പനമരം: ബസ് യാത്രക്കിടെ വിദ്യാര്‍ഥിനിയോട് അപമര്യാദയായി പെരുമാറിയ യുവാവ് അറസ്റ്റിലായി. സുൽത്താൻ ബത്തേരി പൂമല തൊണ്ടന്‍മല ടി.എം. ഫിറോസിനെ (38)യാണ് പനമരം പൊലീസ് അറസ്റ്റ് ചെയ്തത്. ബുധനാഴ്ച വൈകീട്ട് 4.30ഓടെ മാനന്തവാടി -സുൽത്താൻ ബത്തേരി റൂട്ടില്‍ സര്‍വിസ് നടത്തുന്ന സ്വകാര്യ ബസിലായിരുന്നു സംഭവം.
പനമരത്തേക്ക് യാത്ര ചെയ്യുകയായിരുന്ന പ്ലസ് ടു വിദ്യാര്‍ഥിനിക്ക് നേരെയായിരുന്നു അതിക്രമം. വിദ്യാര്‍ഥിനിയുടെ തൊട്ടടുത്ത സീറ്റിലിരുന്ന് യാത്ര ചെയ്യുകയായിരുന്ന ഫിറോസ് അപമര്യാദയായി പെരുമാറുകയായിരുന്നു. തുടര്‍ന്ന് വിദ്യാര്‍ഥിനി ഇയാളെ കൈയേറ്റം ചെയ്തു. ഇതോടെ യാത്രക്കാരും നാട്ടുകാരും ചേര്‍ന്ന് ഇയാളെ പനമരത്തെത്തിച്ചു.
വിദ്യാര്‍ഥിനി പനമരം പൊലീസില്‍ പരാതി നല്‍കി. പനമരം എസ്.ഐ പി.സി. സജീവനും സംഘവും ചേര്‍ന്ന് ഇയാളെ പോക്‌സോ നിയമപ്രകാരം അറസ്റ്റ് ചെയ്യുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.