വിഴിഞ്ഞത്തേക്ക്​ റെയിൽവേ കോറിഡോർ ആവശ്യപ്പെട്ട്​ നിവേദനം

തി​രു​വ​ന​ന്ത​പു​രം: നി​ല​വി​ലെ റെ​യി​ൽ​വേ ലൈ​നി​ന് സ​മാ​ന്ത​ര​മാ​യി, വി​ഴി​ഞ്ഞം തു​റ​മു​ഖ​വു​മാ​യി ബ​ന്ധി​പ്പി​ച്ച്​ ഗ്രീ​ൻ ഫീ​ൽ​ഡ് റെ​യി​ൽ​വേ കോ​റി​ഡോ​ർ വേ​ണ​മെ​ന്ന്​ ആ​വ​ശ്യം. നി​ർ​മാ​ണ​മാ​രം​ഭി​ച്ച അ​ങ്ക​മാ​ലി- ശ​ബ​രി റെ​യി​ൽ​പാ​ത​യെ ബാ​ല​രാ​മ​പു​ര​ത്തേ​ക്ക്​ നീ​ട്ട​ണ​മെ​ന്നാ​വ​ശ്യ​പ്പെ​ട്ട്​ മു​ഖ്യ​മ​ന്ത്രി, റെ​യി​ൽ​വേ വ​കു​പ്പ് മ​ന്ത്രി, വ്യ​വ​സാ​യ മ​ന്ത്രി, ടൂ​റി​സം വ​കു​പ്പ് മ​ന്ത്രി, തി​രു​വ​ന​ന്ത​പു​രം എം.​പി, ആ​റ്റി​ങ്ങ​ൽ എം.​പി എ​ന്നി​വ​ർ​ക്ക് ശ​ബ​രി റെ​യി​ൽ​വേ ആ​ക്ഷ​ൻ കൗ​ൺ​സി​ലു​ക​ളു​ടെ സം​സ്ഥാ​ന ഫെ​ഡ​റേ​ഷ​ൻ നി​വേ​ദ​നം ന​ൽ​കി.

എ​രു​മേ​ലി​യി​ൽ​നി​ന്ന് തി​രു​വ​ന​ന്ത​പു​ര​ത്തി​ന് ശ​ബ​രി റെ​യി​ൽ​പാ​ത നീ​ട്ടു​ന്ന​തി​ന് റെ​യി​ൽ​വേ സ​ർ​വേ ന​ട​ത്തി​യി​ട്ടു​ണ്ട്. അ​ങ്ക​മാ​ലി- ശ​ബ​രി റെ​യി​ൽ​വേ​യു​ടെ ര​ണ്ടാം ഘ​ട്ട​മാ​യി എ​രു​മേ​ലി​യി​ൽ​നി​ന്ന് റാ​ന്നി, പ​ത്ത​നം​തി​ട്ട, കോ​ന്നി, പ​ത്ത​നാ​പു​രം, പു​ന​ലൂ​ർ, അ​ഞ്ച​ൽ, കി​ളി​മാ​നൂ​ർ, വെ​ഞ്ഞാ​റ​മൂ​ട്, നെ​ടു​മ​ങ്ങാ​ട്, കാ​ട്ടാ​ക്ക​ട ന​ഗ​ര​ങ്ങ​ളെ ബ​ന്ധി​പ്പി​ച്ച് ബാ​ല​രാ​മ​പു​ര​ത്തേ​ക്ക്​ റെ​യി​ൽ​വേ ലൈ​ൻ നി​ർ​മി​ക്ക​ണ​മെ​ന്നാ​ണ്​ ആ​വ​ശ്യം.

ശ​ബ​രി പ​ദ്ധ​തി​ക്കാ​യി അ​ങ്ക​മാ​ലി​മു​ത​ൽ കാ​ല​ടി​വ​രെ എ​ട്ടു​കി​ലോ​മീ​റ്റ​ർ ട്രാ​ക്കും കാ​ല​ടി റെ​യി​ൽ​വേ സ്റ്റേ​ഷ​നും പെ​രി​യാ​ർ റെ​യി​ൽ​വേ പാ​ല​വും നി​ർ​മി​ച്ചു​ക​ഴി​ഞ്ഞു. ശ​ബ​രി റെ​യി​ൽ​വേ​ക്കാ​യി ന​ട​പ്പ് സാ​മ്പ​ത്തി​ക​വ​ർ​ഷം 100 കോ​ടി രൂ​പ ബ​ജ​റ്റി​ൽ കേ​ന്ദ്ര സ​ർ​ക്കാ​ർ വ​ക​യി​രു​ത്തി​യി​ട്ടു​ണ്ട്. പു​തു​ക്കി​യ എ​സ്റ്റി​മേ​റ്റ് റെ​യി​ൽ​വേ ബോ​ർ​ഡി​ന്റെ പ​രി​ശോ​ധ​ന​ക്കാ​യി ദ​ക്ഷി​ണ റെ​യി​ൽ​വേ സ​മ​ർ​പ്പി​ച്ചി​രി​ക്കു​ക​യാ​ണ്. സം​സ്ഥാ​ന സ​ർ​ക്കാ​ർ മു​ൻ​കൈ​യെ​ടു​ത്ത് അ​ങ്ക​മാ​ലി-​ശ​ബ​രി റെ​യി​ൽ​വേ​യെ വി​ഴി​ഞ്ഞം തു​റ​മു​ഖ​ത്തേ​ക്കും ത​ല​സ്ഥാ​ന​ത്തേ​ക്കു​മു​ള്ള ര​ണ്ടാ​മ​ത്തെ റെ​യി​ൽ​വേ കോ​റി​ഡോ​റാ​യി വി​ക​സി​പ്പി​ക്ക​ണ​മെ​ന്നാ​ണ്​ ആ​വ​ശ്യം.

