മനുകുമാര്‍, പ്രവീണ്‍, അഭിജിത്ത്
നേമം: യുവാവിനെ വെട്ടുകത്തി കൊണ്ട് കൊലപ്പെടുത്താന്‍ ശ്രമിച്ച സംഭവത്തില്‍ മൂന്നുപേര്‍ കൂടി പിടിയിലായി.
മുട്ടക്കാട് പാലപ്പൂര് സ്വദേശി പാലപ്പൂര് മനു എന്ന മനുകുമാര്‍ (29), കാരയ്ക്കാമണ്ഡപം പൊന്നുമംഗലം താന്നിവിള പുത്തന്‍വീട്ടില്‍ പൂച്ച പ്രവീണ്‍ എന്ന പ്രവീണ്‍ (33), മേലാംകോട് കളത്തില്‍ വീട്ടില്‍ ഉണ്ണിക്കുട്ടന്‍ എന്ന അഭിജിത്ത് (24) എന്നിവരാണ് പിടിയിലായത്. ഇവര്‍ യഥാക്രമം ഒന്ന്, രണ്ട്, നാല് പ്രതികളാണ്.
കോടതിയില്‍ കീഴടങ്ങിയ മൂവര്‍സംഘത്തെ പൊലീസ് കസ്റ്റഡിയിലെടുക്കുകയായിരുന്നു. ഒരാഴ്ച മുമ്പായിരുന്നു കേസിനാസ്പദമായ സംഭവം. മേലാംകോട് സ്വദേശി സജീവിനാ(37)ണ് വെട്ടേറ്റത്. മേലാംകോട് ഭാഗത്തുള്ള ഒരു വീടിന് സമീപം നില്‍ക്കുമ്പോഴാണ് ഓട്ടോയിലെത്തിയ അഞ്ചംഗസംഘം വെട്ടുകത്തിയുമായി സജീവിനെ ആക്രമിക്കുന്നത്. ഗുണ്ടാപ്പകയാണ് ആക്രമണത്തില്‍ കലാശിച്ചതെന്ന് നേമം പൊലീസ് അറിയിച്ചു. കേസിലെ മൂന്നാംപ്രതി മണക്കാട് എം.എസ്.കെ നഗര്‍ സ്വദേശി നന്ദു എന്ന അജിത്ത് (25) നേരത്തെ പിടിയിലായിരുന്നു. സി.ഐ രഗീഷ്‌കുമാര്‍, എസ്.ഐമാരായ മധുമോഹന്‍, പ്രസാദ്, ഷിജു എന്നിവര്‍ അറസ്റ്റിന് മേല്‍നോട്ടം വഹിച്ചു. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.