കുടിവെള്ള ക്ഷാമം: മെല്ലെപ്പോക്കിൽ ജല​അതോറിറ്റി, ഇടപെടാതെ നഗരസഭ

തി​രു​വ​ന​ന്ത​പു​രം: ന​ഗ​ര​ത്തി​ലെ വി​വി​ധ ഭാ​ഗ​ങ്ങ​ളി​ൽ കു​ടി​വെ​ള്ള വി​ത​ര​ണ​ത്തി​ൽ നി​ല​നി​ൽ​ക്കു​ന്ന പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ ജ​ല അ​തോ​റി​റ്റി മെ​ല്ലെ​പ്പോ​ക്ക്​ തു​ട​രു​മ്പോ​ൾ ന​ഗ​ര​സ​ഭ​യു​ടെ ഇ​ട​പെ​ട​ൽ കാ​ര്യ​ക്ഷ​മ​മ​ല്ല. 100 വാ​ർ​ഡു​ക​ളു​ള്ള വി​ശാ​ല​മാ​യ ന​ഗ​ര​ത്തി​ൽ ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള​ത്​ ഒ​രു ടാ​ങ്ക​ർ മാ​ത്ര​മാ​ണ്. ജ​ല​വി​ത​ര​ണം മു​ട​ങ്ങു​ന്ന ഘ​ട്ട​ങ്ങ​ളി​ൽ എ​ല്ലാ​യി​ട​ത്തും വെ​ള്ള​മെ​ത്തി​ക്കാ​ൻ ഈ ​വാ​ഹ​നം മ​തി​യാ​വി​ല്ല. കൂ​ടു​ത​ൽ സ്ഥ​ല​ങ്ങ​ളി​ൽ വെ​ള്ള​മെ​ത്തി​ക്കേ​ണ്ടി​വ​ന്നാ​ൽ വാ​ട​ക വാ​ഹ​ന​ങ്ങ​ളെ ആ​ശ്ര​യി​ക്ക​ണം.

ന​ഗ​ര​ത്തി​ൽ ജ​ല അ​തോ​റി​റ്റി​യു​ടെ ശു​ദ്ധ​ജ​ല വി​ത​ര​ണം സം​ബ​ന്ധി​ച്ച്​ തു​ട​ർ​ച്ച​യാ​യി പ​രാ​തി​ക​ൾ ഉ​യ​രു​ന്ന സാ​ഹ​ച​ര്യ​ത്തി​ൽ പ്ര​ശ്​​ന പ​രി​ഹാ​ര​ത്തി​ന്​ ന​ഗ​ര​സ​ഭ അ​ടി​യ​ന്ത​ര ഇ​ട​പെ​ട​ൽ ന​ട​ത്ത​ണ​മെ​ന്ന ആ​വ​ശ്യ​വും ശ​ക്​​ത​മാ​ണ്. ജ​ല​വി​ത​ര​ണ​​മേ​ഖ​ല​യി​ലെ ​​പ്ര​ശ്​​ന​ങ്ങ​ൾ പ​രി​ഹ​രി​ക്കാ​ൻ ജ​ല​അ​തോ​റി​റ്റി ഉ​ദ്യോ​ഗ​സ്ഥ​രു​ടെ യോ​ഗം വി​ളി​ക്കാ​ൻ ന​ഗ​ര​സ​ഭ ത​യാ​റാ​ക​ണ​മെ​ന്ന നി​ർ​ദേ​ശം കൗ​ൺ​സി​ല​ർ​മാ​ർ ത​ന്നെ മു​ന്നോ​ട്ടു​വ​ക്കു​ന്നു​ണ്ടെ​ങ്കി​ലും ഭ​ര​ണ ​നേ​തൃ​ത്വം താ​ൽ​പ​ര്യം കാ​ട്ടു​ന്നി​ല്ല. സ്വ​കാ​ര്യ ടാ​ങ്ക​റു​ക​ളി​ൽ ജ​ല​വി​ത​ര​ണം ന​ട​ക്കു​ണ്ടെ​ങ്കി​ലും അ​മി​ത വി​ല ഇൗ​ടാ​ക്കു​ന്നു​​വെ​ന്ന്​ പ​രാ​തി​യു​ണ്ട്.

പൈ​പ്പ്​ വെ​ള്ള​ത്തെ​മാ​ത്രം ആ​ശ്ര​യി​ക്കു​ന്ന​വ​രാ​ണ്​ ന​ഗ​ര​വാ​സി​ക​ളി​ൽ ഭൂ​രി​പ​ക്ഷ​വും. സ്​​മാ​ർ​ട്​​സി​റ്റി പ​ദ്ധ​തി​യു​ടെ ഭാ​ഗ​മാ​യ നി​ർ​മാ​ണ​പ്ര​വ​ർ​ത്ത​ന​ങ്ങ​ളാ​ണ്​ ജ​ല​വി​ത​ര​ണ​ത്തി​ലെ പ​ല​വി​ധ ​പ്ര​ശ്ന​ങ്ങ​ൾ​ക്കും കാ​ര​ണ​മെ​ന്നാ​ണ്​ ജ​ല അ​തോ​റി​റ്റി അ​ധി​കൃ​ത​രു​ടെ വി​ശ​ദീ​ക​ര​ണം. ത​ക​രാ​റു​ക​ൾ ക​ഴി​യു​ന്ന​ത്ര വേ​ഗ​ത്തി​ൽ പ​രി​ഹ​രി​ച്ച്​ ജ​ല​വി​ത​ര​ണം പു​ന​രാ​രം​ഭി​ക്കു​ന്നു​ണ്ടെ​ന്നും ഉ​ദ്യോ​ഗ​സ്ഥ​ർ വി​ശ​ദീ​ക​രി​ക്കു​ന്നു. എ​ന്നാ​ൽ ത​ക​രാ​റു​ക​ൾ പ​രി​ഹ​രി​ച്ച്​ ഉ​ദ്യോ​ഗ​സ്ഥ​ർ മ​ട​ങ്ങി​യാ​ലും ടാ​പ്പി​ൽ ​വെ​ള​ള​മെ​ത്ത​ണ​ങ്കി​ൽ ദി​വ​സ​ങ്ങ​ൾ കാ​ത്തി​രി​ക്കേ​ണ്ട സ്ഥി​യി​യാ​ണു​ള്ള​തെ​ന്ന പ​രാ​തി വ്യാ​പ​ക​മാ​ണ്.