ജീവൻ കൈയിൽപിടിച്ച്​​ റീൽ പിടിത്തം​; അപകടമുനമ്പായി ബൈപാസ്​ റോഡ്​

തി​രു​വ​ന​ന്ത​പു​രം: റീ​ലെ​ടു​ക്കാ​നാ​യി ജീ​വ​ൻ പ​ണ​യം​വെ​ച്ച്​ ആ​ഡം​ബ​ര ബൈ​ക്കു​ക​ളി​ലും കാ​റു​ക​ളി​ലും പാ​യു​ന്ന​വ​രെ​​ക്കൊ​ണ്ട്​ പൊ​റു​തി​മു​ട്ടു​ക​യാ​ണ്​ ബൈ​പാ​സ്. കാ​മ​റ​ക​ളു​മാ​യി ത​ല​ങ്ങും വി​ല​ങ്ങും പാ​യു​ക​യാ​ണ്​ റേ​സി​ങ്​ സം​ഘ​ങ്ങ​ൾ. ബൈ​ക്കോ​ട്ടം മാ​ത്ര​മ​ല്ല, സ​മൂ​ഹ​മാ​ധ്യ​മ​ങ്ങ​ളി​ലെ റീ​ച്ചി​നാ​യി കൈ​വി​ട്ട അ​ഭ്യാ​സ​പ്ര​ക​ട​ന​ങ്ങ​ൾ​ക്കാ​ണ്​ ക​ഴ​ക്കൂ​ട്ടം-​കോ​വ​ളം റോ​ഡ്​ രാ​പ്പ​ക​ൽ വ്യ​ത്യാ​സ​മി​ല്ലാ​തെ വേ​ദി​യാ​കു​ന്ന​ത്.

നേ​ര​ത്തെ വൈ​ള്ള​യ​മ്പ​ലം-​ക​വ​ടി​യാ​ർ റോ​ഡി​ലാ​യി​രു​ന്നു റേ​സി​ങ്​ സം​ഘ​ങ്ങ​ൾ ത​മ്പ​ടി​ച്ചി​രു​ന്ന​ത്. സ​മൂ​ഹ​മാ​ധ്യ​മ​ങ്ങ​ളി​ൽ സാ​ന്നി​ധ്യ​മ​റി​യി​ക്കു​ന്ന​തി​ന​പ്പു​റം മ​ത്സ​ര​സ്വ​ഭാ​വ​ത്തി​ലാ​യി​രു​ന്നു രാ​ജ്​​ഭ​വ​ൻ ഉ​ൾ​പ്പെ​ടു​ന്ന അ​തി​സു​ര​ക്ഷ നി​ര​ത്തി​ലെ അ​ന്ന​ത്തെ ബൈ​ക്കോ​ട്ടം. സി​നി​മ ടി​ക്ക​റ്റും ഭ​ക്ഷ​ണ​വു​മെ​ല്ലാ​മാ​യി​രു​ന്നു പ​ന്ത​യ​വും സ​മ്മാ​ന​വും.

ഒ​രു​വ​ർ​ഷം 31 അ​പ​ക​ട​ങ്ങ​ൾ റി​പ്പോ​ർ​ട്ട്​ ചെ​യ്യു​ക​യും അ​തി​ൽ നാ​ല് ജീ​വ​ൻ പൊ​ലി​യു​ക​യും ചെ​യ്ത​തോ​ടെ അ​ധി​കൃ​ത​ർ ഇ​ട​പെ​ട്ടു. കാ​മ​റ​ക​ൾ സ്ഥാ​പി​ക്കു​ക​യും പൊ​ലീ​സ്​ പ​ട്രോ​ളി​ങ്​ സ​ജീ​വ​മാ​കു​ക​യും ചെ​യ്​​ത​തോ​ടെ റേ​സി​ങ്​ സം​ഘ​ങ്ങ​ൾ ബൈ​പാ​സി​ലേ​ക്ക്​ കു​ടി​യേ​റു​ക​യാ​യി​രു​ന്നു. 

പ​രി​ശോ​ധ​ന​ക​ൾ പാ​തി​വ​ഴി​യി​ൽ...

2022ൽ ​കോ​വ​ളം-​മു​ക്കോ​ല ബൈ​പാ​സി​ൽ റേ​സി​ങ് ബൈ​ക്കു​ക​ൾ കൂ​ട്ടി​യി​ടി​ച്ച് ര​ണ്ട് യു​വാ​ക്ക​ൾ ത​ൽ​ക്ഷ​ണം മ​രി​ച്ച​തി​നെ​തു​ട​ർ​ന്ന്​ അ​ൽ​പ​കാ​ലം പ​രി​ശോ​ധ​ന​ക​ൾ ഊ​ർ​ജി​ത​മാ​ക്കി​യെ​ങ്കി​ലും പി​ന്നീ​ട്​ അ​തെ​ല്ലാം നി​ല​ച്ചു.

