വർക്കലയിൽ കനത്ത മഴ; രണ്ട് വീടുകളും കിണറും തകർന്നു

വ​ർ​ക്ക​ല: തി​ങ്ക​ളാ​ഴ്ച രാ​ത്രി മു​ത​ൽ ചൊ​വ്വാ​ഴ്ച ഉ​ച്ച​വ​രെ തി​മി​ർ​ത്ത് പെ​യ്ത മ​ഴ​യി​ൽ മേ​ഖ​ല​യി​ലെ താ​ഴ്ന്ന പ്ര​ദേ​ശ​ങ്ങ​ളി​ൽ വെ​ള്ള​ക്കെ​ട്ടു​ക​ൾ രൂ​പ​പ്പെ​ട്ടു. ര​ണ്ട് വീ​ടു​ക​ളും ഒ​രു കി​ണ​റും ത​ക​ർ​ന്നു. ചെ​റു​ന്നി​യൂ​ർ ക​ട്ടി​ങ് വാ​ർ​ഡി​ൽ ഒ​ലി​പ്പു​വി​ള​വീ​ട്ടി​ൽ ര​മ​ണി​യു​ടെ വീ​ടാ​ണ് പൂ​ർ​ണ​മാ​യും ത​ക​ർ​ന്നു​വീ​ണ​ത്. മ​ൺ​ക​ട്ട കൊ​ണ്ട് കെ​ട്ടി​യ നേ​ർ​ത്ത ഭി​ത്തി​ക​ളി​ന്മേ​ൽ ഷീ​റ്റ് മേ​ഞ്ഞ വീ​ട്ടി​ലാ​ണ് വൃ​ദ്ധ​യാ​യ ര​മ​ണി താ​മ​സി​ച്ചു​വ​ന്ന​ത്. വീ​ടി​ന്റെ മു​ക്കാ​ൽ ഭാ​ഗ​വും കു​തി​ർ​ന്ന് നി​ലം​പൊ​ത്തി. സം​ഭ​വ​സ​മ​യം ര​മ​ണി പു​റ​ത്താ​യി​രു​ന്ന​തി​നാ​ൽ അ​പ​ക​ടം ഒ​ഴി​വാ​യി.

വ​ർ​ക്ക​ല ജ​നാ​ർ​ദ​ന​പു​രം മേ​ലേ​ഗ്രാ​മ​ത്തി​ൽ അ​ശ്വ​തി​യി​ൽ പ്രേ​മ​ല​ത​യു​ടെ വീ​ടി​ന്‍റെ മു​ക്കാ​ൽ ഭാ​ഗ​വും ത​ക​ർ​ന്നു​വീ​ണു. ആ​ൾ​താ​മ​സ​മി​ല്ലാ​തെ പൂ​ട്ടി​ക്കി​ട​ന്ന​തി​നാ​ൽ ഇ​വി​ടെ​യും അ​പ​ക​ടം ഒ​ഴി​വാ​കു​ക​യാ​യി​രു​ന്നു. കാ​റാ​ത്ത​ല കു​ന്നു​വി​ള​വീ​ട്ടി​ൽ ലീ​ലാം​ബി​ക​യു​ടെ വീ​ട്ടു​മു​റ്റ​ത്തെ കി​ണ​ർ കു​ടു​ങ്ങി താ​ഴ്ന്നു.

തി​ങ്ക​ളാ​ഴ്ച പ​ക​ൽ വ​ർ​ക്ക​ല​യി​ലും സ​മീ​പ പ​ഞ്ചാ​യ​ത്തു​ക​ളി​ലും ചാ​റ്റ​ൽ മ​ഴ മാ​ത്ര​മേ ഉ​ണ്ടാ​യി​രു​ന്നു​ള്ളൂ. മ​ഴ മാ​റി​യ ആ​ശ്വാ​സ​ത്തി​ലാ​യി​രു​ന്നു ആ​ള​ക​ൾ. എ​ന്നാ​ൽ പാ​തി​രാ​ത്രി ഒ​ന്ന​ര​യോ​ടെ​യാ​ണ് പി​ന്നെ​യും ക​ന​ത്ത മ​ഴ ഉ​ണ്ടാ​യ​ത്. മ​ഴ​ക്കൊ​പ്പം കൊ​ടു​ങ്കാ​റ്റി​ന് സ​മാ​ന​മാ​യി കാ​റ്റും വീ​ശി​യ​ടി​ച്ചു.

ഒ​ന്ന​ര​ക്ക്​ തു​ട​ങ്ങി​യ മ​ഴ പു​ല​ർ​ച്ച മൂ​ന്ന​ര​വ​രെ നി​ർ​ത്താ​തെ പെ​യ്തു. അ​ര മ​ണി​ക്കൂ​ർ ഇ​ട​വേ​ള​ക്കു​ശേ​ഷം നാ​ലോ​ടെ പി​ന്നെ​യും ക​ന​ത്ത കാ​റ്റും മ​ഴ​യു​മാ​യി. രൂ​ക്ഷ​മാ​യി വീ​ശി​യ​ടി​ച്ച കാ​റ്റി​ൽ മ​ര​ങ്ങ​ൾ വ്യാ​പ​ക​മാ​യി ഒ​ടി​ഞ്ഞു​വീ​ണു. താ​ഴ്​​ന്ന പ്ര​ദേ​ശ​ങ്ങ​ളും വെ​ള്ള​ക്കെ​ട്ടി​ലാ​യി.

