ഡ്രൈവിങ് ലൈസന്‍സ്​; കാട്ടാക്കട താലൂക്കിൽ നീണ്ട കാത്തിരിപ്പ്

കാ​ട്ടാ​ക്ക​ട: കാ​ട്ടാ​ക്ക​ട താ​ലൂ​ക്ക് നി​വാ​സി​ക​ള്‍ക്ക് ഡ്രൈ​വി​ങ് ലൈ​സ​ന്‍സ് കി​ട്ട​ണ​മെ​ങ്കി​ല്‍ മാ​സ​ങ്ങ​ള്‍ കാ​ത്തി​രി​ക്ക​ണം. ലേ​ണേ​ഴ്സ് വി​ജ​യി​ച്ച് ഡ്രൈ​വി​ങ് പ​രി​ശീ​ല​നം പൂ​ര്‍ത്തി​യാ​ക്കി​യ നാ​ലാ​യി​ര​ത്തോ​ളം പേ​രാ​ണ് ഡ്രൈ​വി​ങ് ടെ​സ്റ്റി​നാ​യി കാ​ത്തി​രി​ക്കു​ന്ന​ത്. കാ​ട്ടാ​ക്ക​ട സ​ബ് റീ​ജ​ന​ല്‍ ട്രാ​ന്‍സ്പോ​ര്‍ട്ട് ഓ​ഫി​സി​ന്‍റെ കീ​ഴി​ല്‍ ആ​ഴ്ച​യി​ല്‍ മൂ​ന്ന് ദി​വ​സം മാ​ത്ര​മാ​ണ് ഡ്രൈ​വി​ങ് ടെ​സ്റ്റ് ന​ട​ത്തു​ന്ന​ത്. ജി​ല്ല​യി​ലെ മ​റ്റ് റീ​ജ​ന​ല്‍ ട്രാ​ന്‍സ്പോ​ര്‍ട്ട് ഓ​ഫി​സു​ക​ളി​ല്‍ അ​ഞ്ചും ആ​റും ദി​വ​സം ടെ​സ്റ്റ് ന​ട​ത്തു​മ്പോ​ഴാ​ണി​ത്.

പ്ല​സ് ടു ​പ​ഠ​നം ക​ഴി​ഞ്ഞ് വേ​ന​ല​വ​ധി​ക്കാ​ല​ത്ത്​ ലൈ​സ​ന്‍സി​നാ​യി ഡ്രൈ​വി​ങ് പ​രി​ശീ​ല​നം പൂ​ര്‍ത്തി​യാ​ക്കി​യ നി​ര​വ​ധി വി​ദ്യാ​ർ​ഥി​ക​ള്‍ക്ക് ലൈ​സ​ന്‍സ് നേ​ടാ​നാ​യി​ല്ല. ഗ​താ​ഗ​ത​വ​കു​പ്പി​ന്‍റെ അ​നാ​സ്ഥ​യാ​ണ്​ കാ​ര​ണം. ഇ​ത്ത​ര​ത്തി​ല്‍ നി​ര​വ​ധി​പേ​ര്‍ ഡ്രൈ​വി​ങ് ലൈ​സ​ന്‍സ് മോ​ഹം ഉ​പേ​ക്ഷി​ച്ച് ഉ​ന്ന​ത​വി​ദ്യാ​ഭ്യാ​സ​ത്തി​നു​വേ​ണ്ടി സം​സ്ഥാ​നം വി​ട്ടു​പോ​യി. വി​ദേ​ശ​ത്തേ​ക്കും സം​സ്ഥാ​നം​വി​ട്ടും പോ​കു​ന്ന​വ​രാ​ണ് ഏ​റെ ബു​ദ്ധി​മു​ട്ടു​ന്ന​ത്.

ജി​ല്ല​യി​ലെ മ​റ്റ് റീ​ജ​ന​ല്‍ ട്രാ​ന്‍സ്പോ​ര്‍ട്ട് ഓ​ഫി​സു​ക​ളി​ല്‍ ര​ണ്ടി​ലേ​റെ മോ​ട്ടോ​ര്‍ വെ​ഹി​ക്കി​ള്‍ ഇ​ന്‍സ്പെ​ക്ട​ർ​മാ​രു​ള്ള​പ്പോ​ള്‍ കാ​ട്ടാ​ക്ക​ട​യി​ലു​ള്ള​ത്​ ഒ​രാ​ള്‍ മാ​ത്രം. തി​ങ്ക​ള്‍, വ്യാ​ഴം, ശ​നി ദി​വ​സ​ങ്ങ​ളി​ല്‍ പൂ​വ​ച്ച​ല്‍ ഗ്രാ​മ​പ​ഞ്ചാ​യ​ത്തി​ലെ മു​ള​മൂ​ട് കു​റ​കോ​ണ​ത്തു​ള്ള ഗ്രൗ​ണ്ടി​ലാ​ണ് ദി​വ​സ​വും 40 പേ​ര്‍ക്കാ​യി ടെ​സ്റ്റ് ന​ട​ത്തു​ന്ന​ത്. പ്ര​തി​കൂ​ല കാ​ലാ​വ​സ്ഥ​യും പു​തി​യ പ​രി​ഷ്കാ​ര​ങ്ങ​ളും കാ​ര​ണം പ​കു​തി​യോ​ളം പേ​രേ വി​ജ​യി​ക്കു​ന്നു​ള്ളൂ. പ​രി​ശീ​ല​നം പൂ​ര്‍ത്തി​യാ​യ​വ​ര്‍ക്ക് എ​ല്ലാ​ദി​വ​സ​വും ഡ്രൈ​വി​ങ് ടെ​സ്റ്റ് ന​ട​ത്തി ഡ്രൈ​വി​ങ് ലൈ​സ​ന്‍സ് ന​ല്‍കു​ന്ന​തി​നും കാ​ട്ടാ​ക്ക​ട പ്ര​ദേ​ശ​ത്തെ റോ​ഡി​ലെ നി​യ​മ​ലം​ഘ​ന​ങ്ങ​ള്‍ ക​ണ്ടെ​ത്തു​ന്ന​തി​നും ആ​വ​ശ്യ​ത്തി​ന് ജീ​വ​ന​ക്കാ​രെ നി​യോ​ഗ​മി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി.