കോർപറഷേൻ മാസ്റ്റർ പ്ലാൻ എന്നു പ്രസിദ്ധീകരിക്കും?; കെട്ടിടനിർമാണ അപേക്ഷകൾ കുരുക്കിൽ

തി​രു​വ​ന​ന്ത​പു​രം: കോ​ർ​പ​റേ​ഷ​ന്‍റെ പു​തി​യ മാ​സ്റ്റ​ർ​പ്ലാ​ൻ പ്ര​സി​ദ്ധീ​ക​ര​ണം അ​നി​ശ്ചി​ത​ത്വ​ത്തി​ലാ​യ​തോ​ടെ, താ​ൽ​ക്കാ​ലി​ക​മാ​യി ഇ​റ​ക്കി​യ മാ​സ്റ്റ​ർ​പ്ലാ​നി​ൽ കു​രു​ങ്ങി കെ​ട്ടി​ട​നി​ർ​മാ​ണ അ​പേ​ക്ഷ​ക​ളും നി​ർ​മാ​ണ​ങ്ങ​ളും. നി​യ​മ​പ്രാ​ബ​ല്യ​മി​ല്ലാ​ത്ത​തും താ​ൽ​ക്കാ​ലി​ക​മാ​യി കോ​ർ​പ​റേ​ഷ​ൻ ത​യാ​ക്കി​യ​തു​മാ​യ ഇ​ന്‍റ​റിം ഡെ​വ​ല​പ്മെ​ന്‍റ് ഓ​ർ​ഡ​ർ (ഐ.​ഡി.​ഒ) പ്ര​കാ​ര​മു​ള്ള മാ​സ്റ്റ​ർ പ്ലാ​നാ​ണ് ജ​ന​ങ്ങ​ൾ​ക്ക് ഇ​രു​ട്ട​ടി​യാ​യ​ത്.

പു​തി​യ മാ​സ്റ്റ​ർ​പ്ലാ​ൻ വ​രു​ന്ന​തു​വ​രെ മാ​ത്രം അം​ഗീ​കാ​ര​മു​ള്ള ഐ.​ഡി.​ഒ​യി​ൽ ന​ഗ​ര​ത്തി​ലെ പ​ല ജ​ന​വാ​സ​മേ​ഖ​ല​ക​ളും നി​ർ​മാ​ണ​നു​മ​തി കി​ട്ടാ​ത്ത മേ​ഖ​ല​ക​ളാ​യി. അ​തേ​സ​മ​യം നി​യ​ന്ത്ര​ണ​ങ്ങ​ളു​ള്ള മേ​ഖ​ല​ക​ൾ പ​ല​തും ഒ​ഴു​വാ​ക്കു​ക​യും ചെ​യ്തി​ട്ടു​ണ്ട്. ഫ്ലാ​റ്റു​കാ​ർ​ക്കും റി​യ​ൽ എ​സ്റ്റേ​റ്റു​കാ​ർ​ക്കും നി​ർ​ബാ​ധം നി​ർ​മാ​ണം ന​ട​ത്താ​നു​ള്ള സാ​ധ്യ​ത​ക​ളും ഇ​ത് തു​റ​ന്ന് ന​ൽ​കു​ന്നു.

ഐ.​ഡി.​ഒ​യി​ലെ കു​രു​ക്ക്​ കാ​ര​ണം പു​തി​യ കെ​ട്ടി​ട​നി​ർ​മാ​ണം, കൂ​ട്ടി​ച്ചേ​ർ​ക്ക​ൽ അ​ട​ക്കം അ​പേ​ക്ഷ​ക​ൾ ത​ള്ളു​ക​യാ​ണ്. നി​ർ​മാ​ണം പൂ​ർ​ത്തീ​ക​രി​ച്ച കെ​ട്ടി​ട​ങ്ങ​ളു​ടെ നി​കു​തി​നി​ർ​ണ​യ​വും ന​ട​ക്കു​ന്നി​ല്ല. കോ​ർ​പ​റേ​ഷ​ന്‍റെ അം​ഗീ​കൃ​ത​മാ​യ മാ​സ്റ്റ​ർ​പ്ലാ​ൻ, അ​താ​യ​ത് 1971ലെ ​സാ​ങ്ഷ​ന്‍റ് മാ​സ്റ്റ​ർ​പ്ലാ​ൻ കാ​ലാ​നു​സൃ​ത​മാ​യി ഇ​പ്പോ​ൾ പു​തു​ക്കു​ക​യാ​ണ്. അ​മൃ​പ​ദ്ധ​തി​യി​ൽ പെ​ടു​ത്തി​യാ​ണ് അ​ത് ന​ട​ന്നു​വ​രു​ന്ന​ത്. ക​ര​ട് പ്ര​സി​ദ്ധ​പ്പെ​ടു​ത്തി പൊ​തു​ജ​നാ​ഭി​പ്രാ​യ​ങ്ങ​ളും കേ​ട്ട് അ​ന്തി​മ മാ​സ്റ്റ​ർ​പ്ലാ​ൻ ഉ​ട​ൻ വ​രു​മെ​ന്നാ​ണ് കോ​ർ​പ​റേ​ഷ​ൻ പ​റ​യു​ന്ന​ത്.

എ​ന്നാ​ൽ മാ​സ​ങ്ങ​ൾ ക​ഴി​ഞ്ഞി​ട്ടും പു​തി​യ മാ​സ്റ്റ​ർ​പ്ലാ​ൻ വെ​ളി​ച്ച​ത്തു​വ​ന്നി​ട്ടി​ല്ല. ഇ​നി​യും ര​ണ്ടു​മാ​സം കാ​ക്ക​ണ​മെ​ന്നാ​ണ് സെ​ക്ര​ട്ട​റി​യു​ടെ വി​ശ​ദീ​ക​ര​ണം. 2014ൽ ​ആ​ദ്യ​മാ​യി എ​സ്.​ഒ.​പി പു​തു​ക്കാ​ൻ തീ​രു​മാ​നി​ച്ചെ​ങ്കി​ലും അ​ന്ന​ത്തെ ക​ര​ടി​ൽ ഉ​ട​ക്കി അ​ത് നി​ല​ച്ചു.

