കോ​ർ​പ​റേ​ഷ​ൻ ഭ​ര​ണം ഗു​രു​ത​ര പ്ര​തി​സ​ന്ധി​യി​ലേ​ക്ക്

തൃ​ശൂ​ർ: എ​ൽ.​ഡി.​എ​ഫ്​ പി​ന്തു​ണ​യോ​ടെ തൃശൂർ കോ​ർ​പ​റേ​ഷ​ൻ ഭ​രി​ക്കു​ന്ന കോ​ൺ​ഗ്ര​സ്​ വി​മ​ത​നാ​യ മേ​യ​ർ എം.​കെ. വ​ർ​ഗീ​സി​ന്‍റെ സു​രേ​ഷ്​ ഗോ​പി ‘പ്രേ​മ’​ത്തോ​ട്​ മു​ന്ന​ണി​യി​ലെ ഘ​ട​ക ക​ക്ഷി​ക​ളു​ടെ പ്ര​തി​ഷേ​ധം കൂ​ടു​ത​ൽ ശ​ക്ത​മാ​കു​ന്നു.

ശ​നി​യാ​ഴ്ച കോ​ർ​പേ​റ​ഷ​ന്‍റെ വി​ദ്യാ​ഭ്യാ​സ അ​വാ​ർ​ഡ് വി​ത​ര​ണ പ​രി​പാ​ടി സി.​പി.​ഐ പ്ര​തി​നി​ധി​യാ​യ പി. ​ബാ​ല​ച​ന്ദ്ര​ൻ എം.​എ​ൽ.എ അ​ട​ക്കം ഘ​ട​ക​ക്ഷി​ക​ളി​ലെ ഭൂ​രി​ഭാ​ഗ​വും ബ​ഹി​ഷ്ക​രി​ച്ചു. ലോ​ക്സ​ഭ തെ​ര​ഞ്ഞെ​ടു​പ്പി​ൽ സു​രേ​ഷ്​ ഗോ​പി​യെ​യും ബി.​ജെ.​പി​യെ​യും സ​ഹാ​യി​ച്ച മേ​യ​ർ രാ​ജി​വെ​ക്ക​ണ​മെ​ന്നാ​ണ്​ സി.​പി.​ഐ​യു​ടെ ആ​വ​ശ്യ​മെ​ങ്കി​ൽ മേ​യ​റു​ടെ ഏ​കാ​ധി​പ​ത്യ​ത്തോ​ടാ​ണ്​ മ​റ്റ് ഘ​ട​ക​ക​ക്ഷി​ക​ളു​ടെ പ്ര​തി​ഷേ​ധം.

ജ​ന​താ​ദ​ൾ (എ​സ്) പ്ര​തി​നി​ധി ഷീ​ബ ബാ​ബു, കേ​ര​ള കോ​ൺ​ഗ്ര​സ് മാ​ണി വി​ഭാ​ഗ​ത്തി​ലെ ക​രോ​ളി​ൻ പെ​രി​ഞ്ചേ​രി, സ്വ​ത​ന്ത്ര അം​ഗം സി.​പി. പോ​ളി എ​ന്നി​വ​രു​ൾ​പ്പെ​ടെ ഘ​ട​ക ക​ക്ഷി പ്ര​തി​നി​ധി​ക​ളാ​രും പ​രി​പാ​ടി​യി​ൽ പ​ങ്കെ​ടു​ത്തി​ല്ല. അ​തേ​സ​മ​യം, പ്ര​തി​പ​ക്ഷ​ത്തു​ള്ള കോ​ൺ​ഗ്ര​സ്​ നി​യ​ന്ത്രി​ക്കു​ന്ന വി​ദ്യാ​ഭ്യാ​സ സ്റ്റാ​ന്‍റി​ങ്​ ക​മ്മി​റ്റി​യു​ടെ പ​രി​പാ​ടി​യി​ൽ കോ​ൺ​ഗ്ര​സ്​ കൗ​ൺ​സി​ല​ർ​മാ​ർ പ​​ങ്കെ​ടു​ത്തു.

