശേ​ഷം പി​ടി​യി​ൽ

ചാ​ല​ക്കു​ടി: വെ​ള്ളി​ക്കു​ള​ങ്ങ​ര കി​ഴ​ക്കേ കോ​ടാ​ലി​യി​ൽ ഭാ​ര്യ​യെ ക്രൂ​ര​മാ​യി ആ​ക്ര​മി​ച്ച കേ​സി​ൽ ഒ​ളി​വി​ലാ​യി​രു​ന്ന ആ​ളെ പൊ​ലീ​സ് പി​ടി​കൂ​ടി. കി​ഴ​ക്കേ കോ​ടാ​ലി ഈ​ശ്വ​ര​മം​ഗ​ല​ത്ത് വീ​ട്ടി​ൽ ഷാ​ജ​നാ​ണ് (49) അ​റ​സ്റ്റി​ലാ​യ​ത്. ചാ​ല​ക്കു​ടി ഡി​വൈ.​എ​സ്.​പി സി.​ആ​ർ. സ​ന്തോ​ഷി​ന്റെ നേ​തൃ​ത്വ​ത്തി​െ​ല സം​ഘ​മാ​ണ് ഇ​യാ​ളെ അ​റ​സ്റ്റ് ചെ​യ്ത​ത്.

2015 ഒ​ക്ടോ​ബ​ർ നാ​ലി​നാ​ണ് കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. നി​സ്സാ​ര കാ​ര്യ​ത്തി​ന് വ​ഴ​ക്കു​ണ്ടാ​ക്കി​യ ഷാ​ജ​ൻ ഭാ​ര്യ​യെ ക്രൂ​ര​മാ​യി മ​ർ​ദി​ച്ച് അ​വ​ശ​യാ​ക്കി​യ ശേ​ഷം വീ​ട്ടി​ൽ​നി​ന്ന് മു​ങ്ങു​ക​യാ​യി​രു​ന്നു. മു​ഖ​ത്തും മ​റ്റും മാ​ര​ക മു​റി​വേ​റ്റ യു​വ​തി​യു​ടെ നാ​ല് പ​ല്ലും ഷാ​ജ​ന്റെ ആ​ക്ര​മ​ണ​ത്തി​ൽ ന​ഷ്ട​പ്പെ​ട്ടി​രു​ന്നു.

സം​ഭ​വം അ​റി​ഞ്ഞെ​ത്തി​യ പൊ​ലീ​സ് യു​വ​തി​യെ ആ​ശു​പ​ത്രി​യി​ലാ​ക്കി​യ ശേ​ഷം കേ​സെ​ടു​ത്ത് അ​ന്വേ​ഷ​ണം ന​ട​ത്തി​യ​പ്പോ​ഴാ​ണ് ഇ​യാ​ൾ മു​ങ്ങി​യ​ത്. വ​ട​പ​ള​നി​യി​ൽ​നി​ന്നാ​ണ് പൊ​ലീ​സ് സം​ഘം ഇ​യാ​ളെ അ​റ​സ്റ്റ് ചെ​യ്ത​ത്. അ​വി​ടെ മ​റ്റൊ​രു വി​വാ​ഹ​വും ക​ഴി​ച്ച് ക​ഴി​ഞ്ഞു​കൂ​ടു​ക​യാ​യി​രു​ന്നു.