വഴിയോര കച്ചവടക്കാരന് ക്രൂരമർദനം

  ക​ഴ​ക്കൂ​ട്ടം: തി​രു​വ​ന​ന്ത​പു​രം തു​മ്പ കു​ള​ത്തൂ​രി​ൽ വ​ഴി​യോ​ര ക​ച്ച​വ​ട​ക്കാ​ര​നെ ച​ന്ത​യി​ലെ ക​രാ​റു​കാ​ര​നും കൂ​ട്ടാ​ളി​ക​ളും ചേ​ർ​ന്ന് ക്രൂ​ര​മാ​യി മ​ർ​ദി​ച്ചു. വെ​ങ്ങാ​നൂ​ർ സ്വ​ദേ​ശി ഷാ​നു​വി​നാ​ണ് (28) ആ​റം​ഗ സം​ഘ​ത്തി​ന്റെ മ​ർ​ദ​ന​മേ​റ്റ​ത്. സം​ഭ​വ​ത്തി​ൽ പ്ര​തി​ക​ൾ​ക്കെ​തി​രെ തു​മ്പ പൊ​ലീ​സ് വ​ധ​ശ്ര​മ​ത്തി​ന് കേ​സെ​ടു​ത്തു. കു​ള​ത്തൂ​ർ ച​ന്ത​യി​ലെ ക​രാ​റു​കാ​ര​നും സി.​പി.​എം പ്രാ​ദേ​ശി​ക നേ​താ​വു​മാ​യ ശി​വ​പ്ര​സാ​ദും സം​ഘ​വു​മാ​ണ് അ​ക്ര​മി​ച്ച​ത്. പി​ക്​-​അ​പ് വാ​നി​ൽ വ​ഴി​യോ​ര പ​ഴ​ക്ക​ച്ച​വ​ടം ന​ട​ത്തു​ന്ന​യാ​ളാ​ണ് ഷാ​നു.

മാ​ർ​ക്ക​റ്റി​ന്​ പു​റ​ത്ത് റോ​ഡ​രു​കി​ൽ ക​ച്ച​വ​ടം ചെ​യ്ത​തി​നെ തു​ട​ർ​ന്ന് നാ​ട്ടു​കാ​രു​ടെ മു​ന്നി​ൽ വെ​ച്ചാ​യി​രു​ന്നു മ​ർ​ദ​നം. വെ​ള്ളി​യാ​ഴ്ച ഉ​ച്ച​യോ​ടെ കു​ള​ത്തൂ​ർ ജ​ങ്ഷ​നി​ൽ ക​ച്ച​വ​ടം ന​ട​ത്തു​ക​യാ​യി​രു​ന്ന ഷാ​നു​വി​നെ ശി​വ​പ്ര​സാ​ദ് അ​സ​ഭ്യം വി​ളി​ച്ച​ശേ​ഷം പി​ക്​-​അ​പ് വാ​നി​ന്റെ താ​ക്കോ​ൽ ഊ​രി​യെ​ടു​ത്ത് കൊ​ണ്ടു​പോ​യി.

താ​ക്കോ​ൽ ചോ​ദി​ച്ച​പ്പോ​ൾ വീ​ണ്ടും അ​സ​ഭ്യം പ​റ​ഞ്ഞു. ക​ച്ച​വ​ടം ചെ​യ്തു​കൊ​ണ്ടി​രു​ന്ന ഷാ​നു​വി​നെ ശി​വ​പ്ര​സാ​ദി​ന്റെ നേ​തൃ​ത്വ​ത്തി​ൽ മ​ട​ങ്ങി​യെ​ത്തി​യ ആ​റം​ഗ സം​ഘം ക്രൂ​ര​മാ​യി മ​ർ​ദി​ച്ചു. ചു​ടു​ക​ല്ലും താ​ബൂ​ക്ക് ക​ല്ലും കൊ​ണ്ട് ശ​രീ​ര​മാ​സ​ക​ലം മ​ർ​ദി​ച്ചു. കൂ​ടു​ത​ൽ ആ​ളു​ക​ൾ എ​ത്തി​യ​തോ​ടെ അ​ക്ര​മി സം​ഘം സ്ഥ​ലം​വി​ട്ടു. ഗു​രു​ത​ര പ​രി​ക്കേ​റ്റ ഷാ​നു​വി​നെ ജ​ന​റ​ൽ ആ​ശു​പ​ത്രി​യി​ലേ​ക്കു മാ​റ്റി. നി​ര​വ​ധി കേ​സു​ക​ളി​ൽ പ്ര​തി​യാ​ണ് ശി​വ​പ്ര​സാ​ദ്. തു​മ്പ പൊ​ലീ​സ് പ്ര​തി​ക​ൾ​ക്കാ​യി തെ​ര​ച്ചി​ൽ ആ​രം​ഭി​ച്ചു.