തൊ​ഴി​ലാ​ളി​ക്ഷാ​മം; വി​ള​വെ​ടു​ക്കാ​നാ​കാ​തെ കാ​പ്പി​ക്ക​ർ​ഷ​ക​ർ

മേ​പ്പാ​ടി: തൊ​ഴി​ലാ​ളി​ക്ഷാ​മം രൂ​ക്ഷ​മാ​യ​തി​നെ തു​ട​ർ​ന്ന് വി​ള​വെ​ടു​പ്പ് പ്ര​തി​സ​ന്ധി​യി​ൽ. ജി​ല്ല​യി​ലെ നി​ര​വ​ധി കാ​പ്പി​ത്തോ​ട്ട​ങ്ങ​ളി​ൽ വി​ള​വെ​ടു​പ്പി​ന് ആ​ളെ കി​ട്ടാ​ത്ത അ​വ​സ്ഥ​യാ​ണ്.

മേ​പ്പാ​ടി മേ​ഖ​ല​യി​ലെ കാ​പ്പി​ക്ക​ർ​ഷ​ക​ർ ആ​ളെ കി​ട്ടാ​താ​യ​തോ​ടെ വി​ള​വെ​ടു​പ്പ് ന​ട​ത്താ​ൻ ക​ഴി​യാ​ത്ത അ​വ​സ്ഥ​യി​ലാ​ണ്. ചി​ല വ​ലി​യ തോ​ട്ട​ങ്ങ​ളി​ൽ മാ​ത്ര​മാ​ണ് വി​ള​വെ​ടു​ക്കാ​ൻ അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളു​ള്ള​ത്. കാ​ലം തെ​റ്റി പെ​യ്ത മ​ഴ​യും കാ​പ്പി​ക്ക​ർ​ഷ​ക​ർ​ക്ക് വി​ന​യാ​യി. പ​റി​ച്ചെ​ടു​ക്കാ​ത്ത കാ​പ്പി​ക്കു​രു പ​ഴു​ത്തും ഉ​ണ​ങ്ങി​യും ചെ​ടി​ക​ളി​ൽ​ത്ത​ന്നെ നി​ൽ​ക്കു​മ്പോ​ഴാ​ണ് കാ​ലം തെ​റ്റി മ​ഴ പെ​യ്യു​ന്ന​ത്. മ​ഴ​യും മ​ഞ്ഞും വ​ന്ന​തോ​ടെ കാ​പ്പി വീ​ണ്ടും പൂ​ത്തു.

ഇ​ത് അ​ടു​ത്ത വ​ർ​ഷ​ത്തെ വി​ള​വി​നെ പ്ര​തി​കൂ​ല​മാ​യി ബാ​ധി​ക്കു​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. ക​ള​ങ്ങ​ളി​ൽ ഉ​ണ​ക്കാ​നി​ട്ട കാ​പ്പി​ക്കു​രു മ​ഴ ന​ന​ഞ്ഞ് ഒ​ലി​ച്ചു​പോ​യ സം​ഭ​വ​ങ്ങ​ളും നി​ര​വ​ധി​യു​ണ്ട്. കാ​പ്പി ധാരാളമായി കൃഷി ചെയ്യുന്ന മേ​ഖ​ല​യാ​ണ് മേ​പ്പാ​ടി, മൂ​പ്പൈ​നാ​ട് പ​ഞ്ചാ​യ​ത്തു​ക​ൾ.കാ​പ്പി​ക്ക് സാ​മാ​ന്യം ഭേ​ദ​പ്പെ​ട്ട വി​ല​യു​ണ്ടെ​ങ്കി​ലും ഇ​തി​ന്റെ ഗു​ണം ല​ഭി​ക്കാ​ത്ത അ​വ​സ്ഥ​യാ​ണി​പ്പോ​ൾ.