വാടാനപ്പള്ളി പൊലീസ് സ്റ്റേഷന് സമീപം ടിപ്പു സുൽത്താൻ റോഡിൽ പൊലീസ് പിടികൂടിയ വാഹനത്തിന് സമീപം ടാറിങ് ചെയ്യാത്ത നിലയിൽ
വാടാനപ്പള്ളി: വാടാനപ്പള്ളി പൊലീസ് കിഴക്കേ ടിപ്പുസുൽത്താൻ റോഡരികിൽ പിടിച്ചിട്ടിരിക്കുന്ന വാഹനങ്ങൾ റോഡ് ടാറിങ് പൂർത്തിയാക്കുന്നതിന് തടസ്സമാകുന്നു. അനധികൃതമായി മണൽ വാരി പോയതിന് പിടികൂടിയ ഗുഡ്സ് ഓട്ടോറിക്ഷകളും ലോറികളുമാണ് പിടിച്ചിട്ടിരിക്കുന്നത്. പൊലീസ് സ്റ്റേഷന് മുന്നിലെ വീതി കുറഞ്ഞ റോഡരികിലാണ് ഇവ നിർത്തിയിരിക്കുന്നത്.
കഴിഞ്ഞദിവസം റോഡ് ടാർ ചെയ്തെങ്കിലും വാഹനങ്ങൾ കിടക്കുന്നിടത്ത് ടാർ ചെയ്യാൻ കഴിഞ്ഞില്ല. വീതി കുറഞ്ഞ റോഡിൽ വാഹനങ്ങളുടെ കിടപ്പ് കാരണം രണ്ട് വാഹനങ്ങൾക്ക് കടന്നുപോകാൻ പ്രയാസമാണ്. കാൽനടക്കാർക്കും ഇത് തടസ്സമാണ്. ഹൈവേയിൽ ഗതാഗതം തടസ്സപ്പെടുമ്പോൾ വാഹനങ്ങൾ തിരിച്ചുവിടുന്ന റോഡാണിത്. അപ്പോൾ കുരുക്ക് രൂക്ഷമാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.