പുലി വരുന്നേ പുലി...!

തൃ​ശൂ​ര്‍: പൂ​ര​ന​ഗ​രി​യെ ആ​വേ​ശ​ത്തി​ല്‍ ആ​റാ​ടി​ക്കാ​ന്‍ ബു​ധ​നാ​ഴ്ച 'പു​ലി'​ക​ള്‍ ഇ​റ​ങ്ങും. വൈ​കി​ട്ട് അ​ഞ്ചി​ന് സ്വ​രാ​ജ് റൗ​ണ്ടി​ലെ നാ​യ്ക്ക​നാ​ല്‍ ജ​ങ്ഷ​നി​ല്‍ പു​ലി​ക​ളി​യു​ടെ ഫ്ലാ​ഗ് ഓ​ഫ് ന​ട​ക്കു​മെ​ന്ന് മേ​യ​ര്‍ എം.​കെ. വ​ര്‍ഗീ​സ് അ​റി​യി​ച്ചു. പാ​ട്ടു​രാ​യ്ക്ക​ല്‍ ദേ​ശം സം​ഘ​മാ​ണ് ഫ്ലാ​ഗ് ഓ​ഫി​ല്‍ പ​ങ്കെ​ടു​ക്കു​ക. ഇ​ത്ത​വ​ണ ഏ​ഴ് സം​ഘ​ങ്ങ​ളാ​ണ് പു​ലി​ക​ളി​യി​ല്‍ അ​ണി​നി​ര​ക്കു​ക. ബി​നി ജ​ങ്ഷ​ന്‍ വ​ഴി യു​വ​ജ​ന​സം​ഘം വി​യ്യൂ​ര്‍, വി​യ്യൂ​ര്‍ ദേ​ശം പു​ലി​ക​ളി സം​ഘം എ​ന്നി ര​ണ്ട് സം​ഘ​ങ്ങ​ളും ന​ടു​വി​ലാ​ല്‍ ജ​ങ്ഷ​നി​ലൂ​ടെ സീ​താ​റാം മി​ല്‍ ദേ​ശം പു​ലി​ക​ളി സം​ഘാ​ട​ക സ​മി​തി, ശ​ങ്ക​രം​കു​ള​ങ്ങ​ര ദേ​ശം പു​ലി​ക​ളി ആ​ഘോ​ഷ​ക​മ്മി​റ്റി, ച​ക്കാ​മു​ക്ക് ദേ​ശം പു​ലി​ക​ളി, കാ​നാ​ട്ടു​ക​ര ദേ​ശം പു​ലി​ക​ളി എ​ന്നീ നാ​ല് സം​ഘ​ങ്ങ​ളും സ്വ​രാ​ജ് റൗ​ണ്ടി​ല്‍ പ്ര​വേ​ശി​ക്കും.

എ​ട്ട് അ​ടി ഉ​യ​ര​മു​ള്ള ട്രോ​ഫി​യാ​ണ് ഈ ​വ​ര്‍ഷ​ത്തെ​യും ആ​ക​ര്‍ഷ​ണം. ഒ​ന്നാം സ്ഥാ​ന​ത്ത് എ​ത്തു​ന്ന പു​ലി​ക​ളി സം​ഘ​ത്തി​നാ​ണ് ഇ​ത് ല​ഭി​ക്കു​ക. ഒ​രു പു​ലി​ക​ളി സം​ഘ​ത്തി​ല്‍ 35മു​ത​ല്‍ 51 വ​രെ പു​ലി​ക​ളും ഒ​രു നി​ശ്ച​ല ദൃ​ശ്യ​വും ഒ​രു പു​ലി​വ​ണ്ടി​യും ഉ​ണ്ടാ​യി​രി​ക്കും.

