അക്രമിസംഘം വീടുകയറി വൃദ്ധയെയും കുടുംബത്തെയും ക്രൂരമായി മർദിച്ചു

കി​ളി​മാ​നൂ​ർ: കാ​റി​ലെ​ത്തി​യ മൂ​ന്നം​ഗ അ​ക്ര​മി​സം​ഘം വീ​ടു​ക​യ​റി വൃ​ദ്ധ​യാ​യ വീ​ട്ട​മ്മ​യെ​യും മ​ക​നെ​യും മ​ക​െൻറ ഭാ​ര്യ​യെ​യും ക്രൂ​ര​മാ​യി മ​ർ​ദി​ച്ചു. തു​ട​ർ​ന്ന് മൂ​വ​രെ​യും കാ​റി​ടി​ച്ച്​ കൊ​ല​പ്പെ​ടു​ത്താ​നും ശ്ര​മം. സാ​ര​മാ​യി പ​രി​ക്കേ​റ്റ ഇ​വ​രെ വെ​ഞ്ഞാ​റ​മൂ​ട് സ്വ​കാ​ര്യ മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു.

കി​ളി​മാ​നൂ​ർ പോ​ങ്ങ​നാ​ട് പ​ഴു​വ​ടി ജി.​എ​സ് ഭ​വ​നി​ൽ ശ്യാ​മ​ള​കു​മാ​രി (65), മ​ക​ൻ പ​ട്ടാ​ള​ക്കാ​ര​നാ​യ സ്വാ​തി പോ​റ്റി (32), ഭാ​ര്യ സ​രി​ഗ (30) എ​ന്നി​വ​ർ​ക്കാ​ണ് സാ​ര​മാ​യി പ​രി​ക്കേ​റ്റ​ത്.

ചൊ​വ്വാ​ഴ്ച വൈ​കി​ട്ട് അ​ഞ്ചോ​ടെ​യാ​ണ് സം​ഭ​വം. സം​ഭ​വ​ത്തെ​ക്കു​റി​ച്ച് നാ​ട്ടു​കാ​ർ പ​റ​യു​ന്ന​ത്: പ്ര​ദേ​ശ​ത്ത് ത​ക​ര​പ്പ​റ​മ്പ്-​പ​ള്ളി​ക്ക​ൽ റോ​ഡ് ടാ​റി​ങ് ന​ട​ക്കു​ക​യാ​ണ്. ഇ​തു​മാ​യി ബ​ന്ധ​പ്പെ​ട്ട് അ​യ​ൽ​വാ​സി​യാ​യ ബാ​ബു​വു​മാ​യി സ്വാ​തി ഉ​ച്ച​ക്ക് ചെ​റി​യ ത​ർ​ക്ക​മു​ണ്ടാ​യ​ത്രെ. അ​യ​ൽ​വാ​സി സ്വാ​തി​യെ​യും കു​ടും​ബ​ത്തെ​യും അ​സ​ഭ്യം പ​റ​യു​ക​യും ചെ​യ്ത​ത്രേ. സം​ഭ​വം ക​ഴി​ഞ്ഞ് എ​ല്ലാ​വ​രും പി​രി​ഞ്ഞു​പോ​യെ​ങ്കി​ലും ഇ​തി​െൻറ തു​ട​ർ​ച്ച​യാ​യി, വൈ​കീ​ട്ട് സം​ഘം ക​മ്പി​പ്പാ​ര​യ​ട​ക്ക​മു​ള്ള ആ​യു​ധ​ങ്ങ​ളു​മാ​യി വീ​ടി​നു​ള്ളി​ലേ​ക്ക് ഓ​ടി​ക്ക​യ​റു​ക​യും മൂ​വ​രെ​യും ആ​ക്ര​മി​ക്കു​ക​യു​മാ​യി​രു​ന്നു​വ​ത്രെ. സം​ഭ​വം ക​ഴി​ഞ്ഞ് രാ​ത്രി 10 ക​ഴി​ഞ്ഞി​ട്ടും ആ​ശു​പ​ത്രി​യി​ലെ​ത്തി മൊ​ഴി​യെ​ടു​ക്കാ​ൻ പൊ​ലീ​സ് ത​യാ​റാ​യി​ട്ടി​ല്ല​ത്രെ.