അമീ​ബി​ക്​​ മ​സ്​​തി​ഷ്ക ജ്വ​​രം മൂന്ന്​ മേഖലകളിൽ

തി​രു​വ​ന​ന്ത​പു​രം: ജി​ല്ല​യി​ൽ മൂ​ന്ന്​ മേ​ഖ​ല​ക​ളി​ൽ അമീ​ബി​ക്​​ മ​സ്​​തി​ഷ്ക ജ്വ​​രം സ്ഥി​രീ​ക​രി​ച്ച സാ​ഹ​ച​ര്യ​ത്തി​ൽ ആ​രോ​ഗ്യ​വ​കു​പ്പ്​ കൂ​ടു​ത​ൽ ജാ​ഗ്ര​ത​യി​ൽ. നെ​യ്യാ​റ്റി​ൻ​ക​ര​യി​ലും പേ​രൂ​ർ​ക്ക​ട​യി​ലു​മാ​ണ്​ ഇ​തു​വ​രെ രോ​ഗം ക​ണ്ടെ​ത്തി​യ​തെ​ങ്കി​ൽ ക​ഴി​ഞ്ഞ ദി​വ​സ​മാ​ണ്​ ജി​ല്ല​യി​ലെ വ​ട​ക്ക​ൻ മേ​ഖ​ല​യും ജി​ല്ല അ​തി​ർ​ത്തി​യു​മാ​യ നാ​വാ​യി​ക്കു​ള​ത്ത്​ യു​വ​തി​ക്ക്​ രോ​ഗം സ്ഥി​രീ​ക​രി​ക്കു​ന്ന​ത്. ഇ​തോ​ടെ രോ​ഗം സ്ഥി​രീ​ക​രി​ച്ച്​ ചി​കി​ത്സ​യി​ലു​ള്ള​വ​രു​ടെ എ​ണ്ണം ഏ​ഴാ​യി. ഒ​രാ​ൾ നേ​ര​ത്തെ മ​രി​ച്ചി​രു​ന്നു.

യു​വാ​ക്ക​ളി​ൽ രോ​ഗ​ബാ​ധ സം​സ്ഥാ​ന​ത്ത്​ ഇ​താ​ദ്യ​മാ​ണ്. ഇ​ത്ര​യ​ധി​കം രോ​ഗി​ക​ൾ ഒ​രേ സ​മ​യം ചി​കി​ത്സ​യി​ലു​ള്ള​തും ആ​ദ്യം. ഈ ​സാ​ഹ​ച​ര്യ​ങ്ങ​ൾ ക​ണ​ക്കി​ലെ​ടു​ത്താ​ണ്​ ആ​​രോ​ഗ്യ​വ​കു​പ്പ്​ നി​രീ​ക്ഷ​ണ​വും പ്ര​തി​രോ​ധ​വും ക​ർ​ശ​ന​മാ​ക്കി​യ​ത്. നാ​വാ​യി​കു​ള​ത്ത്​ രോ​ഗം സ്ഥി​രീ​ക​രി​ച്ച യു​വ​തി സ​മീ​പ​ത്തെ തോ​ട്ടി​ൽ കു​ളി​ച്ചി​രു​ന്ന​താ​യി ആ​രോ​ഗ്യ​പ്ര​വ​ർ​ത്ത​ക​രോ​ട്​ വ്യ​ക്​​ത​മാ​ക്കി​യി​ട്ടു​ണ്ട്. ആ​റു​ പേ​ർ​ക്ക്​ രോ​ഗ​ബാ​ധ​യു​ണ്ടാ​യ നെ​യ്യാ​റ്റി​ൻ​ക​ര അ​തി​യ​ന്നൂ​രി​ലാ​ണ്​ ഏ​റ്റ​വും കൂ​ടു​ത​ൽ രോ​ഗി​ക​ൾ. സ​മീ​പ​ത്തി​ലെ കു​ള​വു​മാ​യി സ​മ്പ​ർ​ക്ക​മു​ള്ള​വ​രാ​ണ്​ ഇ​വ​ർ ആ​റ്​ പേ​രും.