ക​ഴ​ക്കൂ​ട്ട​ത്തെ പു​തി​യ മേ​ൽ​പാ​ലം, ഈ​ഞ്ച​യ്ക്ക​ൽ, വെ​ൺ​പാ​ല​വ​ട്ടം മേ​ൽ​പാ​ല​ങ്ങ​ൾ എ​ന്നി​വി​ട​ങ്ങ​ളി​ലും റീ​ൽ​സി​നാ​യു​ള്ള സാ​ഹ​സി​ക പ്ര​ക​ട​ങ്ങ​ൾ വ്യാ​പ​ക​മാ​ണ്. ചീ​റി​പ്പാ​യു​ന്ന ന്യൂ​ജെ​ൻ ബൈ​ക്കു​ക​ളാ​ണ് അ​പ​ക​ടം വ​രു​ത്തി​വെ​ക്കു​ന്ന​ത്. അ​മി​ത​വേ​ഗ​ത്തി​ലെ​ത്തു​ന്ന വാ​ഹ​ന​ങ്ങ​ൾ മി​ക്ക​തും നി​യ​ന്ത്ര​ണം​വി​ട്ട് റോ​ഡി​ന്‍റെ മീ​ഡി​യ​നി​ലേ​ക്ക് ഇ​ടി​ച്ചു​ക​യ​റി ചി​ന്നി​ച്ചി​ത​റു​ക​യാ​ണ് പ​തി​വ്.

വാ​ഴ​മു​ട്ടം-​കോ​വ​ളം, മു​ട്ട​ത്ത​റ-​ക​ല്ലൂം​മൂ​ട്, അ​മ്പ​ല​ത്ത​റ-​തി​രു​വ​ല്ലം പാ​ലം, ക​ഴ​ക്കൂ​ട്ടം ടെ​ക്നോ​പാ​ർ​ക്ക്-​ആ​ക്കു​ളം, ചാ​ക്ക-​ഈ​ഞ്ച​യ്ക്ക​ൽ എ​ന്നീ ഭാ​ഗ​ങ്ങ​ളി​ലും സാ​ഹ​സി​ക പാ​ച്ചി​ലി​ന്​ കു​റ​വി​ല്ല. ദാ​രു​ണ അ​പ​ക​ങ്ങ​ൾ ക​ൺ​മു​ന്നി​ൽ അ​ന​വ​ധി​യു​ണ്ടാ​യാ​ലും പി​ന്മാ​റാ​ൻ യു​വാ​ക്ക​ൾ ത​യാ​റാ​കു​ന്നി​ല്ല എ​ന്ന​താ​ണ്​ ദ​യ​നീ​യം.

ക​ല്ലൂം​മൂ​ട് പാ​ല​ത്തി​ൽ ഒ​രു വ​ർ​ഷ​ത്തി​നി​ടെ മൂ​ന്നു​പേ​രും വെ​ൺ​പാ​ല​വ​ട്ടം പാ​ല​ത്തി​ൽ ര​ണ്ടു​പേ​രും ഈ​ഞ്ച​യ്ക്ക​ലി​ൽ നാ​ലു​പേ​രും വാ​ഹ​നാ​പ​ക​ട​ങ്ങ​ളി​ൽ മ​രി​ച്ചു. മു​ക്കോ​ല ബൈ​പ്പാ​സി​ൽ​നി​ന്ന് കോ​വ​ള​ത്തേ​ക്കു​ള്ള റോ​ഡി​ൽ​ ര​ണ്ടം​ഗ​സം​ഘം ബൈ​ക്കി​ൽ അ​ഭ്യാ​സ​പ്ര​ക​ട​നം ന​ട​ത്തി​യ​ത്​ ഏ​താ​നും ദി​വ​സ​ങ്ങ​ൾ​ക്ക്​ മു​മ്പാ​ണ്.

