കടലില്‍ കാണാതായ മത്സ്യത്തൊഴിലാളിയെ കണ്ടെത്താനായില്ല

വ​ലി​യ​തു​റ: ശം​ഖും​മു​ഖ​ത്ത് ശ​നി​യാ​ഴ്ച രാ​വി​ലെ ശ​ക്ത​മാ​യ തി​ര​യി​ൽ​പെ​ട്ട് വ​ള്ളം മ​റി​ഞ്ഞ് ക​ട​ലി​ല്‍ കാ​ണാ​താ​യ മ​ത്സ്യ​ത്തൊ​ഴി​ലാ​ളി​യെ ര​ണ്ടാം​ദി​വ​സ​വും ക​ണ്ടെ​ത്താ​നാ​യി​ല്ല. വ​ലി​യ​തു​റ പ്ര​തീ​ക്ഷ ഫ്ലാ​റ്റി​ല്‍ ബി-1 ​ജി​ഫോ​റി​ല്‍ മ​ഹേ​ഷി​നെ (32) യാ​ണ് കാ​ണാ​താ​യ​ത്. ഒ​പ്പ​മു​ണ്ടാ​യി​രു​ന്ന വി​ല്‍സ​ണ്‍ (53) അ​ത്ഭു​ത​ക​ര​മാ​യി നീ​ന്തി​ര​ക്ഷ​പ്പെ​ടു​ക​യാ​യി​രു​ന്നു.

ശ​നി​യാ​ഴ്ച രാ​വി​ലെ 8.30ഓ​ടെ ശം​ഖും​മു​ഖം തീ​ര​ത്തു​നി​ന്ന്​ ഏ​ക​ദേ​ശം നൂ​റ് മീ​റ്റ​ര്‍ മാ​റി മ​ഹേ​ഷും വി​ല്‍സ​ണും സ​ഞ്ച​രി​ച്ച എ​ഞ്ചി​ന്‍ ഘ​ടി​പ്പി​ച്ച ഫൈ​ബ​ര്‍ വ​ള്ളം ശ​ക്ത​മാ​യ തി​ര​യി​ല്‍ ത​ല​കീ​ഴാ​യി മ​റി​യു​ക​യാ​യി​രു​ന്നു. മ​ത്സ്യ​ബ​ന്ധ​ന​ത്തി​ന്​ പോ​കാ​നാ​യി വ​ള്ളം ക​ട​ലി​ലൂ​ടെ വി​ഴി​ഞ്ഞം മ​ത്സ്യ​ബ​ന്ധ​ന തു​റ​മു​ഖ​ത്തേ​ക്ക്​ കൊ​ണ്ടു​പോ​ക​വേ​യാ​യി​രു​ന്നു ഇ​രു​വ​രും അ​പ​ക​ട​ത്തി​ൽ​പെ​ട്ട​ത്.

സം​ഭ​വം ന​ട​ന്ന​യു​ട​ന്‍ ത​ന്നെ വി​ഴി​ഞ്ഞം കോ​സ്റ്റ​ല്‍ പൊ​ലീ​സും മ​റൈ​ന്‍ എ​ന്‍ഫോ​ഴ്‌​സ്‌​മെ​ന്റും മ​ത്സ്യ​ത്തൊ​ഴി​ലാ​ളി​ക​ളും ചേ​ര്‍ന്ന് വൈ​കീ​ട്ടു​വ​രെ തി​ര​ഞ്ഞെ​ങ്കി​ലും മ​ഹേ​ഷി​നെ ക​ണ്ടെ​ത്താ​നാ​യി​ല്ല. ക​ട​ല്‍ പ്ര​ക്ഷു​ബ്ധ​മാ​യ​തി​നെ തു​ട​ര്‍ന്ന് ശ​നി​യാ​ഴ്ച വൈ​കീ​ട്ട്​ തി​ര​ച്ചി​ല്‍ നി​ർ​ത്തു​ക​യാ​യി​രു​ന്നു.

ഞാ​യ​റാ​ഴ്ച രാ​വി​ലെ 7.45 ഓ​ടെ വി​ഴി​ഞ്ഞം കോ​സ്റ്റ​ല്‍ പൊ​ലീ​സി​ന്റെ​യും മ​റൈ​ന്‍ എ​ന്‍ഫോ​ഴ്‌​സ്‌​മെ​ന്റി​ന്റെ​യും നേ​തൃ​ത്വ​ത്തി​ല്‍ സം​യു​ക്ത​മാ​യി വ​ലി​യ​തു​റ, പൂ​ന്തു​റ, ശം​ഖും​മു​ഖം ഭാ​ഗ​ങ്ങ​ളി​ലും ഉ​ള്‍ക്ക​ട​ലി​ലും ഉ​ച്ച​വ​രെ തി​ര​ച്ചി​ല്‍ ന​ട​ത്തി. ശ​ക്ത​മാ​യ കാ​റ്റും തി​ര​യും കാ​ര​ണം തി​ര​ച്ചി​ല്‍ ദു​ഷ്‌​ക​ര​മാ​യ​തോ​ടെ ഉ​ച്ച​യോ​ടെ നി​ര്‍ത്തു​ക​യാ​യി​രു​ന്നു.