വ്യാപാര കേന്ദ്രം കുത്തിത്തുറന്ന് മോഷണം നടത്തിയ ശേഷം മേശയില്‍ സാധനങ്ങള്‍ വലിച്ചെറിഞ്ഞ നിലയില്‍
വെള്ളറട: മലയോര പ്രദേശമായ വെള്ളറടയില്‍ പരക്കെ കടകള്‍ കുത്തിത്തുറന്ന് മോഷണം; ആയിരക്കണക്കിന് രൂപയും നിരവധി സാധനങ്ങളും കോഴികളെയും കടത്തി. വെള്ളറടക്ക് സമീപം കൂതാളി ജങ്ഷനിലെ മൂന്ന് വ്യാപാര സ്ഥാപനങ്ങളിലായാണ് വെള്ളിയാഴ്ച ആർധരാത്രിയോടെ മോഷണങ്ങള്‍ നടന്നത്.
കൂതാളി ജങ്ഷനില്‍ ജ്ഞാനദാസിെൻറ ഉടമസ്ഥതയിലുള്ള സംഗീത സ്‌റ്റോറിെൻറ രണ്ട് ഷട്ടറുകള്‍ കുത്തിപ്പൊളിച്ച് അകത്തുകടന്ന മോഷ്ടാക്കള്‍ മേശയില്‍ സൂക്ഷിച്ചിരുന്ന 6800 രൂപ കവര്‍ന്നതായും സമീപത്തെ സുഭാഷിെൻറ ഉടമസ്ഥതയിലുള്ള മിഥുന്‍ ഫ്ലവര്‍ മില്ലിെൻറ ഡോര്‍ കുത്തിപ്പൊളിച്ച് മേശയില്‍ സൂക്ഷിച്ചിരുന്ന 500 രൂപയും, സമീപത്തെ ബാലരാജിെൻറ ഡാലിയ ചിക്കൻസ്‌റ്റോര്‍ കുത്തിത്തുറന്ന് 2000 രൂപയും കോഴികളെയും കവര്‍ന്നു. ഫ്ലവര്‍മില്ലില്‍ സൂക്ഷിച്ചിരുന്ന ഗോതമ്പ് തറയില്‍ ഉപേക്ഷിച്ചതിനുശേഷം ആ ചാക്ക് ഉപയോഗിച്ചാണ് കോഴികളെ കൊണ്ടുപോയത്.
വെള്ളറട പൊലീസിൽ പരാതി നല്‍കി. വ്യാപാരി വ്യവസായി ഏകോപനസമതിയുടെ നേതാക്കളായ രാജേന്ദ്രന്‍, ഷമീര്‍, ഷാജി, ചൈത്രം ബാബു തുടങ്ങിയവര്‍ മോഷണം നടന്ന കടകള്‍ സന്ദര്‍ശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.