ജില്ല പൊലീസ് വോളിബാൾ ടൂർണമെന്റിൽ ജേതാക്കളായ മാനന്തവാടി സബ് ഡിവിഷൻ
കൽപറ്റ: ജില്ല പൊലീസ് സ്പോർട്സ് മീറ്റിന് വോളിബാൾ മത്സരത്തോടെ തുടക്കമായി. കേണിച്ചിറ യുവപ്രതിഭ ഇൻഡോർ സ്റ്റേഡിയത്തിൽ നടന്ന വോളി ടൂർണമെന്റ് സുൽത്താൻ ബത്തേരി സ്റ്റേഷൻ എസ്.എച്ച്.ഒ എം.എ. സന്തോഷ് ഉദ്ഘാടനം ചെയ്തു. കേരള പൊലീസ് അസോസിയേഷൻ ജില്ല സെക്രട്ടറി ഇർഷാദ് മുബാറക് അധ്യക്ഷത വഹിച്ചു. വോളിബാൾ അസോസിയേഷൻ ജില്ല സെക്രട്ടറി ഹരിദാസ്, കേരള വോളിബാൾ താരം ഐബിൻ ജോസ്, ശശിധരൻ, ബിപിൻ സണ്ണി, പി.ജി. സജീഷ് കുമാർ തുടങ്ങിയവർ സംസാരിച്ചു. ടൂർണമെന്റിൽ മാനന്തവാടി സബ് ഡിവിഷൻ ജേതാക്കളായി. സുൽത്താൻ ബത്തേരി സബ് ഡിവിഷൻ റണ്ണേഴ്‌സും, ഡി.എച്ച്.ക്യൂ വയനാട് സെക്കന്റ് റണ്ണേഴ്‌സുമായി. സുൽത്താൻ ബത്തേരി ഇത്തിഹാദ് ഫുട്ബാൾ അക്കാദമിയിൽ അഞ്ചിന് ഫുട്ബാൾ, പനമരം കരുമ്പുമ്മൽ സ്റ്റേഡിയത്തിൽ ഏഴിന് ക്രിക്കറ്റ് മത്സരം, കൽപറ്റ ജിനചന്ദ്ര സ്റ്റേഡിയത്തിൽ പത്തിന് അത് ലറ്റിക്‌സ്‌ മത്സരങ്ങളും നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.