മേ​യ​റു​ടെ കാ​ര്യ​ത്തി​ൽ തീ​രു​മാ​ന​മാ​കാ​തെ ഇ​നി കോ​ർ​പ​റേ​ഷ​ൻ കൗ​ൺ​സി​ലി​ൽ പോ​ലും പ​ങ്കെ​ടു​ക്കേ​ണ്ട​തി​ല്ലെ​ന്ന തീ​രു​മാ​ന​ത്തി​ലാ​ണ് സി.​പി.​ഐ. പ​രി​പാ​ടി​യി​ൽ മു​ഖ്യാ​തി​ഥി​യാ​യാ​ണ്​ എം.​എ​ൽ.​എ പി. ​ബാ​ല​ച​ന്ദ്ര​നെ നി​ശ്ച​യി​ച്ചി​രു​ന്ന​ത്.

സി.​പി.​ഐ​യു​ടെ സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​പ​ഴ്‌​സ​ൺ സാ​റാ​മ്മ റോ​ബ്‌​സ​ൺ, കെ. ​സ​തീ​ഷ് ച​ന്ദ്ര​ൻ, ബീ​ന മു​ര​ളി എ​ന്നി​വ​രും വ​ന്നി​ല്ല. കോ​ർ​പ​റേ​ഷ​ന്‍റെ പൊ​തു​പ​രി​പാ​ടി​യി​ലേ​ക്കും ബ​ഹി​ഷ്‌​ക​ര​ണം വ്യാ​പി​ച്ച​തോ​ടെ ഭ​ര​ണം ഗു​രു​ത​ര പ്ര​തി​സ​ന്ധി​യി​ലേ​ക്കാ​ണ് നീ​ങ്ങു​ന്ന​ത്.

ഒ​ന്ന​ര മാ​സ​ത്തോ​ള​മാ​യി സാ​ധാ​ര​ണ കൗ​ൺ​സി​ൽ യോ​ഗം ചേ​ർ​ന്നി​ട്ടി​ല്ല. സി.​പി.​എം ജി​ല്ല സെ​ക്ര​ട്ട​റി എം.​എം. വ​ർ​ഗീ​സു​മാ​യി പാ​ർ​ട്ടി സം​സ്ഥാ​ന നേ​തൃ​ത്വം വി​ഷ​യം സം​സാ​രി​ച്ച​താ​യാ​ണ്​ അ​റി​യു​ന്ന​ത്. സി.​പി.​എ​മ്മി​ന്‍റെ പ്ര​തി​വാ​ര സെ​ക്ര​ട്ടേ​റി​യ​റ്റ്​ യോ​ഗ​ത്തി​ൽ ഇ​ത്​ ച​ർ​ച്ച​ക്ക് വ​ന്ന​താ​യും സൂ​ച​ന​യു​ണ്ട്. മേ​യ​റെ മാ​റ്റാ​തെ കോ​ർ​പ​റേ​ഷ​ൻ ഭ​ര​ണ​വു​മാ​യി സ​ഹ​ക​രി​ക്കി​ല്ലെ​ന്ന നി​ല​പാ​ടി​ൽ സി.​പി.​ഐ ഉ​റ​ച്ച നി​ൽ​ക്കു​ക​യാ​ണെ​ന്ന്​ ​പ​റ​യു​മ്പോ​ഴും ച​ർ​ച്ച​യി​ലൂ​ടെ പ​രി​ഹാ​ര​ത്തി​നു​ള്ള നീ​ക്ക​ത്തി​ലാ​ണ്​ സി.​പി.​​എം.

അ​വ​ർ​ക്ക്​ എ​ന്തെ​ങ്കി​ലും അ​സു​ഖ​മു​ണ്ടോ​? -മേ​യ​ർ

പ​രി​പാ​ടി​ക്ക്​ എ​ല്ലാ​വ​രും എ​ത്തു​മെ​ന്നാ​ണ് പ​റ​ഞ്ഞ​തെ​ന്നും എ​ന്തു​കൊ​ണ്ട് എ​ത്തി​യി​ല്ലെ​ന്ന്​ അ​റി​യി​ല്ലെ​ന്നും ഘ​ട​ക ക​ക്ഷി​ക​ളു​ടെ ബ​ഹി​ഷ്ക​ര​ണ​ത്തോ​ട്​ മേ​യ​ർ എം.​കെ. വ​ർ​ഗീ​സ് പ്ര​തി​ക​രി​ച്ചു. ‘അ​വ​ർ​ക്ക് എ​ന്തെ​ങ്കി​ലും അ​സു​ഖ​മു​ണ്ടോ​യെ​ന്ന് അ​റി​യി​ല്ല’​എ​ന്നും മേ​യ​ർ പ​റ​ഞ്ഞു.