മ​ഴ ക​ന​ക്കു​ന്ന​പ​ക്ഷം ഇ​ട​വ​യി​ലെ മേ​ൽ​ക്കു​ളം, പു​ന്ന​കു​ളം, ക​ന്നി​ന്മേ​ൽ, പൊ​ട്ട​ക്കു​ളം, ച​ന്ദ്ര​ത്തി​ൽ, ഇ​ല​ക​മ​ണി​ലെ അ​യി​രൂ​ർ ഏ​ല, ന​ഗ​ര​സ​ഭ​യി​ലെ വി​ള​ക്കു​ളം, ചി​ല​ക്കൂ​ർ, വ​ള്ള​ക്ക​ട​വ്, താ​ഴേ​വെ​ട്ടൂ​ർ മേ​ഖ​ല​ക​ളാ​കെ ദു​രി​ത​ത്തി​ലാ​കും. അ​യി​രൂ​ർ ആ​റ് നി​റ​ഞ്ഞൊ​ഴു​കു​ക​യാ​ണ്.

കനത്തമഴയിൽ ദേശീയപാതയിൽ മണ്ണിടിച്ചിൽ; വലിയ അപകടം ഉണ്ടാകുമെന്ന ആശങ്കയിൽ ജനങ്ങൾ

മം​ഗ​ല​പു​രം: തി​രു​വ​ന​ന്ത​പു​രം പ​ള്ളി​പ്പു​റ​ത്ത് ദേ​ശീ​യ​പാ​ത​യി​ൽ മ​ണ്ണി​ടി​ച്ചി​ൽ. വ​ലി​യ​അ​പ​ക​ടം ഉ​ണ്ടാ​കു​മെ​ന്ന ആ​ശ​ങ്ക​യി​ലാ​ണ് യാ​ത്ര​ക്കാ​രും പ്ര​ദേ​ശ​വാ​സി​ക​ളും. മം​ഗ​ല​പു​രം പ​ള്ളി​പ്പു​റ​ത്ത് കു​റ​ക്കോ​ട് ഒ​രാ​ഴ്ച മു​മ്പ്​ ടാ​ങ്ക​ർ ലോ​റി മ​റി​ഞ്ഞ സ്ഥ​ല​ത്തി​നു​സ​മീ​പ​മാ​ണ് മ​ണ്ണി​ടി​ച്ചി​ലു​ണ്ടാ​യ​ത്. ദേ​ശീ​യ​പാ​ത നി​ർ​മാ​ണ​ത്തി​നാ​യി ഇ​രു​പ​ത​ടി​യി​ല​ധി​കം താ​ഴ്ച​യി​ൽ നി​ല​വി​ലെ പാ​ത​യി​ൽ​നി​ന്ന്​ മ​ണ്ണി​ടി​ച്ചു​മാ​റ്റി​യി​രി​ക്കു​ക​യാ​ണ്.

ദി​വ​സ​ങ്ങ​ളാ​യി തു​ട​രു​ന്ന മ​ഴ​യി​ൽ റോ​ഡി​ന്‍റെ വ​ശ​ത്ത് മ​ണ്ണി​ടി​ഞ്ഞ​തി​നെ​ത്തു​ട​ർ​ന്ന്​ സം​ര​ക്ഷ​ണ​ത്തി​നാ​യി സ്ഥാ​പി​ച്ച ക്രാ​ഷ് ബാ​രി​യ​ർ ത​ക​ർ​ന്നു​തു​ട​ങ്ങി. മ​ഴ ക​ന​ക്കു​ന്ന​തോ​ടെ മ​ണ്ണി​ടി​ച്ചി​ൽ കൂ​ടാ​നാ​ണ് സാ​ധ്യ​ത. ഇ​ങ്ങ​നെ വ​ന്നാ​ൽ കൂ​ടു​ത​ലാ​യി വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ടാ​ൻ സാ​ധ്യ​ത​യേ​റെ​യാ​ണ്.

ഭാ​ര​മു​ള്ള വാ​ഹ​ന​ങ്ങ​ൾ ക​ട​ന്നു​പോ​കു​മ്പോ​ൾ പ​ല​യി​ട​ത്തും മ​ണ്ണ് അ​ട​ർ​ന്നു​വീ​ഴു​ന്നു. നി​ല​വി​ൽ ആ​റ്റി​ങ്ങ​ൽ ഭാ​ഗ​ത്തേ​ക്ക് മാ​ത്ര​മാ​ണ് ഗ​താ​ഗ​തം അ​നു​വ​ദി​ച്ചി​ട്ടു​ള്ള​ത്. മ​ണ്ണി​ടി​ച്ചി​ൽ കൂ​ടു​ത​ലാ​യാ​ൽ ഇ​വി​ടേ​ക്കു​ള്ള ഗ​താ​ഗ​തം പൂ​ർ​ണ​മാ​യും വ​ഴി​തി​രി​ച്ചു​വി​ടേ​ണ്ടി വ​രും. മ​തി​യാ​യ സു​ര​ക്ഷ​യൊ​രു​ക്കി റോ​ഡു​നി​ർ​മാ​ണം ന​ട​ത്ത​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.