അടി മൂത്ത്​ എൽ.ജെ.ഡി: വിമത പക്ഷത്തിനെതിരെ ശ്രേയാംസ്​ പക്ഷം

സ്വന്തംലേഖകൻ തിരുവനന്തപുരം: സംസ്ഥാന കമ്മിറ്റി ഒാഫിസി​ൻെറ നിയന്ത്രണം പിടിച്ചെടുത്തതിന്​ പിന്നാലെ വിമതർ​െക്കതിരെ നടപടിക്കു​ മുതിർന്ന്​ എൽ.ജെ.ഡിയിലെ ശ്രേയാംസ്​ കുമാർ വിഭാഗം. സംസ്ഥാന പ്രസിഡൻറായ എം.വി. ശ്രേയാംസ്​ കുമാറിനെ നീക്കണമെന്നാവശ്യപ്പെട്ട്​ ദേശീയ​േനതൃത്വത്തെ സമീപിച്ച ദേശീയ ജനറൽ സെക്രട്ടറി വർഗീസ്​ ജോർജ്​ വിഭാഗത്തിലെ പ്രധാനിയായ സംസ്ഥാന ജനറൽ സെക്രട്ടറി ഷെയ്​ഖ്​​ പി. ഹാരീസി​ൻെറ നേതൃത്വത്തിലുളളവർ​െക്കതിരെ നടപടിക്കാണ്​ നീക്കം. ഇതോടെ ​െഎ.എൻ.എല്ലിലെ ആഭ്യന്തര കലഹത്തെ കവച്ചു​വെച്ച്​ എൽ.ജെ.ഡിയിലെ ഗ്രൂപ്​ അടി എൽ.ഡി.എഫി​ൻെറ കെട്ടുറപ്പിനെതന്നെ ബാധിക്കുന്ന തരത്തിലേക്ക്​ നീങ്ങുകയാണ്​. ശ്രേയാംസ് കുമാറിനെ നീക്കം ചെയ്യാൻ പരസ്യമായി പ്രതികരിച്ചവർക്കെതിരെ അച്ചടക്ക നടപടിയെടുക്കണമെന്ന ആവശ്യമാണ്​ ഒൗദ്യോഗിക വിഭാഗത്തെ പിന്തുണക്കുന്നവർ ഉയർത്തുന്നത്​. പാർട്ടി ഭാരവാഹിത്വം ഒഴിയു​െന്നന്ന്​ പ്രഖ്യാപിച്ച ഷെയ്​ഖ്​​ ​ പി. ഹാരീസ്​ അടക്കമുള്ളവർ തീരുമാനത്തിൽനിന്ന്​ പിൻവാങ്ങി തങ്ങളെ മാറ്റരുതെന്ന്​ ആവശ്യപ്പെട്ടിരു​െന്നന്ന്​ ഒൗദ്യോഗിക പക്ഷം ചൂണ്ടിക്കാട്ടുന്നു. രാജി നീക്കം പാളിയപ്പോഴാണ്​ വിമതപക്ഷം സംസ്ഥാന പ്രസിഡൻറി​ൻെറ രാജി ആവശ്യപ്പെട്ട്​ ദേശീയ നേതൃത്വത്തെ സമീപിച്ചതെന്നുമാണ്​ ആക്ഷേപം. ദേശീയനേതൃത്വം വഴങ്ങാത്തതിനെ തുടർന്ന്​ വയനാട്, കോഴിക്കോട്, മലപ്പുറം ജില്ലകളിൽ ഷെയ്​ഖ്​​ പി. ഹാരിസ്, പനവൂർ നാസർ, സബാഹ് പുൽപറ്റ എന്നിവരുടെ നേതൃത്വത്തിൽ ഗ്രൂപ് യോഗങ്ങൾ നടത്തിയെന്നും ശ്രേയാംസ്​ പക്ഷം പറയുന്നു. ശ്രേയംസ്​കുമാറി​ന്​ എതിരെ മലപ്പുറം ജില്ലാ പ്രസിഡൻറി​േൻറതായ വാട്​സ്​ആപ്​ സന്ദേശം പുറത്തുവന്നതും വിമത പക്ഷത്തിന്​ തിരിച്ചടിയായെന്ന കണക്കു കൂട്ടലിലാണ്​ ഒൗദ്യോഗിക നേതൃത്വം. വിമതർ ജെ.ഡി.എസ് നേതാക്കളുമായി ചർച്ച നടത്തി വരുകയാണെന്നും പറയുന്നു. മലപ്പുറം, ആലപ്പുഴ ജില്ല പ്രസിഡൻറുമാരും മൂന്ന് ഭാരവാഹികളും ഒഴികെ മുഴുവൻ നേതാക്കളും സംസ്ഥാന പ്രസിഡൻറിന് പിന്തുണയറിയിച്ചിട്ടുണ്ട്​. പാർട്ടിയുടെ ഏക എം.എൽ.എ കെ.പി. മോഹ​ന​ൻെറ നിലപാടാണ്​ നിർണായകം. അതിനിടെ സംസ്ഥാന പ്രസിഡൻറ്​ അറിയാതെ കിസാൻ ജനതാ പ്രസിഡൻറിനെ അതി​ൻെറ ചുമതലയുള്ള വി. സുരേന്ദ്രൻ പിള്ള പ്രഖ്യാപിച്ചതും ഒൗദ്യോഗിക പക്ഷം ആയുധമാക്കുകയാണ്​. വിമത വിഭാഗത്തോടൊപ്പമുള്ള അദ്ദേഹത്തി​െനതിരെ നടപടിയെടുക്കണമെന്ന ആവശ്യവും ശക്തമാണ്.