തിരുവനന്തപുരം: വിഴിഞ്ഞം അന്താരാഷ്ട്ര തുറമുഖ നിർമാണം നിർത്തിവെച്ച് പഠനം നത്തണമെന്നും ഭവനരഹിതരായ മത്സ്യത്തൊഴിലാളിക്ക് അർഹമായ നഷ്ടപരിഹാരം നൽകി പുനരധിവാസം ഉറപ്പാക്കണമെന്നും ആവശ്യപ്പെട്ട് ശംഖുംമുഖത്ത് അനിശ്ചിതകാല സത്യഗ്രഹം ആരംഭിച്ചു. രാഷ്ട്രീയ കിസാൻ മഹാസംഘ് ദേശീയ വൈസ് ചെയർമാൻ അഡ്വ. ജോൺ ജോസഫ് ഉദ്ഘാടനം ചെയ്തു. കേരളത്തിന് മുഴുവൻ വിനാശം വിതക്കുന്ന പദ്ധതിയാണ് വിഴിഞ്ഞമെന്ന് അദ്ദേഹം പറഞ്ഞു. ഇനിയും അശാസ്ത്രീയ നിർമാണം തുടർന്നാൽ തിരുവനന്തപുരം തീരം ഇല്ലാതാകുമെന്നതിന്‍റെ സൂചനയാണ് ശംഖുംമുഖം തരുന്ന പാഠമെന്നും അദ്ദേഹം അഭിപ്രായപ്പെട്ടു. സ്വതന്ത്ര മത്സ്യത്തൊഴിലാളി ഫെഡറേഷൻ സംസ്ഥാന പ്രസിഡൻറ് ജാക്സൺ പൊള്ളിൽ അധ്യക്ഷത വഹിച്ചു. ആേൻറാ ഏലിയാസ്, ഡോ. റ്റിറ്റോ ഡിക്രൂസ്, വലേരിയൻ ഐസക്ക്, സിസ്റ്റർ മേഴ്സി മാത്യു, സിറ്റാദാസൻ എന്നിവർ സംസാരിച്ചു. രാഷ്ട്രീയ കിസാൻ മഹാസംഘ് സംസ്ഥാന ചെയർമാൻ അഡ്വ. വിനോയി തോമസ്, സ്വതന്ത്ര മത്സ്യത്തൊഴിലാളി ഫെഡറേഷൻ ജില്ല സെക്രട്ടറി ജനറ്റ് ക്ലീറ്റസ്, സേവാ യൂനിയൻ കൺവീനർ സബിയ സഞ്ചമിൻ എന്നിവരാണ് ആദ്യദിനം സത്യഗ്രഹം നടത്തിയത്. ഓരോ ദിവസവും സംസ്ഥാനത്തിന്‍റെ വിവിധ ഭാഗങ്ങളിൽനിന്ന് മത്സ്യത്തൊഴിലാളികളും മറ്റ് സംഘടനാ ഭാരവാഹികളും സത്യഗ്രഹം നടത്തുമെന്ന് സംഘാടകർ അറിയിച്ചു. പടം ക്യാപ്ഷഷൻ: 1654501068896-1 വിഴിഞ്ഞം തുറമുഖ പദ്ധതി ഉപേക്ഷിക്കണമെന്നാവശ്യപ്പെട്ട് മത്സ്യത്തൊഴിലാളി-കർഷക സംയുക്ത സമരസമിതി ആരംഭിച്ച അനിശ്ചിതകാല സത്യഗ്രഹത്തിന്‍റെ ഉദ്ഘാടനം അഡ്വ. ജോൺ ജോസഫ് നിർവഹിക്കുന്നു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.