തിരുവനന്തപുരത്ത് നാലാഞ്ചിറ സർവോദയ സ്കൂളിൽനിന്ന് പോളിങ് സാമഗ്രികൾ കൈപ്പറ്റിയ ഉദ്യോഗസ്ഥർ വോട്ടുയന്ത്രങ്ങൾ പ്രവർത്തിക്കുന്നുണ്ടോയെന്ന് പരിശോധിക്കുന്നു
തിരുവനന്തപുരം: വോട്ടെടുപ്പ് പൂർത്തിയാക്കിയ ശേഷം ഇല്ക്ട്രോണിക് വോട്ടുയന്ത്രങ്ങൾ ചൊവ്വാഴ്ച തന്നെ വോട്ടെണ്ണൽ കേന്ദ്രങ്ങളിലെത്തിക്കും. ഇവിടത്തെ സ്ട്രോങ് റൂമിൽ അതി സുരക്ഷയോടെയാകും വോട്ടെണ്ണൽ ദിനം വരെ ഇവ സൂക്ഷിക്കുക. പാറശ്ശാല ബ്ലോക്കിലെ വോട്ടെണ്ണൽ നടക്കുന്നത് പാറശ്ശാല ഗവൺമെൻറ് ഹയർ സെക്കൻഡറി സ്‌കൂളിലാണ്. പെരുങ്കടവിള ബ്ലോക്കിേൻറത് മാരായമുട്ടം ഗവൺമെൻറ് ഹയർ സെക്കൻഡറി സ്‌കൂളിലും അതിയന്നൂർ ബ്ലോക്കിേൻറത് നെല്ലിമൂട് ന്യൂ എച്ച്.എസ്.എസിലും പോത്തൻകോട് ബ്ലോക്കിേൻറത് കഴക്കൂട്ടം ഗവൺമെൻറ് ഹയർ സെക്കൻഡറി സ്‌കൂളിലും നടക്കും.
മാറനല്ലൂർ ഡി.വി.എം.എൻ.എൻ.എം ഹയർ സെക്കൻഡറി സ്‌കൂളിലാണ് നേമം ബ്ലോക്കിെൻറ വോട്ടെണ്ണൽ. വെള്ളനാട് ബ്ലോക്കിലെ വോട്ടെണ്ണൽ വെള്ളനാട് ജി. കാർത്തികേയൻ സ്മാരക ഗവൺമെൻറ് വൊക്കേഷനൽ ആൻഡ് ഹയർ സെക്കൻഡറി സ്‌കൂളിലും വർക്കല ബ്ലോക്കിലേത് വർക്കല ശിവഗിരി എസ്.എൻ. കോളജിലും ചിറയിൻകീഴ് ബ്ലോക്കിേൻറത് ആറ്റിങ്ങൽ ഗവൺമെൻറ് മോഡൽ ബോയ്‌സ് ഹയർ സെക്കൻഡറി സ്‌കൂളിലും നടക്കും.
കിളിമാനൂർ എച്ച്.എസ്.എസിൽ കിളിമാനൂർ ബ്ലോക്ക് പരിധിയിലുള്ള തദ്ദേശ സ്ഥാപനങ്ങളുടെ വോട്ടെണ്ണൽ നടക്കും. വാമനപുരം ബ്ലോക്കിലെ വോട്ടെണ്ണൽ വെഞ്ഞാറമൂട് ഗവൺമെൻറ് ഹയർ സെക്കൻഡറി സ്‌കൂളിലും നെടുമങ്ങാട് ബ്ലോക്കിലേത് നെടുമങ്ങാട് ഗവൺമെൻറ് ഹയർ സെക്കൻഡറി സ്‌കൂളിലുമാണ് നിശ്ചയിച്ചിട്ടുള്ളത്.
തിരുവനന്തപുരം കോർപറേഷനിലെ മുഴുവൻ ഡിവിഷനുകളുടെയും വോട്ടെണ്ണൽ നാലാഞ്ചിറ മാർ ഇവാനിയോസ് നഗറിലെ സർവോദയ വിദ്യാലയ ഐ.സി.എസ്.ഇ സ്‌കൂളിലുമാണ് നടത്തുക. വർക്കല മുനിസിപ്പാലിറ്റിയിലെ വോട്ടെണ്ണൽ വർക്കല മുനിസിപ്പൽ ഓഫിസിലും നെയ്യാറ്റിൻകര മുനിസിപ്പാലിറ്റിയിലേത് നെയ്യാറ്റിൻകര ഗവൺമെൻറ് ബോയ്‌സ് ഹയർ സെക്കൻഡറി സ്‌കൂളിലും ആറ്റിങ്ങൽ മുനിസിപ്പാലിറ്റിയിലേത് ആറ്റിങ്ങൽ മുനിസിപ്പൽ ഓഫിസിലും നെടുമങ്ങാട് മുനിസിപ്പാലിറ്റിയിലേത് മഞ്ച ബി.എച്ച്.എസിലും നടക്കും. ഈ മാസം 16നാണ് വോട്ടെണ്ണൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.