മുതലപ്പൊഴി: ടേക്ക് എ ബ്രേക്ക് കെട്ടിടം കാടുകയറി നശിക്കുന്നു

ആ​റ്റി​ങ്ങ​ൽ: മു​ത​ല​പ്പൊ​ഴി​യി​ൽ നി​ർ​മാ​ണം ആ​രം​ഭി​ച്ച ടേ​ക്ക് എ ​ബ്രേ​ക്ക് കെ​ട്ടി​ടം കാ​ടു​ക​യ​റി ന​ശി​ക്കു​ന്നു. ഉ​ന്ന​ത നി​ല​വാ​ര​മു​ള്ള പൊ​തു ശു​ചി​മു​റി സ​മു​ച്ച​യ​ങ്ങ​ൾ ജ​ന​ങ്ങ​ൾ​ക്ക് ല​ഭ്യ​മാ​ക്കു​ന്ന എ​ന്ന ല​ക്ഷ്യ​ത്തോ​ടെ ന​ട​പ്പാ​ക്കി​യ ടേ​ക്ക്‌ എ ​ബ്രേ​ക്ക്‌ പ​ദ്ധ​തി​പ്ര​കാ​രം നി​ർ​മാ​ണം ആ​രം​ഭി​ച്ച മു​ത​ല​പ്പൊ​ഴി​യി​ലെ ശൗ​ചാ​ല​യ കെ​ട്ടി​ട​മാ​ണ് വ​ർ​ഷ​ങ്ങ​ൾ ക​ഴി​യു​മ്പോ​ഴും പ്ര​വൃ​ത്തി​ക​ൾ പൂ​ർ​ണ​മാ​കാ​ത്ത അ​വ​സ്ഥ​യി​ൽ കാ​ടു​ക​യ​റി ന​ശി​ക്കു​ന്ന​ത്.

കെ​ട്ടി​ട​ത്തി​ന്റെ ഉ​ദ്​​ഘാ​ട​നം സ​ർ​ക്കാ​റി​ന്റെ നൂ​റു​ദി​ന ക​ർ​മ​പ​രി​പാ​ടി​യു​ടെ ഭാ​ഗ​മാ​യി ന​ട​ത്താ​നാ​യി​രു​ന്നു പ​ദ്ധ​തി. അ​തി​നു​ശേ​ഷം പ​ല​ത​വ​ണ നൂ​റു​ദി​ന പ​ദ്ധ​തി​ക​ൾ വ​ന്നെ​ങ്കി​ലും മു​ത​ല​പ്പൊ​ഴി​യി​ലെ ടേ​ക്ക് എ ​ബ്രേ​ക്ക് മാ​ത്രം അ​നി​ശ്ചി​ത​ത്വ​ത്തി​ലാ​യി.

ക​രാ​റു​കാ​ർ​ക്ക് കൃ​ത്യ​മാ​യ ഇ​ട​വേ​ള​ക​ളി​ൽ ഫ​ണ്ട്‌ അ​നു​വ​ദി​ക്കാ​ൻ ക​ഴി​യാ​തെ​പോ​യ​തോ​ടെ​യാ​ണ്​ ആ​ദ്യം നി​ശ്ച​യി​ക്ക​പ്പെ​ട്ട എ​സ്റ്റി​മേ​റ്റ് തു​ക​യി​ൽ പ​ദ്ധ​തി പൂ​ർ​ത്തീ​ക​രി​ക്കാ​നാ​വാ​തെ​പോ​യ​ത്. ഇ​നി അ​വ​ശേ​ഷി​ക്കു​ന്ന​ത് കെ​ട്ടി​ട​ത്തി​നു​ള്ളി​ലെ ഏ​താ​നും ചി​ല ഫി​നി​ഷി​ങ് ജോ​ലി​ക​ളും ചു​റ്റു​മ​തി​ൽ നി​ർ​മാ​ണ​വു​മാ​ണ്.

ഏ​തു​സ​മ​യ​ത്തും സ്ത്രീ​ക​ൾ​ക്കും കു​ട്ടി​ക​ൾ​ക്കു​മു​ൾ​പ്പെ​ടെ സു​ര​ക്ഷി​ത​മാ​യും ആ​ധു​നി​ക സൗ​ക​ര്യ​ങ്ങ​ളോ​ടെ​യും ഉ​പ​യോ​ഗി​ക്കാ​വു​ന്ന ശു​ചി​മു​റി​ക​ളാ​ണ്‌ മു​ത​ല​പ്പൊ​ഴി​യി​ൽ എ​ത്തു​ന്ന സ​ഞ്ചാ​രി​ക​ൾ​ക്കാ​യ് ഒ​രു​ക്കാ​ൻ പ​ദ്ധ​തി​യി​ട്ടി​രു​ന്ന​ത്.

നി​ല​വി​ൽ മു​ത​ല​പ്പൊ​ഴി​യി​ലെ​ത്തു​ന്ന സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടു​ന്ന നൂ​റു​ക​ണ​ക്കി​ന് സ​ഞ്ചാ​രി​ക​ൾ ഇ​വി​ടെ ശൗ​ചാ​ല​യ​മി​ല്ലാ​ത്ത​തി​നെ തു​ട​ർ​ന്ന് വ​ള​രെ​യേ​റെ ദു​രി​ത​ത്തി​ലാ​ണ്. എ​ത്ര​യും വേ​ഗം കെ​ട്ടി​ട​ത്തി​ന്റെ പ​ണി​ക​ൾ പൂ​ർ​ത്തി​യാ​ക്കി സ​ഞ്ചാ​രി​ക​ൾ​ക്കാ​യി തു​റ​ന്നു​കൊ​ടു​ക്കാ​ൻ ബ​ന്ധ​പ്പെ​ട്ട​വ​ർ ത​യാ​റാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.