പേ​രൂ​ർ​ക്ക​ട​യി​ലെ രോ​ഗി​ക്ക്​ എ​വി​ടെ നി​ന്ന്​ രോ​ഗം കി​ട്ടി​യെ​ന്ന്​ വ്യ​ക്​​ത​മ​ല്ല. പ​ക​ർ​ച്ച​വ്യാ​ധി​യ​ല്ലാ​ത്ത അ​മീ​ബി​ക്​ മ​സ്തി​ഷ്ക ജ്വ​രം അ​പൂ​ർ​വ​ങ്ങ​ളി​ൽ അ​പൂ​ർ​വ​മെ​ന്നാ​ണ്​ ആ​രോ​ഗ്യ​വ​കു​പ്പ്​ വ്യ​ക്​​ത​മാ​ക്കു​ന്ന​ത്. കെ​ട്ടി​ക്കി​ട​ക്കു​ന്ന​തോ ഒ​ഴു​കു​ന്ന​തോ ആ​യ ജ​ല​സ്രോ​ത​സു​ക​ളു​മാ​യി ബ​ന്ധ​പ്പെ​ടു​ന്ന ആ​ളു​ക​ളി​ൽ വ​ള​രെ അ​പൂ​ര്‍വ​മാ​മാ​യ​ണ്​ ഇ​ത്​ പി​ടി​പെ​ടു​ന്ന​ത്. ഇ​ത്ത​രം വെ​ള്ള​വു​മാ​യി സ​മ്പ​ര്‍ക്ക​ത്തി​ല്‍ വ​രു​ന്ന​വ​രി​ല്‍ 26 ല​ക്ഷ​ത്തി​ല്‍ ഒ​രാ​ള്‍ക്ക് മാ​ത്ര​മാ​ണ് ഈ ​രോ​ഗം വ​രു​ന്ന​തെ​ന്നാ​ണ് ക​ണ​ക്കു​ക​ള്‍ സൂ​ചി​പ്പി​ക്കു​ന്ന​ത്. സാ​ഹ​ച​​ര്യ​ങ്ങ​ൾ ഇ​ങ്ങ​നെ​യാ​യി​രി​ക്കെ ഇ​ത്ര​യ​ധി​കം കേ​സു​ക​ൾ എ​ങ്ങ​നെ ഉ​ണ്ടാ​യി എ​ന്ന​തി​നും കൃ​ത്യ​മാ​യ മ​റു​പ​ടി​യി​ല്ല.

ത​ല​സ്ഥാ​ന ജി​ല്ല​യി​ൽ രോ​ഗം കൂ​ടു​ത​ൽ റി​പ്പോ​ർ​ട്ട്​ ചെ​യ്യു​ന്ന സാ​ഹ​ച​ര്യ​ത്തി​ൽ ഇ​തു​ സം​ബ​ന്ധി​ച്ച്​ പ​ഠ​നം ന​ട​ത്താ​ൻ ഐ.​സി.​എം.​ആ​ർ സം​ഘം എ​ത്തും. ആ​രോ​ഗ്യ സെ​ക്ര​ട്ട​റി​യു​ടെ ക​ത്തി​ന്‍റെ അ​ടി​സ്ഥാ​ന​ത്തി​ലാ​ണ് വി​ദ​ഗ്​​ധ സം​ഘ​ത്തെ ഐ.​സി.​എം.​ആ​ർ നി​യോ​ഗി​ച്ച​ത്. സം​സ്ഥാ​ന​ത്തെ ജ​ലാ​ശ​യ​ങ്ങ​ളി​ൽ അ​മീ​ബ​യു​ടെ സാ​ന്ദ്ര​ത സം​ബ​ന്ധി​ച്ചും സം​ഘം പ​ഠ​നം ന​ട​ത്തും. അ​പൂ​ർ​വ രോ​ഗ​മാ​ണെ​ന്ന​തി​നാ​ൽ ചി​കി​ത്സ​ക്കാ​യി ആ​രോ​ഗ്യ​വ​കു​പ്പ് പ്ര​ത്യേ​ക മാ​ർ​ഗ​രേ​ഖ നേ​ര​ത്തെ പു​റ​ത്തി​റ​ക്കി​യി​രു​ന്നു.‍

