അക്രം അലി, ഷംസുദ്ദീൻ
കൊരട്ടി: വാനിന്റെ സൈലൻസർ മോഷ്ടിക്കുന്നവരെ കൊരട്ടിയിൽ പൊലീസ് കസ്റ്റഡിയിൽ വാങ്ങി. തുമ്പയിൽ അടുത്തിടെ പിടിയിലായ ഉത്തർപ്രദേശ് അലീഗഢ് ജക്കീർ നഗർ സ്വദേശി അക്രം അലി (34), അലീഗഢ് രാംപുർ സ്വദേശി ഷംസുദ്ദീൻ (26) എന്നിവരെയാണ് കൊരട്ടി പൊലീസ് കസ്റ്റഡിയിൽ വാങ്ങിയത്.
മുരിങ്ങൂരിൽ കഴിഞ്ഞ ജനുവരി 16ന് മാരുതി ഇക്കോ വാനിന്റെ സൈലൻസർ മോഷ്ടിച്ച കേസിലാണ് നടപടി. പകൽ പുതപ്പ്, ബെഡ് ഷീറ്റ് വിൽപനക്കാരായി കഴിയുന്ന ഇവർ ചുറ്റിക്കറങ്ങുന്നതിനിടെ കണ്ടെത്തുന്ന ഇക്കോ വാനിന്റെ സൈലൻസറുകൾ രാത്രി മോഷ്ടിക്കുകയാണ് ചെയ്യുന്നത്.
ഈ വാഹനത്തിന്റെ സൈലൻസറിൽ ഇറീഡിയം ലോഹം കൂടുതലായുള്ളതാണ് ഇവരെ ആകർഷിക്കുന്നത്. ഇവർക്കെതിരെ സമാനമായ കേസുകൾ തിരുവനന്തപുരം ഈസ്റ്റ്, തുമ്പ, ആലുവ, പനങ്ങാട് പൊലീസ് സ്റ്റേഷനുകളിലുണ്ട്. ആലുവയിലും ഇവരെ കസ്റ്റഡിയിൽ വാങ്ങിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.