സൗജന്യ യാത്രാസൗകര്യമൊരുക്കിയ ഓട്ടോ ഡ്രൈവർമാർക്ക് പെരുമാതുറ ഗവ. എൽ.പി.എസിലെ വിദ്യാർഥികൾ മധുരം വിതരണം ചെയ്യുന്നു
പെരുമാതുറ: വിദ്യാർഥികൾക്കായി സൗജന്യ ഓട്ടം നടത്തി ഓട്ടോ ഡ്രൈവർമാർ നാടിന് മാതൃകയാകുന്നു. പെരുമാതുറ ട്രാൻസ്ഫോർമർ ജങ്ഷനിലെ ഓട്ടോ ഡ്രൈവർമാരാണ് പെരുമാതുറ ഗവ. എൽ.പി.എസിലെ വിദ്യാർഥികൾക്കായി രാവിലെയും വൈകുന്നേരവും സൗജന്യ ഓട്ടം നടത്തി നാടിന്റെ ശ്രദ്ധാകേന്ദ്രമായത്.
കോവിഡ് കാല പ്രതിസന്ധി കഴിഞ്ഞ് സ്കൂൾ പൂർണസമയ പ്രവർത്തനം തുടങ്ങിയതോടെ കേടായ സ്കൂൾ ബസ് മറ്റൊരു പ്രതിസന്ധിയായി. യാത്രാ സൗകര്യമില്ലാതെ കുഞ്ഞുങ്ങളുടെ പഠനം മുടങ്ങുമെന്ന സ്ഥിതിയായപ്പോഴാണ് സെയിഫ് പെരുമാതുറ, അൻസർ എന്നിവരുടെ നേതൃത്വത്തിൽ ട്രാൻസ്ഫോമർ ജങ്ഷനിലെ ഓട്ടോ ഡ്രൈവർമാർ സഹായഹസ്തവുമായെത്തിയത്. കോവിഡ് കാരണം കടക്കെണിയും ദുരിതവുമൊക്കെയാണെങ്കിലും അതൊക്കെ മാറ്റിവെച്ചാണ് 27 ഓട്ടോകളും ഊഴമനുസരിച്ച് യാത്രാ സൗകര്യമൊരുക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.