സ​മൂ​ഹ​മാ​ധ്യ​മ​ങ്ങ​ളി​ൽ ദൃ​ശ്യ​ങ്ങ​ൾ പ്ര​ച​രി​ച്ച​തോ​ടെ പൊ​ലീ​സ്​ ന​ട​പ​ടി​യെ​ടു​​​ത്തു. മൂ​ന്നു​വ​ർ​ഷ​ത്തി​നി​ടെ എ​ഴു​പ​തോ​ളം അ​പ​ക​ട​ങ്ങ​ളാ​ണ്​ ബൈ​പാ​സി​ൽ റി​പ്പോ​ർ​ട്ട്​ ചെ​യ്ത​ത്. സ​ർ​വി​സ് റോ​ഡ് പ​ണി​യാ​തെ ഇ​രു ദി​ശ​യി​ലേ​ക്കും ഒ​രേ വ​രി​യി​ലൂ​ടെ വാ​ഹ​ന​ങ്ങ​ൾ ക​ട​ത്തി​വി​ടു​ന്ന​തും അ​പ​ക​ട​ങ്ങ​ൾ​ക്ക്​ കാ​ര​ണ​മാ​കു​ന്നു.

ബൈ​പാ​സി​ലെ വാ​ഹ​നാ​പ​ക​ട​ങ്ങ​ൾ നി​യ​ന്ത്രി​ക്കാ​നെ​ന്ന പേ​രി​ൽ സി​റ്റി പൊ​ലീ​സും മോ​ട്ടോ​ർ വാ​ഹ​ന വ​കു​പ്പും ഒ​ട്ടേ​റെ പ​രി​ഷ്കാ​ര​ങ്ങ​ൾ പ്ര​ഖ്യാ​പി​ച്ചെ​ങ്കി​ലും ഒ​ന്നും പ്രാ​വ​ർ​ത്തി​ക​മാ​യി​ല്ല. റോ​ഡു​ക​ളി​ലെ വെ​ളി​ച്ച​ക്കു​റ​വും അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്നു.

പ്ര​തി​ക​രി​ച്ചാ​ൽ ‘ത​ന്ത വൈ​ബ്​’

സ​മൂ​ഹ​മാ​ധ്യ​മ​ങ്ങ​ളി​ൽ താ​ര​ങ്ങ​ളാ​കാ​നാ​ണ് ബൈ​പാ​സി​ലെ റീ​ൽ​സു പി​ടു​ത്തം. കാ​മ​റ​ക​ളു​മാ​യി മു​ന്നി​ലും പി​ന്നി​ലും വ​ശ​ങ്ങ​ളി​ലു​മാ​യി വി​വി​ധ ആം​ഗി​ളി​ൽ ദൃ​ശ്യ​ങ്ങ​ളെ​ടു​ക്കാ​ൻ​ പ​ല വാ​ഹ​ന​ങ്ങ​ളാ​യി​രി​ക്കും ഷൂ​ട്ടി​നു​ണ്ടാ​വു​ക. അ​മി​ത​വേ​ഗ​ത​യി​ലാ​കും നാ​യ​ക​ന്‍റെ പാ​ച്ചി​ൽ.

ഏ​തെ​ങ്കി​ലും ഘ​ട്ട​ത്തി​ൽ ക​​ണ്ണൊ​ന്ന്​ പാ​ളി​യാ​ൽ കൂ​ട്ട അ​പ​ക​ട​ത്തി​നാ​കും ഇ​ട​യാ​വു​ക. ഷൂ​ട്ടി​ങ്ങാ​യ​തി​നാ​ൽ ഹെ​ൽ​മ​റ്റു​മു​ണ്ടാ​കി​ല്ല. ഉ​ത്ത​രേ​ന്ത്യ​ൻ നി​ര​ത്തു​ക​ളി​ലെ സാ​ഹ​സി​ക റീ​ലു​ക​ളെ അ​നു​ക​രി​ക്കാ​നാ​ണ്​ ചെ​റു​പ്പ​ക്കാ​ർ ബൈ​പാ​സി​ലെ​ത്തു​ന്ന​ത്. പി​ന്നീ​ട്​ എ​ഡി​റ്റ്​ ചെ​യ്ത്​ ത​ട്ടു​പൊ​ളി​പ്പ​ൻ സം​ഗീ​ത​വും ചേ​ർ​ത്ത്​ ഇ​ൻ​സ്റ്റ​ഗ്രാ​മി​ൽ പോ​സ്റ്റ്​ ചെ​യ്യും. ലൈ​ക്കി​നും റീ​ച്ചി​നും ഷെ​യ​റി​നും വേ​ണ്ടി​യു​ള്ള ഈ ​കൈ​വി​ട്ട ക​ളി ല​ഹ​രി​യാ​യി മാ​റു​ന്നു​വെ​ന്ന​താ​ണ്​ പു​തി​യ പ്ര​വ​ണ​ത.