പു​ലി​ക​ളി സം​ഘ​ങ്ങ​ളു​ടെ നി​ശ്ച​ല​ദൃ​ശ്യ വാ​ഹ​ന​ങ്ങ​ള്‍ ക​ട​ന്നു​വ​രു​ന്ന പ്ര​ധാ​ന വ​ഴി​ക​ളി​ലെ​യും സ്വ​രാ​ജ് റൗ​ണ്ടി​ലെ​യും മ​ര​ച്ചി​ല്ല​ക​ളും ത​ട​സ​ങ്ങ​ളും പൂ​ര്‍ണ​മാ​യി നീ​ക്കു​ക​യും റൗ​ണ്ടി​ല്‍ വെ​ളി​ച്ചം കു​റ​വു​ള്ള സ്ഥ​ല​ങ്ങ​ളി​ല്‍ ലൈ​റ്റു​ക​ള്‍ സ്ഥാ​പി​ക്കു​ക​യും ചെ​യ്തി​ട്ടു​ണ്ടെ​ന്നും മേ​യ​ര്‍ പ​റ​ഞ്ഞു. ആ​ദ്യ​ത്തെ മൂ​ന്ന് സ്ഥാ​ന​ങ്ങ​ളി​ല്‍ എ​ത്തു​ന്ന പു​ലി​ക​ളി സം​ഘ​ങ്ങ​ള്‍ക്ക് യ​ഥാ​ക്ര​മം 62,500 രൂ​പ​യും 50,000 രൂ​പ​യും 43,750 രൂ​പ​യും ട്രോ​ഫി​ക​ളും സ​മ്മാ​ന​മാ​യി ന​ല്‍കും. നി​ശ്ച​ല ദൃ​ശ്യ​ത്തി​ന് യ​ഥാ​ക്ര​മം 50,000 രൂ​പ​യും 43,750 രൂ​പ​യും 37,500 രൂ​പ​യും പു​ലി​കൊ​ട്ടി​നും പു​ലി​വേ​ഷ​ത്തി​നും പു​ലി വ​ണ്ടി​ക്കും യ​ഥാ​ക്ര​മം 12,500 രൂ​പ​യും 9,375 രൂ​പ​യും 6,250 രൂ​പ​യും ല​ഭി​ക്കും. കൂ​ടാ​തെ മി​ക​ച്ച രീ​തി​യി​ലു​ള്ള അ​ച്ച​ട​ക്കം പാ​ലി​ക്കു​ന്ന സം​ഘ​ത്തി​ന് 18,750 രൂ​പ​യും ന​ല്‍കും. ബി​നി ഹെ​റി​റ്റേ​ജ് ഗ​സ്റ്റ് ഹൗ​സി​ന് മു​മ്പി​ല്‍ ന​ട​ക്കു​ന്ന സ​മാ​പ​ന ച​ട​ങ്ങി​ൽ വെ​ച്ചാ​ണ് സ​മ്മാ​ന വി​ത​ര​ണം.

പു​ലി​ക​ളി സം​ഘ​ങ്ങ​ള്‍ക്ക് കോ​ര്‍പ​റേ​ഷ​ന്‍ ന​ല്‍കു​ന്ന ധ​ന​സ​ഹാ​യം 25 ശ​ത​മാ​നം വ​ര്‍ധി​പ്പി​ച്ചെ​ന്ന് മേ​യ​ർ പ​റ​ഞ്ഞു. ഇ​തു​പ്ര​കാ​രം തു​ക 2,50,000 രൂ​പ​യി​ല്‍നി​ന്ന് 3,12,500 രൂ​പ​യാ​ക്കി ഉ​യ​ര്‍ത്തി. മൂ​ന്‍കൂ​ര്‍ ഇ​ന​ത്തി​ല്‍ ഓ​രോ സം​ഘ​ത്തി​നും 1,50,000 രൂ​പ കൈ​മാ​റി. വ​യ​നാ​ട് ദു​ര​ന്ത​ത്തി​ന്റെ പ​ശ്ചാ​ത്ത​ല​ത്തി​ല്‍ ഈ​വ​ര്‍ഷം ഹ​രി​ത വ​ണ്ടി ഒ​ഴി​വാ​ക്കി. ഒ​രു പു​ലി​ക​ളി സം​ഘ​ത്തി​ന് 120 ലി​റ്റ​ര്‍ മ​ണ്ണെ​ണ്ണ ല​ഭ്യ​മാ​ക്കും. പൊ​തു​ജ​ന​ങ്ങ​ള്‍ക്ക് സൗ​ജ​ന്യ കു​ടി​വെ​ള്ള വി​ത​ര​ണ​വും വൈ​ദ്യ​സ​ഹാ​യ​വും ഉ​ണ്ടാ​കു​മെ​ന്നും മേ​യ​ർ വ്യ​ക്ത​മാ​ക്കി. വാ​ര്‍ത്ത​സ​മ്മേ​ള​ന​ത്തി​ല്‍ ഡെ​പ്യൂ​ട്ടി മേ​യ​ര്‍ എം.​എ​ല്‍. റോ​സി, സ്റ്റാ​ന്‍ഡി​ങ് ക​മ്മി​റ്റി ചെ​യ​ര്‍മാ​ന്‍മാ​രാ​യ വ​ര്‍ഗീ​സ് ക​ണ്ടം​കു​ള​ത്തി, പി.​കെ. ഷാ​ജ​ന്‍ എ​ന്നി​വ​രും സം​ബ​ന്ധി​ച്ചു.

