അമൽശിവൻ
തിരുവനന്തപുരം: എം.ഡി.എം.എയുമായി യുവാവ് എക്സൈസ്പിടിയിലായി എൻഫോഴ്‌സ്‌മെന്റ് ആൻഡ് ആന്റിനാർകോട്ടിക് സ്പെഷൽ സ്ക്വാഡ് സർക്കിൾ ഇൻസ്‌പെക്ടർ ബി.എൽ. ഷിബുവിന്റെ നേതൃത്വത്തിൽ നടത്തിയ രാത്രികാല പരിശോധനയിലാണ് കഴക്കൂട്ടം തമ്പുരാൻമുക്ക് ഭാഗത്തുനിന്ന് വിൽപനക്കായി കടത്തിക്കൊണ്ടുവന്ന 1.13 ഗ്രാം എം.ഡി.എം.എയുമായി കഴക്കൂട്ടം മൺവിള സ്വദേശി ജോമോൻ എന്ന അമൽശിവനെ (28) പിടികൂടിയത്. ഈ പ്രദേശത്തെ മയക്കുമരുന്ന് റാക്കറ്റിലെ പ്രമുഖനാണ് പിടിയിലായ അമൽ ശിവനെന്ന് അധികൃതർ അറിയിച്ചു.
കഴക്കൂട്ടത്തെ ടെക്കികളും സമീപ പ്രദേശത്തെ ചെറുപ്പക്കാരും വിദ്യാർഥികളും ഈയാളുടെ ഇരകളാണ്. പ്രതിയെ പിടികൂടിയ സംഘത്തിൽ സർക്കിൾ ഇൻസ്‌പെക്ടർ ബി.എൽ. ഷിബുവിനൊപ്പം പ്രിവന്റിവ് ഓഫിസർ സന്തോഷ്‌ കുമാർ, സിവിൽ എക്‌സൈസ് ഓഫിസർമാരായ വിപിൻ, സുരേഷ് ബാബു, ആരോമൽ രാജൻ, രതീഷ് മോഹൻ, ഡ്രൈവർ അനിൽ കുമാർ എന്നിവരുമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.