രാ​വി​ലെ​യും വൈ​കു​ന്നേ​ര​ങ്ങ​ളി​ലു​മാ​ണ്​ ഇ​ത്ത​രം സം​ഘ​ങ്ങ​ളു​ടെ വി​ള​യാ​ട്ടം കൂ​ടു​ത​ലും. റോ​ഡി​ൽ തി​ര​ക്കു​ള്ള ഈ ​സ​മ​യ​ത്ത്​ സാ​ഹ​സി​ക റീ​ൽ സം​ഘ​ങ്ങ​ൾ​കൂ​ടി എ​ത്തു​ന്ന​തോ​ടെ മ​റ്റ്​ വാ​ഹ​ന​യാ​ത്രി​ക​രും അ​പ​ക​ട ഭീ​തി​യി​ലാ​ണ്. ചാ​ക്ക, മു​ട്ട​ത്ത​റ, വാ​ഴ​മു​ട്ടം എ​ന്നി​വി​ട​ങ്ങ​ളി​ലാ​ണ്​ സം​ഘ​ങ്ങ​ൾ കേ​ന്ദ്രീ​ക​രി​ക്കു​ന്ന​ത്. അ​മി​ത വേ​ഗ​ത്തി​ലും കാ​തു​പൊ​ട്ടു​ന്ന ശ​ബ്​​ദ​ത്തി​ലു​മാ​ണ്​ അ​ഭ്യാ​സ പ്ര​ക​ട​ന​ങ്ങ​ൾ. പി​ടി​വി​ട്ട ക​ളി​ക്കെ​തി​രെ നാ​ട്ടു​കാ​ർ രം​ഗ​ത്തെ​ത്തി​യാ​ൽ ‘ത​ന്ത വൈ​ബെ​ന്നാ​ണ്’ ന്യൂ​ജ​ൻ ആ​ക്ഷേ​പം. ​

ക​ണ്ണ്​ തു​ള​ക്കു​ന്ന വെ​ള്ളി​വെ​ളി​ച്ചം​

എ​തി​ർ​വാ​ഹ​ന​ത്തെ പ​രി​ഗ​ണി​ക്കാ​തെ ക​ണ്ണ് തു​ള​ച്ചു​ക​യ​റും​വി​ധം ബ്രൈ​റ്റ് ലൈ​റ്റി​ട്ട് പാ​യു​ന്ന​വ​രും അ​പ​ക​ട​ങ്ങ​ൾ​ക്ക്​ കാ​ര​ണ​ക്കാ​രാ​വു​ന്നു. രാ​ത്രി​യു​ണ്ടാ​കു​ന്ന ന​ല്ലൊ​രു ശ​ത​മാ​നം അ​പ​ക​ട​ങ്ങ​ൾ​ക്കും ബ്രൈ​റ്റ്​ ലൈ​റ്റി​ന്‍റെ അ​നാ​വ​ശ്യ ഉ​പ​യോ​ഗം കാ​ര​ണ​മാ​കു​ന്നു​ണ്ട്. രാ​ത്രി എ​തി​രെ വ​രു​ന്ന വാ​ഹ​ന​ത്തി​ന്‍റെ അ​ക​ല​വും വേ​ഗ​ത​യും കൃ​ത്യ​മാ​യി ക​ണ​ക്കാ​ക്കാ​ൻ സാ​ധി​ക്കി​ല്ല.

കാ​ഴ്ച ക്ര​മീ​ക​രി​ക്കു​ന്ന​തി​ന് ക​ണ്ണു​ക​ൾ​ക്ക് അ​ധി​ക​സ​മ​യം വേ​ണ്ടി​വ​രും. എ​തി​ർ വാ​ഹ​ന​ത്തി​ന്‍റെ ഹെ​ഡ്​ ലൈ​റ്റ്​ ബ്രൈ​റ്റ് ആ​കു​ന്ന​തോ​ടെ കാ​ഴ്ച ത​ട​സ്സ​പ്പെ​ടു​ത്തു​ന്ന സ്ഥി​തി​യാ​കും.

വാ​ഹ​ന​ത്തി​ന്‍റെ ഡിം ​ലൈ​റ്റ് വെ​ളി​ച്ച​ത്തി​ൽ എ​ത്ര​ദൂ​രം റോ​ഡ് വ്യ​ക്ത​മാ​യി കാ​ണാ​ൻ ക​ഴി​യു​മോ ആ ​ദൂ​ര​ത്തി​നു​ള്ളി​ൽ നി​ർ​ത്താ​ൻ ക​ഴി​യു​ന്ന വേ​ഗ​ത​യി​ലേ വാ​ഹ​നം ഓ​ടി​ക്കാ​വൂ​വെ​ന്നാ​ണ്​ മോ​ട്ടോ​ർ വാ​ഹ​ന​വ​കു​പ്പി​ന്‍റെ നി​ർ​ദേ​ശം. എ​തി​രെ വ​രു​ന്ന വാ​ഹ​ന​ത്തി​ന്‍റെ ഹെ​ഡ്​ ലൈ​റ്റി​ൽ അ​ധി​കം നോ​ക്ക​രു​ത്.