നഗരത്തില്‍ കനത്ത സുരക്ഷ

തൃ​ശൂ​ര്‍: പു​ലി​ക​ളി​ക്ക് അ​നി​ഷ്ട​സം​ഭ​വ​ങ്ങ​ള്‍ ഉ​ണ്ടാ​കാ​തി​രി​ക്കാ​ന്‍ ക​ന​ത്ത സു​ര​ക്ഷ​ക്ര​മീ​ക​ര​ണ​ങ്ങ​ളു​മാ​യി സി​റ്റി പൊ​ലീ​സ്. സി​റ്റി പൊ​ലീ​സ് ക​മീ​ഷ​ണ​ര്‍, നാ​ല് അ​സി​സ്റ്റ​ന്റ് ക​മീ​ഷ​ണ​ര്‍മാ​ര്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ 523 പൊ​ലീ​സു​കാ​രാ​ണ് സു​ര​ക്ഷ ഒ​രു​ക്കു​ക. പൊ​ലീ​സി​നെ സ​ഹാ​യി​ക്കാ​ന്‍ 20 വ​ള​ണ്ടി​യ​ര്‍മാ​രും ഉ​ണ്ടാ​കും. പു​ലി​ക​ളി സം​ഘ​ങ്ങ​ളു​ടെ ന​ട​ത്തി​പ്പു​കാ​രു​മാ​യി കൂ​ടി​യാ​ലോ​ചി​ച്ചാ​ണ് വ​ള​ണ്ടി​യ​ര്‍മാ​രെ സ​ഹാ​യ​ത്തി​ന് നി​യോ​ഗി​ക്കാ​ന്‍ പൊ​ലീ​സ് തീ​രു​മാ​നി​ച്ച​ത്. സു​ര​ക്ഷ​ക്ര​മീ​ക​ര​ണ​ങ്ങ​ള്‍ക്കാ​യി അ​ഗ്നി​ര​ക്ഷ​സേ​ന, മോ​ട്ടോ​ര്‍ വാ​ഹ​ന​വ​കു​പ്പ് തു​ട​ങ്ങി​യ വ​കു​പ്പു​ക​ളു​ടെ സേ​വ​ന​വും ഉ​ണ്ടാ​കു​മെ​ന്ന് അ​സി​സ്റ്റ​ന്റ് പൊ​ലീ​സ് ക​മീ​ഷ​ണ​ര്‍ എ​ന്‍.​എ​സ്. സ​ലീ​ഷ് വാ​ര്‍ത്ത​സ​മ്മേ​ള​ന​ത്തി​ല്‍ പ​റ​ഞ്ഞു. വൈ​കി​ട്ട് നാ​ലി​ന് ആ​രം​ഭി​ക്കു​ന്ന പു​ലി​ക​ളി രാ​ത്രി പ​ത്തി​നാ​ണ് സ​മാ​പി​ക്കു​ക. പു​ലി​ക​ളി​യു​ടെ സു​ഗ​മ​മാ​യ ന​ട​ത്തി​പ്പി​ന് ന​ഗ​ര​ത്തി​ല്‍ ഗ​താ​ഗ​ത​നി​യ​ന്ത്ര​ണം ഒ​രു​ക്കി​യി​ട്ടു​ണ്ട്.