അ​തേ​സ​മ​യം, പു​തി​യ മാ​സ്റ്റ​ർ​പ്ലാ​ൻ ച​ർ​ച്ച ആ​രം​ഭി​ക്കു​മ്പോ​ൾ ത​ന്നെ ബ​ദ​ൽ എ​ന്ന നി​ല​യി​ൽ ഐ.​ഡി.​ഒ പ്ര​സി​ദ്ധ​പ്പെ​ടു​ത്താ​റു​ണ്ട്. അ​പ്ര​കാ​രം 2014ൽ ​ആ​ണ് ഐ.​ഡി.​ഒ നി​ല​വി​ൽ വ​ന്ന​ത്. സാ​ധാ​ര​ണ നി​ല​യി​ൽ എ​സ്.​ഒ.​പി​യി​ൽ നി​ന്ന് കാ​ര്യ​മാ​യ മാ​റ്റം ഇ​തി​ൽ ഉ​ണ്ടാ​കാ​റി​ല്ല. എ​ന്നാ​ൽ ബ​ദ​ലി​ലാ​ണ് കു​രു​ക്കു​ക​ൾ ക​ട​ന്നു​കൂ​ടി​യ​ത്.

നി​ര​വ​ധി പ​രാ​തി​ക​ൾ ഉ​യ​ർ​ന്ന​തി​ന്‍റെ അ​ടി​സ്ഥാ​ന​ത്തി​ൽ പ​രി​ഹാ​ര​മാ​യി ഐ.​ഡി.​ഒ​ക്കൊ​പ്പം എ​സ്.​ഒ.​പി കൂ​ടി പ​രി​ശോ​ധി​ക്കാ​ൻ സ​ർ​ക്കാ​ർ നി​ർ​ദ്ദേ​ശം ന​ൽ​കി. അ​ത​നു​സ​രി​ച്ചാ​ണ് ഇ​തു​വ​രെ നി​ർ​മാ​ണ​വു​മാ​യി ബ​ന്ധ​പ്പെ​ട്ട അ​പേ​ക്ഷ​ക​ൾ പ​രി​ഗ​ണി​ച്ചു​വ​ന്ന​ത്. എ​ന്നാ​ൽ അ​മൃ​തി​ന്‍റെ ന​ട​പ​ടി​ക​ൾ ആ​രം​ഭി​ച്ച​തോ​ടെ കോ​ർ​പ​റേ​ഷ​ൻ 100 വാ​ർ​ഡു​ക​ളി​ലും ഐ.​ഡി.​ഒ മാ​ത്രം പ​രി​ശോ​ധി​ച്ചാ​ൽ മ​തി​യെ​ന്ന് കോ​റ​പ​റേ​ഷ​ൻ സെ​ക്ര​ട്ട​റി പു​തി​യ ഉ​ത്ത​ര​വി​റ​ക്കി.

അ​താ​ണി​പ്പോ​ൾ ജ​ന​ത്തി​ന് കു​രു​ക്കാ​യി​രി​ക്കു​ന്ന​ത്. റ​സി​ഡ​ൻ​ഷ്യ​ൽ മേ​ഖ​ല​ക​ളി​ൽ പ​ല​തും നി​ർ​മ​ണാ​നു​മ​തി നി​ഷേ​ധി​ക്കു​ക​യാ​ണ്. അ​ത്ത​രം അ​പേ​ക്ഷ​ക​ർ റീ​ജ​ന​ൽ ടൗ​ൺ​പ്ലാ​ന​റു​ടെ (ആ​ർ.​ടി.​പി) അ​നു​മ​തി വാ​ങ്ങ​ണ​മെ​ന്നാ​ണ് പ​റ​യു​ന്ന​ത്. എ​ന്നാ​ൽ പു​തി​യ മാ​സ്റ്റ​ർ​പ്ലാ​ൻ വ​രാ​ത്ത​തി​നാ​ൽ തീ​രു​മാ​നം എ​ടു​ക്കാ​ൻ ക​ഴി​യി​ല്ലെ​ന്നും ചീ​ഫ് ടൗ​ൺ പ്ലാ​ന​റു​ടെ (സി.​ടി.​പി) അ​നു​മ​തി വാ​ങ്ങ​ണ​മെ​ന്നു​മാ​ണ് ആ​ർ.​ടി.​പി നി​ർ​ദ്ദേ​ശി​ക്കു​ന്ന​ത്.

കോ​ർ​പ​റേ​ഷ​ൻ സെ​ക്ര​ട്ട​റി ഇ​റ​ക്കി​യ ഉ​ത്ത​ര​വി​ൽ കു​രു​ങ്ങി നൂ​റു​ക​ണ​ക്കി​ന് അ​പേ​ക്ഷ​ക​ളാ​ണ് സി.​ടി.​പി​യി​ൽ പ​രി​ഹാ​രം കാ​ത്ത് കി​ട​ക്കു​ന്ന​ത്. ഇ​ക്കാ​ര്യ​ത്തി​ൽ വ്യ​ക്ത​മാ​യൊ​രു പ​രി​ഹാ​രം നി​ർ​ദ്ദേ​ശി​ക്കാ​നും സെ​ക്ര​ട്ട​റി​ക്ക് ആ​കു​ന്നി​ല്ല.