മാലിന്യനീക്കം വൈകുന്നു, റോഡുകൾ തെരുവുനായ്ക്കളുടെ പിടിയിൽ

ആ​റ്റി​ങ്ങ​ൽ: മാ​ലി​ന്യ​നീ​ക്കം വൈ​കു​ന്നു, റോ​ഡു​ക​ൾ തെ​രു​വ് നാ​യ്ക്ക​ൾ കൈ​യ​ട​ക്കു​ന്നു. ക​ട​യ്ക്കാ​വൂ​ർ ഗ്രാ​മ​പ​ഞ്ചാ​യ​ത്ത് ഹ​രി​ത​ക​ർ​മ​സേ​ന വ​ഴി വീ​ടു​ക​ളി​ൽ​നി​ന്ന്​ സം​ഭ​രി​ക്കു​ന്ന മാ​ലി​ന്യ​മാ​ണ് യ​ഥാ​സ​മ​യം സം​ഭ​ര​ണ​കേ​ന്ദ്ര​ങ്ങ​ളി​ൽ എ​ത്തി​ക്കാ​തെ ചാ​ക്കു​ക​ളി​ലാ​ക്കി മാ​സ​ങ്ങ​ളോ​ളം വാ​ഹ​ന​ഗ​താ​ഗ​ത​മു​ള്ള പാ​ത​യോ​ര​ങ്ങ​ളി​ൽ വെ​ക്കു​ന്ന​ത്.

പ​ല ഭാ​ഗ​ത്തും ഇ​ത് തെ​രു​വു​നാ​യ്ക്ക​ൾ ക​ടി​ച്ചു​വ​ലി​ച്ച് പ്ര​ദേ​ശ​മാ​കെ വ്യാ​പി​പ്പി​ക്കും. ചി​രി​മൂ​ല കൊ​ള്ള​ഴി​കം റോ​ഡി​ന്റെ ഇ​രു​വ​ശ​ങ്ങ​ളി​ൽ ഇ​ത്ത​ര​ത്തി​ൽ മാ​ലി​ന്യ​ചാ​ക്കു​ക​ൾ അ​ട്ടി​െ​വ​ച്ചി​രി​ക്കു​ന്ന​ത് വാ​ഹ​ന​ഗ​താ​ഗ​ത​ത്തി​ന് ത​ട​സ്സ​മാ​കു​ന്ന​തി​നൊ​പ്പം തെ​രു​വു​നാ​യ്ക്ക​ൾ ത​മ്പ​ടി​ക്കു​ന്ന​തി​നും കാ​ര​ണ​മാ​കു​ന്നു. ഇ​വി​ടെ നാ​യ്ക്ക​ളെ​യി​ടി​ച്ച്​ ഒ​ട്ട​ന​വ​ധി ഇ​രു​ച​ക്ര​വാ​ഹ​നാ​പ​ക​ട​ങ്ങ​ളും ഉ​ണ്ടാ​യി.

പ്ര​ദേ​ശ​ത്ത് തെ​രു​വു​നാ​യ്ക്ക​ൾ സ്കൂ​ൾ വി​ദ്യാ​ർ​ഥി​ക​ൾ​ക്കും വ​ള​ർ​ത്തു​മൃ​ഗ​ങ്ങ​ൾ​ക്കും ഭീ​ഷ​ണി​യാ​യി. വി​ഷ​യ​ത്തി​ൽ ബ​ന്ധ​പ്പെ​ട്ട അ​ധി​കൃ​ത​ർ അ​ടി​യ​ന്ത​ര​മാ​യി ന​ട​പ​ടി സ്വീ​ക​രി​ക്ക​ണ​മെ​ന്ന് കേ​ര​ള സ്റ്റേ​റ്റ് ക​യ​ർ തൊ​ഴി​ലാ​ളി ഫെ​ഡ​റേ​ഷ​ൻ ഐ.​എ​ൻ.​ടി.​യു.​സി ജി​ല്ല വൈ​സ്​ പ്ര​സി​ഡ​ന്റ് ക​ട​യ്ക്കാ​വൂ​ർ അ​ശോ​ക​ൻ ആ​വ​ശ്യ​പ്പെ​ട്ടു.