ബാലരാമപുരത്തെ ദേശീയപാത വികസനം: വട്ടംകറക്കി അധികൃതർ

ബാ​ല​രാ​മ​പു​രം: ബാ​ല​രാ​മ​പു​ര​ത്തെ ദേ​ശീ​യ​പാ​ത വി​ക​സ​ന​ത്തി​ന് കൃ​ത്യ​മാ​യ തീ​രു​മാ​ന​മി​ല്ലാ​തെ അ​ധി​കൃ​ർ ജ​ന​ങ്ങ​ളെ വ​ട്ടം​ക​റ​ക്കു​ന്ന​തി​നെ​തി​രെ വി​വി​ധ മേ​ഖ​ല​ക​ളി​ൽ​നി​ന്നു വി​മ​ർ​ശ​ന​മു​യ​രു​ന്നു. ര​ണ്ടു വ​ർ​ഷ​ത്തി​നി​ടെ നി​ര​വ​ധി ത​വ​ണ​യാ​ണ് ബാ​ല​രാ​മ​പു​രം ജ​ങ്​​ഷ​ന്‍റെ വി​ക​സ​ന​ത്തി​നു​ള്ള ന​ട​പ​ടി മാ​റി​മ​റി​യു​ന്ന​ത്. ആ​ദ്യ​ഘ​ട്ട​ത്തി​ൽ നാ​ലു​വ​രി​പ്പാ​ത​യെ​ന്ന ത​ര​ത്തി​ലാ​യി​രു​ന്നു തീ​രു​മാ​ന​മാ​യി​രു​ന്ന​തെ​ങ്കി​ൽ അ​ടു​ത്ത ഘ​ട്ട​ത്തി​ൽ അ​ടി​പ്പാ​ത എ​ന്നാ​യി.

എ​ന്നാ​ൽ, ക​ഴി​ഞ്ഞ ദി​വ​സം മ​ന്ത്രി പി.​എ. മു​ഹ​മ്മ​ദ് റി​യാ​സി​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന സം​സ്ഥാ​ന കി​ഫ്ബി പ്ര​വൃ​ത്തി​ക​ളു​ടെ അ​വ​ലോ​ക​ന യോ​ഗ​ത്തി​ൽ അ​ടി​പ്പാ​ത​ക്ക് പ​ക​രം നാ​ലു​വ​രി​പ്പാ​ത നി​ർ​മി​ക്ക​ണ​മെ​ന്ന് കി​ഫ്ബി അ​ധി​കൃ​ത​ർ അ​റി​യി​ച്ച​ത്. കി​ഫ്ബി പ​ദ്ധ​തി​യി​ലാ​ണ് ക​ര​മ​ന ക​ളി​യി​ക്കാ​വി​ള ദേ​ശീ​യ​പാ​ത വി​ക​സ​ന​വും ന​ട​പ്പി​ലാ​ക്കു​ന്ന​ത്. കൃ​ത്യ​മാ​യ തീ​രു​മാ​ന​മി​ല്ലാ​തെ​യു​ള്ള വി​ക​സ​നം വീ​ണ്ടും വ​ർ​ഷ​ങ്ങ​ളോ​ളം നീ​ളു​മോ എ​ന്ന ആ​ശ​ങ്ക​യി​ലാ​ണ് ജ​ന​ങ്ങ​ളും.

ക​ര​മ​ന - ക​ളി​യി​ക്കാ​വി​ള റോ​ഡ് വി​ക​സ​നം വ​ഴി​മു​ക്ക് മു​ത​ൽ ക​ളി​യി​ക്കാ​വി​ള വ​രെ വി​ക​സി​പ്പി​ക്കു​ന്ന​തി​ന് സ്ഥ​ല​മേ​റ്റെ​ടു​പ്പ് ഉ​ൾ​പ്പെ​ടെ 200 കോ​ടി രൂ​പ​യു​ടെ ഭ​ര​ണാ​നു​മ​തി ന​ൽ​കി​യി​രു​ന്നു. ഇ​നി​യും ദേ​ശീ​യ​പാ​ത വി​ക​സ​നം വൈ​കി​പ്പി​ക്കാ​തെ അ​ടി​യ​ന്ത​ര​മ​യി ന​ട​പ്പി​ലാ​ക്ക​ണ​മെ​ന്നാ​ണ് ആ​വ്യ​ശ്യം ഉ​യ​രു​ന്ന​ത്. 

കൊ​ടി​ന​ട മു​ത​ൽ വ​ഴി​മു​ക്ക് വ​രെ 30.2 മീ​റ്റ​ർ വീ​തി​യി​ല വി​ക​സി​പ്പി​ക്കു​ന്ന​തി​നു​ള്ള സ്ഥ​ല​മേ​റ്റെ​ടു​പ്പ് ന​ട​പ​ടി​ക​ൾ വൈ​കു​ന്ന​തും പ്ര​തി​ഷേ​ധ​ത്തി​നി​ട​യാ​ക്കു​ന്നു​ണ്ട്. പ്ര​ഖ്യാ​പ​ന​ങ്ങ​ളി​ൽ മാ​ത്ര​മൊ​തു​ങ്ങാ​തെ വി​ക​സ​നം അ​ടി​യ​ന്ത​ര​മാ​യി ന​ട​പ്പാ​ക്ക​ണ​മെ​ന്നാ​ണ്​ ഉ​യ​രു​ന്ന പൊ​തു​വി​കാ​രം