മാർത്താണ്ഡം മേൽപാലത്തിലെ കുഴി; അറ്റകുറ്റപ്പണി തുടങ്ങി

മാ​ർ​ത്താ​ണ്ഡം: ക​ന്യാ​കു​മാ​രി തി​രു​വ​ന​ന്ത​പു​രം ദേ​ശീ​യ​പാ​ത​യി​ൽ മാ​ർ​ത്താ​ണ്ഡം മേ​ൽ​പാ​ല​ത്തി​ൽ ര​ണ്ടു​ദി​വ​സം മു​മ്പ്​ ര​ണ്ട് മീ​റ്റ​ർ വ്യാ​സ​ത്തി​ൽ രൂ​പ​പ്പെ​ട്ട കു​ഴി ശാ​സ്ത്രീ​യ​മാ​യി അ​ട​ക്കാ​നു​ള്ള ന​ട​പ​ടി​ക​ൾ തു​ട​ങ്ങി.

ഇ​തി​ന്‍റെ ഭാ​ഗ​മാ​യി ബു​ധ​നാ​ഴ്ച സ്ഥ​ല​ത്തെ​ത്തി​യ ദേ​ശീ​യ​പാ​ത വ​കു​പ്പ് അ​ധി​കൃ​ത​ർ പ്രാ​ഥ​മി​ക പ​രി​ശോ​ധ​ന​ക​ൾ പൂ​ർ​ത്തി​യാ​ക്കി​യ ശേ​ഷം വ്യാ​ഴാ​ഴ്ച കു​ഴി അ​ട​ക്കാ​നു​ള്ള ജോ​ലി​ക​ൾ തു​ട​ങ്ങി. വി​ദ​ഗ്ധ​രു​ടെ പ​രി​ശോ​ധ​ന​യി​ൽ കു​ഴി​യു​ടെ ചു​റ്റു​മു​ള്ള റോ​ഡി​ന് ബ​ല​ക്ഷ​യം സം​ഭ​വി​ച്ചി​ട്ടി​ല്ല. താ​ഴെ​യു​ള്ള തൂ​ണു​ക​ൾ​ക്കും കു​ഴ​പ്പ​മി​ല്ല. അ​തി​നാ​ൽ കു​ഴി​ക്കു​ചു​റ്റും ദീ​ർ​ഘ​ച​തു​രാ​കൃ​തി​യി​ൽ ടാ​റും കോ​ൺ​ക്രീ​റ്റും മാ​റ്റി ക​മ്പി​യും ലോ​ഹ​ഷീ​റ്റും ഉ​റ​പ്പി​ച്ച​ശേ​ഷം വേ​ഗം ഉ​ണ​ങ്ങു​ന്ന കോ​ൺ​ക്രീ​റ്റ് മി​ശ്രി​തം ഉ​പ​യോ​ഗി​ച്ച് അ​റ്റ​കു​റ്റ​പ്പ​ണി​ക്ക്​ ന​ട​പ​ടി തു​ട​ങ്ങി.

താ​മ​സി​യാ​തെ മേ​ൽ​പാ​ലം വ​ഴി​യു​ള്ള ഗ​താ​ഗ​തം പു​നഃ​സ്ഥാ​പി​ക്കാ​ൻ ക​ഴി​യു​മെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു. ഇ​പ്പോ​ൾ തി​രു​വ​ന​ന്ത​പു​രം-​നാ​ഗ​ർ​കോ​വി​ൽ പാ​ത​യി​ലെ പാ​സ​ഞ്ച​ർ വാ​ഹ​ന​ങ്ങ​ൾ പാ​ല​ത്തി​ന് താ​ഴെ​ക്കൂ​ടെ​യാ​ണ് പോ​കു​ന്ന​ത്. ഇ​ത് കാ​ര​ണം ട്രാ​ഫി​ക് കു​രു​ക്ക് ഉ​ണ്ടാ​കു​ന്നു. ലോ​റി​ക​ൾ ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ തി​ക്കു​റി​ശ്ശി റോ​ഡ് വ​ഴി തി​രി​ച്ചു​വി​ട്ടു. ഇ​തി​നി​ടെ മേ​ൽ​പാ​ല​ത്തി​ന്‍റെ ഉ​റ​പ്പി​നെ​ക്കു​റി​ച്ച് സ​മ​ഗ്ര അ​ന്വേ​ഷ​ണം കോ​ൺ​ഗ്ര​സ് ആ​വ​ശ്യ​പ്പെ​ട്ടു.