ലക്ഷംവീട് കോളനിയിലെ വീടുകൾ തകർച്ച ഭീഷണിയിൽ

മാ​ള: പൊ​യ്യ പ​ഞ്ചാ​യ​ത്തി​ലെ മാ​ള പ​ള്ളി​പ്പു​റം പ​ടി​ഞ്ഞാ​റ​ൻ​മു​റി ര​ണ്ടാം വാ​ർ​ഡി​ൽ ല​ക്ഷം​വീ​ട് കോ​ള​നി​യി​ലെ വീ​ടു​ക​ൾ ത​ക​ർ​ച്ച ഭീ​ഷ​ണി​യി​ൽ. കു​റ്റി​പ്പു​ഴ​ക്കാ​ര​ൻ ന​ജീ​ബ്, കൊ​ടു​ങ്ങ​ല്ലൂ​ർ​ക്കാ​ര​ൻ മു​സ്ത​ഫ, കൈ​ത​ത്ത​റ ജെ​യിം​സ്, പ​ന​വ​ള​പ്പി​ൽ അ​ശ്റ​ഫ് എ​ന്നി​വ​രു​ടെ വീ​ടു​ക​ളാ​ണ് ഭീ​ഷ​ണി നേ​രി​ടു​ന്ന​ത്.

മു​സ്ത​ഫ നേ​ര​ത്തേ വീ​ട് ഒ​ഴി​ഞ്ഞു​പോ​യി. ഇ​തോ​ടെ മ​റു​ഭാ​ഗ​ത്ത്​ താ​മ​സി​ക്കു​ന്ന പ​ന​വ​ള​പ്പി​ൽ അ​ശ്റ​ഫ് ഒ​റ്റ​പ്പെ​ട്ടു. താ​മ​സ​മി​ല്ലാ​ത്ത വീ​ട് കൂ​ടു​ത​ൽ ത​ക​ർ​ച്ച നേ​രി​ടു​ക​യാ​ണ്. ല​ക്ഷം​വീ​ടു​ക​ൾ ഒ​റ്റ വീ​ടാ​ക്കു​ന്ന സ​ർ​ക്കാ​ർ പ​ദ്ധ​തി​യി​ൽ ഇ​വ​ ഉ​ൾ​പ്പെ​ടു​ത്തി​യി​ട്ടി​ല്ല. പു​ന​ർ​നി​ർ​മി​ക്കാ​ത്ത മേ​ൽ​ക്കൂ​ര വീ​ടു​ക​ൾ​ക്ക്​ വി​ന​യാ​ണ്. വി​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള കു​ടും​ബാം​ഗ​ങ്ങ​ളെ മാ​റ്റി​താ​മ​സി​പ്പി​ക്ക​ണ​മെ​ന്നാ​ണ് ആ​വ​ശ്യം.

ന​ജീ​ബി​ന്‍റെ വീ​ടി​ന്‍റെ ചു​മ​ർ മ​ഴ​വെ​ള്ളം വീ​ണ്​ കു​തി​ർ​ന്ന നി​ല​യി​ലാ​ണ്. ഉ​ൾ​വ​ശം താ​മ​സ​യോ​ഗ്യ​മ​ല്ല. നാ​ലം​ഗ കു​ടും​ബ​ത്തെ പു​ന​ര​ധി​വ​സി​പ്പി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. കോ​ള​നി​യി​ൽ നി​ല​വി​ലു​ള്ള അ​ഞ്ച് വീ​ടു​ക​ളി​ൽ ര​ണ്ടെ​ണ്ണ​മാ​ണ് പു​ന​ർ​നി​ർ​മാ​ണ​ത്തി​ന്​ അ​നു​മ​തി​യാ​യ​ത്. അ​തി​ന്‍റെ നി​ർ​മാ​ണം ന​ട​ക്കു​ന്നു​ണ്ട്. വ​ർ​ഷം​തോ​റും ര​ണ്ട് വീ​ട്​ പു​ന​ർ​നി​ർ​മി​ക്കു​ക എ​ന്ന​താ​ണ്​ ല​ക്ഷ്യ​മെ​ന്ന്​ വാ​ർ​ഡ് അം​ഗം വ​ർ​ഗീ​സ് കാ​ഞ്ഞൂ​ത​റ ‘മാ​ധ്യ​മ’​ത്തോ​ട് പ​റ​ഞ്ഞു.