വാ​ട്ട​ർ അ​തോ​റി​റ്റി​യെ 'വെ​ള്ളം കു​ടി​പ്പി​ച്ച്' വീ​ട്ട​മ്മ​യു​ടെ സ​മ​രം​

ഗു​രു​വാ​യൂ​ര്‍: വ​യോ​ധി​ക​യു​ടെ സ​മ​ര​വീ​ര്യ​ത്തി​ന് മു​ന്നി​ൽ വാ​ട്ട​ർ അ​തോ​റി​റ്റി മു​ട്ടു​മ​ട​ക്കി. ഒ​രു​മ​ന​യൂ​ര്‍ അ​മ്പ​ല​ത്താ​ഴ​ത്ത് പ​ങ്ക​ജ​വി​ലാ​സ​ത്തി​ല്‍ പ​രേ​ത​നാ​യ ന​ട​രാ​ജ പി​ള്ള​യു​ടെ ഭാ​ര്യ പ​ങ്ക​ജ​വ​ല്ലി​യാ​ണ് ഒ​റ്റ​യാ​ൾ​പോ​രാ​ട്ടം ന​ട​ത്തി​യ​ത്. ഒ​രാ​ഴ്ച​യി​ല​ധി​ക​മാ​യി കു​ടി​വെ​ള്ളം ല​ഭി​ക്കാ​തി​രു​ന്ന​തി​നെ തു​ട​ർ​ന്നാ​ണ് ത​നി​ച്ച് താ​മ​സി​ക്കു​ന്ന വ​യോ​ധി​ക വീ​ട്ട​മ്മ വാ​ട്ട​ര്‍ അ​തോ​റി​റ്റി ഓ​ഫി​സി​ന് മു​ന്നി​ല്‍ പാ​യ്​ വി​രി​ച്ചി​രു​ന്ന് പ്ര​തി​ഷേ​ധി​ച്ച​ത്. വീ​ട്ടി​ലേ​ക്ക് വെ​ള്ളം ല​ഭി​ച്ചാ​ല​ല്ലാ​തെ പ്ര​തി​ഷേ​ധം നി​ർ​ത്തി​ല്ലെ​ന്ന് പ്ര​ഖ്യാ​പി​ച്ചാ​യി​രു​ന്നു സ​മ​രം. ചൊ​വ്വാ​ഴ്ച രാ​വി​ലെ പ​ത്തോ​ടെ​യാ​ണ് സ​മ​ര​ത്തി​നെ​ത്തി​യ​ത്.

എ​ട്ടു ദി​വ​സ​മാ​യി ത‍െൻറ വീ​ട്ടി​ല്‍ വെ​ള്ളം വ​രു​ന്നി​ല്ലെ​ന്ന് ഇ​വ​ര്‍ പ​റ​ഞ്ഞു. ര​ണ്ടു വ​ർ​ഷ​ത്തെ വെ​ള്ള​ക്ക​രം മു​ൻ​കൂ​ർ അ​ട​ച്ചി​ട്ടു​ണ്ടെ​ന്നും അ​വ​ർ വ്യ​ക്ത​മാ​ക്കി. വീ​ടി‍െൻറ പ​രി​സ​രം ക​ണ്ടെ​യ്​​ന്‍മെൻറ് സോ​ണാ​യ​തി​നാ​ല്‍ കു​ടി​വെ​ള്ളം ല​ഭി​ക്കാ​ന്‍ മ​റ്റു​മാ​ര്‍ഗ​ങ്ങ​ളി​ല്ല. വ​ര്‍ഷ​ങ്ങ​ളാ​യി രാ​വി​ലെ​യും വൈ​കീ​ട്ടും മാ​ത്ര​മാ​യാ​ണ് വെ​ള്ളം ല​ഭി​ച്ചി​രു​ന്ന​ത്. ഇ​പ്പോ​ൾ അ​തും നി​ല​ച്ചു. പ​രാ​തി പ​റ​ഞ്ഞി​ട്ടും ഫ​ല​മി​ല്ലാ​തെ വ​ന്ന​പ്പോ​ഴാ​ണ് താ​ൻ ഓ​ഫി​സി​ന് മു​ന്നി​ൽ പാ​യ്​ വി​രി​ച്ച് ഇ​രി​ക്കു​ന്ന​തെ​ന്നും വ്യ​ക്ത​മാ​ക്കി.

പ്ര​തി​ഷേ​ധ​മ​റി​ഞ്ഞ് ന​ഗ​ര​സ​ഭ പ്ര​തി​പ​ക്ഷ നേ​താ​വ് കെ.​പി. ഉ​ദ​യ​ന്‍ വാ​ട്ട​ര്‍ അ​തോ​റി​റ്റി​യി​ലെ​ത്തി ഇ​വ​ര്‍ക്ക് വെ​ള്ളം ല​ഭി​ക്കാ​ന്‍ ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ടു. ചാ​യ​പോ​ലും കു​ടി​ക്കാ​ൻ ത​യാ​റാ​കാ​തെ വീ​ട്ട​മ്മ കു​ത്തി​യി​രി​പ്പ് തു​ട​ർ​ന്ന​പ്പോ​ൾ ഉ​ദ്യോ​ഗ​സ്ഥ​ർ പ്ര​ശ്നം പ​രി​ഹ​രി​ക്കാ​ൻ നെ​ട്ടോ​ട്ട​മാ​യി. വൈ​കീ​ട്ട് അ​ഞ്ചി​ന് ഓ​ഫി​സ് സ​മ​യം അ​വ​സാ​നി​ക്കാ​റാ​യ​പ്പോ​ൾ പൊ​ലീ​സ് സ്ഥ​ല​ത്തെ​ത്തി​യെ​ങ്കി​ലും പ​ങ്ക​ജ​വ​ല്ലി സ​മ​രം അ​വ​സാ​നി​പ്പി​ച്ചി​ല്ല. പൈ​പ്പ് ഉ​ട​ൻ ശ​രി​യാ​ക്കു​മെ​ന്ന ഉ​റ​പ്പി​ലും പി​ൻ​വാ​ങ്ങി​യി​ല്ല. ഒ​ടു​വി​ൽ ത​ക​രാ​ർ പ​രി​ഹ​രി​ച്ച് വീ​ട്ടി​ലേ​ക്ക് വെ​ള്ളം എ​ത്തി​ത്തു​ട​ങ്ങി​യെ​ന്ന് വൈ​കീ​ട്ട് 6.30ഓ​ടെ ഉ​റ​പ്പാ​ക്കി​യ​ശേ​ഷ​മാ​ണ് സ​മ​രം പി​ൻ​വ​ലി​ച്ച് വീ​ട്ടി​ലേ​ക്ക് മ​ട​ങ്ങി​യ​ത്.