ഇ​തി​ലൂ​ടെ ശ​ബ​രി പ​ദ്ധ​തി​യി​ൽ കേ​ര​ള​ത്തി​ന് പു​തി​യ 25 റെ​യി​ൽ​വേ സ്റ്റേ​ഷ​നു​ക​ൾ​കൂ​ടി ല​ഭി​ക്കും. പ​ത്ത​നം​തി​ട്ട ജി​ല്ല ആ​സ്ഥാ​ന​ത്തേ​ക്ക്​ ത​ല​സ്ഥാ​ന​ത്തു​നി​ന്ന്​ റെ​യി​ൽ​വേ യാ​ത്ര​സൗ​ക​ര്യം ല​ഭി​ക്കു​മെ​ന്നും ഗ്രീ​ൻ ഫീ​ൽ​ഡ് റെ​യി​ൽ​വേ കൊ​ല്ലം- ചെ​ങ്കോ​ട്ട റെ​യി​ൽ​പാ​ത​യു​മാ​യി പു​ന​ലൂ​രി​ൽ ചേ​രു​ന്ന​തി​നാ​ൽ ത​മി​ഴ്നാ​ട്ടി​ൽ​നി​ന്നു​ള്ള ശ​ബ​രി​മ​ല തീ​ർ​ഥാ​ട​ക​ർ​ക്കു​ള്ള സൗ​ക​ര്യ​മാ​കു​മെ​ന്നും നി​വേ​ദ​ന​ത്തി​ൽ ചൂ​ണ്ടി​ക്കാ​ട്ടു​ന്നു.

വിഴിഞ്ഞത്തേക്ക്​ റെയിൽവേ കോറിഡോർ ആവശ്യപ്പെട്ട്​ നിവേദനം

പെ​രു​മ്പാ​വൂ​രി​ലെ പ്ലൈ​വു​ഡ് വ്യ​വ​സാ​യം, വാ​ഴ​ക്കു​ളം പൈ​നാ​പ്പി​ൾ, തൊ​ടു​പു​ഴ കി​ൻ​ഫ്ര സ്‌​പൈ​സെ​സ് പാ​ർ​ക്ക്, കോ​ത​മം​ഗ​ലം- നെ​ല്ലി​ക്കു​ഴി​യി​ലെ ഫ​ർ​ണി​ച്ച​ർ ക്ല​സ്റ്റ​റ​ർ, കി​ൻ​ഫ്ര ഫു​ഡ്‌ പാ​ർ​ക്ക്​ തു​ട​ങ്ങി​യ വ്യ​വ​സാ​യ​കേ​ന്ദ്ര​ങ്ങ​ളെ പു​തി​യ റെ​യി​ൽ​വേ കോ​റി​ഡോ​ർ വ​ഴി വി​ഴി​ഞ്ഞം തു​റ​മു​ഖ​വു​മാ​യി ബ​ന്ധി​പ്പി​ക്കു​ന്ന​ത് വി​ക​സ​ന​ത്തി​ന് സ​ഹാ​യ​ക​ര​മാ​കും. കി​ഴ​ക്ക​ൻ മേ​ഖ​ല​യി​ലെ ടൂ​റി​സ്റ്റ് കേ​ന്ദ്ര​ങ്ങ​ളി​ലേ​ക്ക്​ എ​ത്തി​ച്ചേ​രാ​നു​ള്ള സൗ​ക​ര്യം വ​ർ​ധി​ക്കും.

ഏ​ലം, കു​രു​മു​ള​ക്, റ​ബ​ർ, ഗ്രാ​മ്പൂ തു​ട​ങ്ങി​യ​വ ദേ​ശീ​യ-​അ​ന്ത​ർ​ദേ​ശീ​യ വി​പ​ണി​ക​ളി​ൽ എ​ത്തി​ക്കാ​ൻ തു​റ​മു​ഖ​വും സ​മാ​ന്ത​ര റെ​യി​ൽ​വേ കോ​റി​ഡോ​റും സ​ഹാ​യ​ക​ര​മാ​കു​മെ​ന്ന് ശ​ബ​രി റെ​യി​ൽ​വേ ആ​ക്ഷ​ൻ കൗ​ൺ​സി​ലു​ക​ളു​ടെ സം​സ്ഥാ​ന​ത​ല ഫെ​ഡ​റേ​ഷ​ൻ ഭാ​ര​വാ​ഹി​ക​ളാ​യ ഡി​ജോ കാ​പ്പ​ൻ, ബാ​ബു​പോ​ൾ എ​ക്സ് എം.​എ​ൽ.​എ, ജി​ജോ പ​ന​ച്ചി​നാ​നി, അ​നി​യ​ൻ എ​രു​മേ​ലി, അ​ജി ബി. ​റാ​ന്നി, ദി​പു ര​വി എ​ന്നി​വ​ർ പ​റ​ഞ്ഞു.