കഴക്കൂട്ടം: ടെക്നോപാർക്കിനടുത്ത് ഫ്ലാറ്റിൽ വൻ ലഹരി വേട്ട. ഹഷീഷ് ഓയിലും എം.ഡി.എം.എയും എക്സൈസ് സംഘം പിടിച്ചെടുത്തു. കുളത്തൂർ കല്ലിംഗൽ ഹരി നിവാസിൽ അരുൺ ദാസിനെ (35) അറസ്റ്റ് ചെയ്തു. സംഘത്തിലെ പ്രധാന പ്രതി അൻസിൽ എക്സൈസ് സംഘത്തെക്കണ്ട് ഓടി രക്ഷപ്പെട്ടു.
ലഹരിക്കടത്തിൽ കോഴിക്കോട് പിടിയിലായ പ്രതിയിൽനിന്ന് ലഭിച്ച വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് മാരക ലഹരിവസ്തുക്കൾ കണ്ടെടുത്തത്. നെതർലാൻഡ്സിൽനിന്നെത്തിച്ച പാർസലിലാണ് ലഹരി കടത്തിയത്. ഒരു മാസം ഒന്നിലേറെ തവണയാണ് പാർസൽ എത്തിച്ചിരുന്നത്. എട്ടുമാസമായി പാർസൽ വരുത്തുകയായിരുന്നു.
ടെക്നോപാർക്കിലും വിവിധ ഫ്ലാറ്റുകളിലും ചില്ലറ വിൽപന നടത്തിവരികയായിരുന്നു സംഘം. ലഹരിക്കടത്തും വിൽപനയും നടത്തുന്ന സംഘത്തിലെ മറ്റുള്ളവരെക്കുറിച്ച് അന്വേഷണം ആരംഭിച്ചതായി കഴക്കൂട്ടം എക്സൈസ് ഇൻസ്പെക്ടർ എ. മുഹമ്മദ് റാഫി പറഞ്ഞു.
അസിസ്റ്റന്റ് എക്സൈസ് ഇൻസ്പെക്ടർ ശ്യാംകുമാർ, പ്രിവന്റിവ് ഓഫിസർ ബി. സന്തോഷ് കുമാർ ദേവലാൽ, സി.ഇ.ഒമാരായ രാകേഷ്, റഹീം, ഹരികൃഷ്ണൻ, ഡ്രൈവർ കബിരാജ് എന്നിവരടങ്ങിയ സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.