നേമം: റോഡരികിൽ പാർക്ക് ചെയ്തിരുന്ന സ്കൂട്ടർ മോഷ്ടിച്ച സംഭവത്തിലെ പ്രതിയെ നേമം പൊലീസ് അറസ്റ്റ് ചെയ്തു. നരുവാമൂട് മുക്കംപാലമൂട് സ്വദേശി രഞ്ജിത്താണ് (30) അറസ്റ്റിലായത്. ആഗസ്റ്റ് 21ന് പുലർച്ച രണ്ടോടെയാണ് കേസിന് ആസ്പദമായ സംഭവം. കല്ലിയൂർ സ്വദേശി സനലാണ് പരാതിക്കാരൻ. ഇദ്ദേഹത്തിന്‍റെ അമ്മയുടെ ഉടമസ്ഥതയിലുള്ള ഹീറോ മാസ്ട്രോ സ്കൂട്ടർ വീടിന് സമീപം റോഡരികിൽ പാർക്ക് ചെയ്തിരുന്നതാണ് പ്രതി മോഷ്ടിച്ച് കടത്തിയത്.
സി.സി.ടി.വി ദൃശ്യങ്ങളുടെ അടിസ്ഥാനത്തിൽ നടത്തിയ പരിശോധനയിലാണ് പ്രതിയെ പൊലീസ് തിരിച്ചറിഞ്ഞത്. മോഷണമുതൽ പൊലീസ് കണ്ടെത്തിയിട്ടുണ്ട്. നേമം സി.ഐ രഗീഷ് കുമാർ, എസ്.ഐമാരായ എം. മധുമോഹൻ, പ്രസാദ്, പൊലീസുകാരനായ ഷിബു, ശ്രീകുമാർ എന്നിവരുടെ നേതൃത്വത്തിലുള്ള സംഘമാണ് പ്രതിയെ കസ്റ്റഡിയിലെടുത്തത്. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.