കോട്ടാർ റെയിൽവേ സ്റ്റേഷൻ നവീകരണം: പ്രധാനമന്ത്രി നാളെ ഉദ്ഘാടനം ചെയ്യും

നാ​ഗ​ർ​കോ​വി​ൽ: അ​മൃ​ത് ഭാ​ര​ത് പ​ദ്ധ​തി​യി​ൽ ഉ​ൾ​പ്പെ​ടു​ത്തി​യ നാ​ഗ​ർ​കോ​വി​ൽ കോ​ട്ടാ​ർ ജ​ങ്ഷ​ൻ റെ​യി​ൽ​വേ സ്റ്റേ​ഷ​ൻ പു​ന​ർ​വി​ക​സ​ന​ത്തി​ന്റെ ഉ​ദ്ഘാ​ട​നം ഞാ​യ​റാ​ഴ്ച രാ​വി​ലെ 11ന് ​പ്ര​ധാ​ന​മ​ന്ത്രി ന​രേ​ന്ദ്ര മോ​ദി വി​ഡി​യോ കോ​ൺ​ഫ​റ​ൻ​സ് മു​ഖേ​ന നി​ർ​വ​ഹി​ക്കു​മെ​ന്ന് തി​രു​വ​ന​ന്ത​പു​രം ഡി.​ആ​ർ.​എം എ​സ്.​എം. ശ​ർ​മ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

ദേ​ശീ​യ​ത​ല​ത്തി​ൽ പു​ന​ർ​വി​ക​സ​നം ന​ട​ത്തു​ന്ന ദ​ക്ഷി​ണ റെ​യി​ൽ​വേ​യു​ടെ 25 സ്റ്റേ​ഷ​നു​ക​ളി​ൽ തി​രു​വ​ന​ന്ത​പു​രം ഡി​വി​ഷ​നി​ൽ നാ​ഗ​ർ​കോ​വി​ൽ ജ​ങ്ഷ​നാ​ണ് ഉ​ൾ​പ്പെ​ട്ടി​ട്ടു​ള്ള​ത്. ത​മി​ഴ്നാ​ട്ടി​ൽ 18, കേ​ര​ള​ത്തി​ൽ അ​ഞ്ച്, ക​ർ​ണാ​ട​ക​ത്തി​ലും പു​തു​ച്ചേ​രി​യി​ലും ഒ​ന്നു​വീ​തം സ്റ്റേ​ഷ​നു​ക​ൾ പു​ന​ർ​വി​ക​സ​ന​ത്തി​ൽ ഉ​ൾ​പ്പെ​ടും.

ഇ​തി​നാ​യി 600 കോ​ടി രൂ​പ​യാ​ണ് പ​ദ്ധ​തി ചെ​ല​വ്. ഓ​വ​ർ ബ്രി​ഡ്ജ്, ലി​ഫ്റ്റ്, എ​സ്ക​ലേ​റ്റ​ർ, പ​രി​സ​ര വി​പു​ലീ​ക​ര​ണം, പാ​ർ​ക്കി​ങ്​ തു​ട​ങ്ങി അ​ത്യാ​ധു​നി​ക സൗ​ക​ര്യ​ങ്ങ​ൾ ഇ​തി​ൽ ഉ​ൾ​പ്പെ​ടും. തി​രു​വ​ന​ന്ത​പു​രം-​ക​ന്യാ​കു​മാ​രി പാ​ത ഇ​ര​ട്ടി​പ്പി​ക്ക​ൽ 2024 ഡി​സം​ബ​റി​ൽ പൂ​ർ​ത്തി​യാ​കു​മെ​ന്നും അ​ദ്ദേ​ഹം പ​റ​ഞ്ഞു.