ജലാശയത്തിൽ കു​ളി​ക്കു​മ്പോ​ൾ ശ്ര​ദ്ധി​ക്ക​ണം

കു​ളം, തോ​ട് തു​ട​ങ്ങി​യ ജ​ലാ​ശ​യ​ങ്ങി​ല്‍ കു​ളി​ച്ച​വ​ര്‍ക്ക് രോ​ഗ​ല​ക്ഷ​ണ​ങ്ങ​ള്‍ ക​ണ്ടാ​ല്‍ അ​ത് പ​റ​ഞ്ഞ് ചി​കി​ത്സ തേ​ട​ണ​മെ​ന്ന് ആ​രോ​ഗ്യ വ​കു​പ്പ് . 97 ശ​ത​മാ​നം മ​ര​ണ​നി​ര​ക്കു​ള്ള രോ​ഗ​മാ​ണി​ത്. അ​തി​നാ​ല്‍ ആ​രം​ഭ​ത്തി​ല്‍ ത​ന്നെ രോ​ഗം ക​ണ്ടെ​ത്തി ചി​കി​ത്സി​ക്കു​ന്ന​ത് പ്ര​ധാ​ന​മാ​ണ്. ലോ​ക​ത്ത് ത​ന്നെ രോ​ഗ​മു​ക്തി കൈ​വ​രി​ച്ചി​ട്ടു​ള്ള​ത് ആ​കെ 11 പേ​ര്‍ മാ​ത്ര​മാ​ണ്. കേ​ര​ള​ത്തി​ല്‍ ര​ണ്ടു പേ​രാ​ണ് ഇ​തു​വ​രെ രോ​ഗ​മു​ക്തി നേ​ടി​യ​ത്.

പാ​യ​ല്‍ പി​ടി​ച്ചു കി​ട​ക്കു​ന്ന​തോ മൃ​ഗ​ങ്ങ​ളെ കു​ളി​പ്പി​ക്കു​ന്ന​തോ മാ​ലി​ന്യ​മു​ള്ള​തോ ആ​യ കു​ള​ങ്ങ​ളി​ലെ വെ​ള്ള​ത്തി​ല്‍ കു​ളി​ക്കു​ക​യോ മു​ഖം ക​ഴു​കു​ക​യോ ചെ​യ്യ​രു​ത്. വ​ര്‍ഷ​ങ്ങ​ളാ​യി വൃ​ത്തി​യാ​ക്കാ​ത്ത വാ​ട്ട​ര്‍ ടാ​ങ്കി​ലെ വെ​ള്ളം ഉ​പ​യോ​ഗി​ക്കു​ന്ന​വ​രും ശ്ര​ദ്ധി​ക്ക​ണം. ചെ​ളി കെ​ട്ടി​ക്കി​ട​ക്കു​ന്ന വെ​ള്ള​ത്തി​ല്‍ അ​മീ​ബ ഉ​ണ്ടോ​യേ​ക്കാം. മൂ​ക്കി​ല്‍ ശ​സ്ത്ര​ക്രി​യ​ക്ക്​ വി​ധേ​യ​മാ​യ​വ​ര്‍, ത​ല​യി​ല്‍ ക്ഷ​ത​മേ​റ്റ​വ​ര്‍, ത​ല​യി​ല്‍ ശ​സ്ത്ര​ക്രി​യ​ക്ക്​ വി​ധേ​യ​മാ​യ​വ​ര്‍ എ​ന്നി​വ​ര്‍ പ്ര​ത്യേ​കം ശ്ര​ദ്ധി​ക്ക​ണം. ചെ​വി​യി​ല്‍ പ​ഴു​പ്പു​ള്ള​വ​ര്‍ കു​ള​ത്തി​ലും തോ​ട്ടി​ലും കെ​ട്ടി​ക്കി​ട​ക്കു​ന്ന വെ​ള്ള​ത്തി​ലും മ​റ്റും കു​ളി​ക്കാ​ന്‍ പാ​ടി​ല്ല. കെ​ട്ടി​ക്കി​ട​ക്കു​ന്ന വെ​ള്ള​ത്തി​ല്‍ കു​ളി​ക്കു​ന്ന​തും വെ​ള്ള​ത്തി​ല്‍ ഡൈ​വ് ചെ​യ്യു​ന്ന​തും പ​ര​മാ​വ​ധി ഒ​ഴി​വാ​ക്ക​ണം. വാ​ട്ട​ര്‍ തീം ​പാ​ര്‍ക്കു​ക​ളി​ലേ​യും സ്വി​മ്മി​ങ്​ പൂ​ളു​ക​ളി​ലേ​യും വെ​ള്ളം കൃ​ത്യ​മാ​യി ക്ലോ​റി​നേ​റ്റ് ചെ​യ്ത് ശു​ദ്ധ​മാ​ണെ​ന്ന് ഉ​റ​പ്പാ​ക്ക​ണം. മൂ​ക്കി​ലേ​ക്ക് വെ​ള്ളം ഒ​ഴി​ക്കു​ക​യോ ഒ​രു ത​ര​ത്തി​ലും വ​ലി​ച്ചു ക​യ​റ്റു​ക​യോ ചെ​യ്യ​രു​ത്.