തീ​വ്ര​പ്ര​കാ​ശ​ത്തി​ലേ​ക്ക്​ നോ​ക്കു​ന്ന​തോ​ടെ കു​റ​ച്ചു​സ​മ​യ​ത്തേ​ക്ക് ഡ്രൈ​വ​ർ അ​ന്ധ​നാ​യ​തു​പോ​ലെ​യാ​കും. 80 കി​ലോ​മീ​റ്റ​ർ വേ​ഗ​ത​യി​ലാ​ണെ​ങ്കി​ൽ ഈ ​സ​മ​യം​കൊ​ണ്ട് വാ​ഹ​നം 45 മീ​റ്റ​ർ മു​ന്നോ​ട്ടു​പോ​യി​രി​ക്കും. ഇ​തും അ​പ​ക​ട​ങ്ങ​ൾ​ക്കി​ട​യാ​ക്കും.

ഗൂ​ഗി​ൾ വ​ഴി​തെ​റ്റി​ക്കാം

തി​ര​ക്ക് കു​റ​വു​ള്ള വ​ഴി​ക​ൾ ആ​ദ്യം നി​ർ​ദേ​ശി​ക്കു​ന്ന ഗൂ​ഗി​ൾ മാ​പ്പി​ന്‍റെ അ​ൽ​ഗോ​രി​തം വ​ഴി​തെ​റ്റി​ക്കാ​മെ​ന്നും ഇ​ക്കാ​ര്യ​ത്തി​ൽ സൂ​ക്ഷ്മ​ത​പു​ല​ർ​ത്ത​ണ​മെ​ന്നും മോ​ട്ടോ​ർ വാ​ഹ​ന​വ​കു​പ്പ്. ട്രാ​ഫി​ക് കു​റ​വു​ള്ള റോ​ഡു​ക​ളെ​യാ​ണ് മാ​പ്പി​ന്‍റെ അ​ൽ​ഗോ​രി​തം എ​ളു​പ്പം എ​ത്തു​ന്ന വ​ഴി​യാ​യി ആ​ദ്യം കാ​ട്ടി​ത്ത​രി​ക.

ഇ​ത്ത​രം റോ​ഡു​ക​ൾ എ​പ്പോ​ഴും സു​ര​ക്ഷി​ത​മാ​ക​ണ​മെ​ന്നി​ല്ല. തോ​ടു​ക​ൾ ക​വി​ഞ്ഞൊ​ഴു​കി​യും മ​ണ്ണി​ടി​ഞ്ഞും മ​ര​ങ്ങ​ൾ ക​ട​പു​ഴ​കി വീ​ണും യാ​ത്ര സാ​ധ്യ​മ​ല്ലാ​ത്ത റോ​ഡു​ക​ളി​ലും വീ​തി കു​റ​ഞ്ഞ​തും സു​ഗ​മ സ​ഞ്ചാ​രം സാ​ധ്യ​മ​ല്ലാ​ത്ത അ​പ​ക​ട​ങ്ങ​ൾ നി​റ​ഞ്ഞ​തു​മാ​യ നി​ര​ത്തു​ക​ളി​ലും സാ​ധാ​ര​ണ തി​ര​ക്കു​ണ്ടാ​കി​ല്ല. ഇ​ത് തി​രി​ച്ച​റി​യാ​തെ ഗൂ​ഗി​ളി​ന്‍റെ അ​ൽ​ഗോ​രി​തം ഇ​വ നി​ർ​ദേ​ശി​ക്കും ഇ​താ​ക​ട്ടെ ല​ക്ഷ്യ​സ്ഥാ​ന​ത്ത് എ​ത്തി​ക്കി​ല്ല. പ​ല​പ്പോ​ഴും ജി.​പി.​എ​സ് സി​ഗ്ന​ൽ ന​ഷ്ട​പ്പെ​ട്ട് രാ​ത്രി​കാ​ല​ങ്ങ​ളി​ൽ ഊ​രാ​ക്കു​ടു​ക്കി​ൽ​പെ​ടാ​നു​മി​ട​യു​ണ്ട്.