പാപ്പൻചാണി വാർഡിൽ നായ്​ ശല്യം രൂക്ഷം; മൂന്നാഴ്ചക്കിടെ കടിയേറ്റത് 12 പേർക്ക്​

നേ​മം: ക​ല്ലി​യൂ​ർ പ​ഞ്ചാ​യ​ത്തി​ലെ പാ​പ്പ​ൻ​ചാ​ണി വാ​ർ​ഡി​ൽ തെ​രു​വു​നാ​യ്​ ശ​ല്യം രൂ​ക്ഷ​മാ​യി തു​ട​രു​ന്നു. വാ​ർ​ഡി​ൽ ഉ​ൾ​പ്പെ​ടു​ന്ന പാ​ല​പ്പൂ​ര്, വാ​റു​വി​ള ഭാ​ഗ​ങ്ങ​ളി​ൽ തെ​രു​വു​നാ​യ്ക്ക​ളു​ടെ എ​ണ്ണം വ​ർ​ധി​ച്ചി​രി​ക്കു​ക​യാ​ണ്. പാ​പ്പ​ൻ​ചാ​ണി​യി​ൽ സ്ഥി​തി​ചെ​യ്യു​ന്ന ഇ​റ​ച്ചി​ക്ക​ട​ക​ളു​ടെ സ​മീ​പ​ത്തു​നി​ന്ന് മാ​ലി​ന്യം ത​ള്ളു​ന്ന​താ​ണ് നാ​യ്ക്ക​ൾ ഈ ​ഭാ​ഗ​ത്ത് ത​മ്പ​ടി​ക്കാ​ൻ പ്ര​ധാ​ന കാ​ര​ണം. ക​ഴി​ഞ്ഞ​ദി​വ​സം വാ​റു​വി​ള​യി​ൽ ഒ​രു പ​ശു നാ​യ്ക്ക​ളു​ടെ ക​ടി​യേ​റ്റ് ച​ത്തി​രു​ന്നു.

രാ​പ​ക​ൽ ഭേ​ദ​മി​ല്ലാ​തെ നാ​യ്ക്ക​ൾ വ​ഴി​യാ​ത്ര​ക്കാ​രെ ആ​ക്ര​മി​ക്കു​ന്ന കാ​ഴ്ച​യാ​ണ് ഇ​വി​ടെ കാ​ണു​ന്ന​ത്. ക​ഴി​ഞ്ഞ മൂ​ന്നാ​ഴ്ച​ക്കി​ടെ 12 പേ​ർ​ക്കാ​ണ് തെ​രു​വു​നാ​യു​ടെ ക​ടി​യേ​റ്റ​ത്. കു​റ​ച്ചു​നാ​ൾ​മു​മ്പ് പ​ഞ്ചാ​യ​ത്ത​ധി​കൃ​ത​ർ ഇ​ട​പെ​ട്ട് നെ​യ്യാ​റ്റി​ൻ​ക​ര മു​നി​സി​പ്പാ​ലി​റ്റി​യി​ൽ​നി​ന്ന് ജീ​വ​ന​ക്കാ​രെ​ത്തി നാ​യ്ക്ക​ളെ പി​ടി​കൂ​ടി​യി​രു​ന്നു. വ​ന്ധ്യം​ക​ര​ണം ചെ​യ്യ​പ്പെ​ടു​ന്ന നാ​യ്ക്ക​ൾ അ​ക്ര​മാ​സ​ക്ത​രാ​കു​ന്നു എ​ന്ന പ​രാ​തി​യും ഉ​യ​ർ​ന്നി​ട്ടു​ണ്ട്.

നാ​യ്ക്ക​ളെ ഭ​യ​ന്ന് ജ​നം ഭീ​തി​യോ​ടെ​യാ​ണ് ക​ഴി​യു​ന്ന​തെ​ന്നും പ്ര​ശ്ന​ത്തി​ന് അ​ധി​കൃ​ത​ർ എ​ത്ര​യും വേ​ഗം ശാ​ശ്വ​ത പ​രി​ഹാ​രം കാ​ണ​ണ​മെ​ന്നും പാ​പ്പ​ൻ​ചാ​ണി വാ​ർ​ഡ് അം​ഗം എ​സ്. പ്രീ​താ​റാ​ണി ആ​വ​ശ്യ​പ്പെ​ട്ടു.