ഗീത ജയന്‍, മഞ്ജു ജയന്‍
മറ്റത്തൂര്‍: പഞ്ചായത്തിലെ നാലാം വാര്‍ഡായ ഇഞ്ചക്കുണ്ടില്‍ നാത്തൂന്‍ പോര്. എല്‍.ഡി.എഫിലെ മഞ്ജു ജയന്‍, യു.ഡി.എഫിലെ ശാരിക സുമേഷ്, എന്‍.ഡി.എയിലെ ഗീത ജയന്‍ എന്നിവര്‍ തമ്മിലുള്ള ത്രികോണ മത്സരമാണ് ഈ വാര്‍ഡില്‍ അരങ്ങേറുന്നത്.
എല്‍.ഡി.എഫ് സ്ഥാനാര്‍ഥി മഞ്ജു ജയെൻറ ഭര്‍തൃസഹോദരിയാണ് എന്‍.ഡി.എ സ്ഥാനാര്‍ഥിയായ ഗീത ജയന്‍. രണ്ടുതവണ പഞ്ചായത്ത് ഭരണസമിതിയില്‍ അംഗമായിരുന്ന മഞ്ജു 2010-15ല്‍ ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റിയുടെ ചെയര്‍പേഴ്‌സനായിരുന്നു. മഞ്ജുവിെൻറ നാത്തൂനായ ഗീത ജയന്‍ തെരഞ്ഞെടുപ്പുരംഗത്ത് പുതുമുഖമാണെങ്കിലും കുടുംബശ്രീ പ്രവര്‍ത്തനത്തിലൂടെ വാര്‍ഡില്‍ സുപരിചിതയാണ്.
കഴിഞ്ഞ തെരഞ്ഞടുപ്പില്‍ രണ്ടാം സ്ഥാനത്തെത്തിയ ബി.ജെ.പി, ഇത്തവണ ഗീത ജയനെ നിര്‍ത്തി വാര്‍ഡ് പിടിച്ചെടുക്കാനുള്ള ശക്തമായ മത്സരത്തിലാണ്. തെരഞ്ഞെടുപ്പ് വേദിയില്‍ പോരടിക്കുന്ന മഞ്ജുവും ഗീതയും കുടുംബബന്ധങ്ങളില്‍ നാത്തൂന്‍ പോര് മാറ്റിവെച്ച് തികഞ്ഞ സ്‌നേഹബന്ധം പുലര്‍ത്തവരാണ്. നാത്തൂന്മാര്‍ക്ക് കടുത്ത വെല്ലുവിളി ഉയര്‍ത്തി യു.ഡി.എഫ് സ്ഥാനാര്‍ഥി ശാരിക സുമേഷും ഈ വാര്‍ഡില്‍ മത്സരരംഗത്തുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.